Fyrsta haustlægðin!

Hún er óneitanlega ansi reffileg þessi fyrsta haustlægð!

Og gerir sig svo sannarlega breiða um hálft Atlantshafið.

Myndin sýnir hana frá kl. 7 í morgun og er af vef Veðurstofunnar.

Spái ek svo því, og leggið nú eyrun við börnin mín ung og smá,  bévítans óþekktarormarnir, að eftir hraklegt haustið komi fádæma vetrarhörkur með svá miklum hafísum, að elstu menn muni ekki annað eins enda muna þeir nú svo sem aldrei eitt né neitt. Verður þá mörg óætan ill etin og lánleysi mikið mun þjaka jafnt menn sem algjörar skepnur og valda fári miklu svo kalla megi það í einu orði sagt alveg óborganlegt.    

Athugasemdir

[Þorsteinn Briem, 2.7.2010 kl. 01:37]

Fleiri hafa þá ruglast í ríminu en Framsóknarmafían

[Jenný Stefanía Jensdóttir, 2.7.2010 kl. 16:35]

Í annarri heimsálfu vestan við eyjuna bláu, hvers uppruni þessa lægðar mun hafa verið, hefðu þeir kallað hana "síðustu vetrarlægðina", enda ekki enn kominn sumardagurinn fyrsti þar um slóðir.

[Hólmfríður Pétursdóttir, 2.7.2010 kl. 23:56]

Þessi spá er auðvitað ekki spá, heldur ályktun dregin af veðurkortum, eða hvað?

[Lára Hanna Einarsdóttir, 5.7.2010 kl. 02:19]

Uppörvandi og skemmtilegt...    Meira svona!

[Sigurður Þór Guðjónsson, 5.7.2010 kl. 03:49]

Já, Lára þú hefur alltaf verið mjög svag fyrir árlegum hafísspám mínum og herju rigninarsumrinu á fætur öðrum síðustu árin!