Ekki vetrarveður þó hvessi

Í hádegisfréttum Ríkisútvarpsins var talað fullum fetum um að vetrarveður það sem nú á að  vera hafi komið fólki á óvart. Á bloggsíðum og fasbókarsíðum tala margir um hret og jafnvel að páskahretið ætli að verða langt í ár. Menn vilja meina að nú láti vorið bíða eftir sér. Í fyrradag var þó tutugu stiga hiti í Vopnafirði!

Að mínum dómi er bara ekkert vorhret núna og því um síður páskahret. Það var ansi hvasst í gær og veðrið verður blautt og rysjótt næstu daga með ónota hryðjum sunnanlands og vestan. En ég kalla það ekki alvöru hret. Ekki má heldur gleyma því að fyrir norðan og austan er fínasta veður. Mjög lítill snjór er líka á landinu, jafnvel upp á heiðar,  þó hann aukist kannski næstu daga.

Hvassvirði í apríl af suðvestri jafngildir ekki vetrarveðri eða hreti. Hiti hefur reyndar verið langt yfir meðallagi árstímans allan mánuðinn og hann er enn yfir því. Páll Bergþórsson gerir ráð fyrir því  á fasbókarsíðu sinni að hann verði rétt aðeins undir meðallagi  hlýindatímabilsins 1931-1960 í Stykkishólmi næstu níu daga.

Það gerir eflaust él og snjókomu á heiðum og fjöllum en á láglendi er varla gert ráð fyrir að frjósi  næstu daga þó úrkoma verði talsverð og hryssingur og þessi leiðinlegu haglél. Um miðjan mánuð má slá því föstu að meðalhtinn verði enn vel yfir meðallagi á landinu. Á laugardaginn er hins vegar spáð ansi ískyggilegu veðri, snjókomu og frosti víða. En það veður er ekki komið og kemur kannski ekki. 

En það veður sem hefur þegar sýnt sig í apríl, þrátt fyrir illvirðrið í gær, er  niður við jörð  varla hægt að kalla vetrarveður hvað sem síðar verur. Ég veit ekki við hverju fólk býst snemma í apríl. Varla því að ekki megi gera ráð fyrir því  að komi kuldaköst fyrr en að hausti. Stundum koma reyndar engin kuldaköst að heitið getið í öllum apríl en það er þó alvanalegt að alveg til loka hans komi norðanskot með frosti um allt land og snjókomu á öllum norðurhelmingi landsins. Og jafnvel alveg fram í maí eða lengur.Það eru alvöru vorhretin að mínum dómi.

Hvassviðri af suðvestri með hryðjum en frostlausu veðri jafnast engan vegin á við slík alvöruhret þó ekki séu þau sérlega yndisleg. 

Alltaf hefur mér leiðst þetta hugtak páskahret. Vegna þess hve hret eru  algeng frameftir öllu vori finnst mér út í hött að tengja þau páskum sérstaklega. En  það er kannski vit í þessu hugtaki út frá félagslegum forsendum vegna útivistar og þess háttar.  

Til þess að menn viti hvað ég á við með alvöru aprílhretum eru hér birt nokkur gömul kort með þeim  þennan mánaðardag. Þetta er bara sýnishorn.  Og svona dagar geta komið allan apríl. Menn beri  svo kortin saman við efsta kortið sem er frá hádegi í dag. Svo er þarna loks bónuskort frá  einum yndisfríðum júnídegi! 

Vorið er í fullum gangi þó rysjótt sé. Þökkum fyrir að ekki séu vorharðindi.

kl12.gif

 

 

 

 

 

 

 

 

 

 

 

 

 

 

1951-04-11_12.gif

 

 

 

 

 

 

 

 

 

 

 

 

 

1975-04-11_12.gif

 

 

 

 

 

 

 

 

 

 

 

 

 

 

1976-04-11_12.gif

 

 

 

 

 

 

 

 

 

 

 

 

 

 

1984-04-11_12.gif

 

 

 

 

 

 

 

 

 

 

 

 

 

2001-04-11_12.gif

 

 

 

 

 

 

 

 

 

 

 

 

 

 

 1975-06-02_12.gif

 

 

 

 

 

 


Skrár tengdar þessari bloggfærslu:

« Síðasta færsla | Næsta færsla »

Athugasemdir

1 Smámynd: Sveinn Atli Gunnarsson

Fróðlegt

Vorkveðja

Sveinn Atli Gunnarsson, 11.4.2011 kl. 14:37

2 Smámynd: Emil Hannes Valgeirsson

Vorið finnst mér vera frekar erfitt hugtak hér á landi og hitinn segir kannski ekki allt. Þegar fólk talar um vor þá er yfirleitt átt við veður þar sem hægt er að spóka sig útivið án þess að vera kappklættur, helst þarf sólin líka að skína. Stundum er því talað um vorveður jafnvel í mars ef vel viðrar.

Veðurfarið undanfarið hefur bara verið svo risjótt hér í Reykjavík að hin eiginlega vorstemmning hefur ekki náð sér á strik. En þetta er þó langt frá því að vera vetrarveður eða vorhret miðað við það sést sést á þessum kortum.

Svo er bara spurning hvort þessir umhleypingar standi fram á haust þannig að við fáum loksins almennilegt rigningasumar.

Emil Hannes Valgeirsson, 11.4.2011 kl. 22:53

3 Smámynd: Sigurður Þór Guðjónsson

Já, maður býður eftir rólegu bjartviðri í þolanlegum hita svo hægt sé að njóta vorkomunnar. En það er bara 11. Þetta er allt að koma - vonandi.

Sigurður Þór Guðjónsson, 11.4.2011 kl. 23:07

4 Smámynd: Sigurður Þór Guðjónsson

Reyndar hefur ekkert verið sérlega hvasst undanfarnar vikur nema síðustu viku. Mér finnst margt verra en þetta, t.d. endalausar norðanáttir með kulda. Og gróðurinn er í fínu standi.

Sigurður Þór Guðjónsson, 13.4.2011 kl. 00:50

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband