Ýkjur um veður

Framkvæmdastjóri Fiskidagsins mikla segir að sé ''brjáluð blíða'' á Dalvík núna. Ekki er veðurstöð á Dalvík en á Hámundarstaðahálsi, skammt frá, en reyndar í 103 m hæð, hefur hitinn  varla farið upp fyrir 12 stig. Á Eyjafjarðarsvæðinu utanverðu hefur verið gola af hafi í dag og svona 11-13 stiga hiti. Það er svona þolanlegt um hásumarið og alls ekki fram yfir dæmigert meðalástand. Að kalla það ''brjálaða blíðu'', sem á víst að merkja alveg sérdeilis mikla veðurblíðu, eru vægast sagt ýkjur. Það er eiginlega merkingarleysa. En ef hefði verið 20 stiga hiti hefði þetta orðalag alveg gegnið.

En svona ýkjur mótshaldara útihátíða um veður mega heita regla. Aldrei geta þeir skýrt frá veðri á sæmilega hlutlægan og skilmerkilegan hátt.  Þeir segja t.d. aldrei: það er  hafgola og nokkuð skýjað en sér þó stundum til sólar og 12 stig hiti. Nei, þeir þurfa alltaf að búa til glansmynd af veðrinu út fyrir allan raunveruleika. Það á víst að bæta ímynd viðkomandi útihátíðar. 

Ekki kaupi ég það athugunarlaust, fremur en ''brjáluðu blíðuna'',  að nú sé sólskin í ellfta sinn í röð á Fiskideginum. Hvað er til dæmis átt við með þessu orðalagi?  Að sjáist eitthvað til sólar eða alltaf hafi verið glaðasólskin? Ellefu skipti í röð! Það er á móti öllum líkum. 

Ef einhver skyldi svo freistast til að halda að þessi ellefta meðferð á veðurfari eigi að sýna hvað alltaf sé sólríkt fyrir norðan þá er það óhagganleg staðreynd að sól skín á sumrin meira í Reykjavík heldur en fyrir norðan.

Vel á minnst. Í Reykjavík fór fram gleðiganga í dag í alveg snarbrjálaðri blíðu. Sólin skein bara alveg og skein allan guðslangn daginn og hitinn var 15-16 stig á mælum Veðurstofunnar.

En við höfuðstaðabúar erum nú svo sem vanir slíku og þurfum ekki að búa til neinar glansmyndir. Bara telja fram beinharðar staðreyndir!

 


mbl.is „Brjáluð blíða á Dalvík“
Tilkynna um óviðeigandi tengingu við frétt
Skrár tengdar þessari bloggfærslu:

« Síðasta færsla | Næsta færsla »

Athugasemdir

1 identicon

Alltaf sama öfundsýkin í stórum hluta þeirra sem eiga heima hérna í Reykjavík. Fólk er að reyna gera sér glaðan dag og síðan koma pakk eins og þú sem byrja að rakka þetta niður

farðu bara og labbaðu niður laugarveginn fyrst það er svona gott verður í þessari borg sem við búum í

sighvatur K (IP-tala skráð) 6.8.2011 kl. 18:18

2 Smámynd: Emil Hannes Valgeirsson

Þetta kallar á brjáluð viðbrögð.

Tröllaskaginn er jafnvel sjálfur farinn að hristast.

Emil Hannes Valgeirsson, 6.8.2011 kl. 18:50

3 Smámynd: Sigurður Þór Guðjónsson

Maður ætti kannski að ganga aftur á bak niður Laugaveginn!

Sigurður Þór Guðjónsson, 6.8.2011 kl. 19:00

4 identicon

Sammála þér, nafni. Veðurskreytni, ef svo má nefna það, er í beinu hlutfalli við mikilvægi viðburða.

Búið að vera fínt veður hérna á Skagaströnd í dag, sérstaklega ef maður kennst hlémegin við þessa NA 10 til 13 m/s. Annars hefur bara lægt eftir því sem á daginn hefur liðið og nú er komin reykvísk snarbrjáluð blíða. Og aldrei lýg ég. Ekki bærist hár á höfði mínu (hefur ekki gerst lengi).

Sigurdur Sigurdarson (IP-tala skráð) 6.8.2011 kl. 19:39

5 identicon

Þessar veðurlýsingar eru svona álíka heiðarlegar og nákvæmar og áætlanir um gestafjölda á þessum sama viðburði.

Bjarki (IP-tala skráð) 6.8.2011 kl. 19:54

6 Smámynd: Sigurður Þór Guðjónsson

Þetta er náttúrlega ekkert stórmál og allir reyna að gera sinn veðurhlut góðan meðan fjörið er sem mest en það má alveg vera smá raunsæi með. Ég hef lengi haft illan bifur á ofnotkun orðsins ''blíða'' um veður.

Sigurður Þór Guðjónsson, 6.8.2011 kl. 20:01

7 Smámynd: Sigurður Þór Guðjónsson

Svo er veðurstríðni milli landshluta alltaf skemmtileg svo lengi sem hún er ekki tekin of alvarlega.

Sigurður Þór Guðjónsson, 6.8.2011 kl. 20:04

8 identicon

auðvitað er þetta ekkert stórmál og öllum mótshöldurum þykir sinn fugl fagur. Blíða sem slík er mjög sjaldgæf á Íslandi ef blíðu má kalla, fer þó eftir því hvað maður ber blíðuna saman við

sighvatur k (IP-tala skráð) 6.8.2011 kl. 20:43

9 Smámynd: Anna Guðný

Ég er búin að vera hér á Dalvík síðan á fimmtudag. Einu alvöru ýkjurnar sem ég hef heyrt í sambandi við veður hér er veðurspáin. Það var spáð rigningu og ég hef lítið orðin vör við hana, frétti þó af henni eina nóttina á meðan ég svaf. Það er búið að vera blíða hér í allan dag. Hvernig met ég það? Jú, ég er búin að vera á ermastuttu í allan dag. Fór í ermar þegar kvöldaði.

Svo finnst mér líka í góðu lagi þó sé gott veður í öðrum landshlutum.

Anna Guðný , 7.8.2011 kl. 00:41

10 Smámynd: Kama Sutra

Þetta er skemmtilegasta veðurfærsla sem ég hef lesið lengi.

Kama Sutra, 7.8.2011 kl. 01:26

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband