Undarleg frétt í Ríkisútvarpinu um kulda í Moskvu

Ríkisútvarpið var að segja frá því að fimmtán útigangsmenn hafi dáið í Moskvu undanfarið úr kulda. Það getur alveg verið rétt. Síðan er því bætt við að miklar vetrarhörkur séu í Rússlandi og búist sé við að fleiri muni deyja úr kulda. 

Veðurfar í Moskvu er kalt um háveturinn og miklu kaldara en hér. Margir eru þar heimilislausir og næsta víst að svo og svo margir verði úti á hverjum vetri þar í miljónaborginni. En af fréttinni má helst ráða að núna séu óvenjulega miklir kuldar ríkjandi í Moskvu. 

En svo er alls ekki. Nóvember hefur þvert á móti verið afar mildur. Síðustu daga hefur smávegis kólnað en frostið ekki verið til að gera veður út af, hvorki á íslenskan né rússneskan mæikvarða. Fjarstæða er að tala um frosthörkur og reyndar ólíklegt að mikið mildara verði í Moskvu að staðaldri næstu mánuðina.

En hitann í borginni í þessum mánuði má sjá hér á þessari töflu. (Menn þurfa aðeins að skrolla niður siðuna þegar hún birtist).  

Satt að segja skil ég ekki hvað er verið að fara í þessari frétt útvarpsins. 

Í töflunni lengst til vinstri (blátt) er lágmarkshiti dagsins í Moskvu, þá meðalhiti sólarhringsins (grænt), hámarkshiti (rautt), vik meðalhita frá meðallagi (plús með rauðu, mínus með bláu) og loks lengst til hægri úrkoma í millimetrum (grænt). Það blasir við hve mildur þessi mánuður hefur verið. Lengst til hægri á síðunni sést dagatal og þar er uppi mesti hiti hvers dags sem mælst hefur í nóvember í Moskvu nokkru sinni og ártalið með innan sviga og ef smellt er bláa ferninginn fyrir ofan dagatalið kemur upp minnsti hiti sem mælst hefur hvern dag (a.m.k. frá 1882). Neðar á síðunni sést Moskvuhitinn á línuriti fyrir mánuðinn en deplarnir fyrir ofan og neðan er það sem hitinn hefur mest eða minnst mælst dag hvern nokkru sinni.

Veðurstofan ætti að koma sér upp einhverju svona sem allra fyrst. En þangað til verður hið frækilega og hugumstóra fylgiskjal þessarar bloggsíðu að duga!  

 

Athugasemdir

[Ómar Ragnarsson, 27.11.2012 kl. 20:05]

Meðalhiti á þessum árstíma í Moskvu er 3ja stiga frost. Ég sá áðan í sjónvarpinu að spáð var eins stigs frosti á morgun. Tek undir með þér um það að það er alger misskilingur að óvenjulegar frosthörkur séu eða hafi verið í Moskvu, heldur þvert á móti.

[Vilhjálmur Örn Vilhjálmsson, 28.11.2012 kl. 11:39]

Það dóu miklu fleiri á vetri hverjum í Moskvuborg, þegar rauði fáninn hékk þaðr við hún. Ekki var það þó vegna frostsins. Vinstri menn æstu sig lítið út af því og fóru aldrei til að mótmæla fyrir framan sendiráð BNA.

En fréttamenn ljúga hins vega jafn mikið áður um veður sem annað.

[Sigurður Þór Guðjónsson, 28.11.2012 kl. 12:46]

Villi villíngur! Megi allir vondir kommar frjósa í helvíti!

[日本人です (IP-tala skráð) 5.12.2012 kl. 07:01]

ブログヲ　ミテ　メールシマシタ

ニホンゴハ　ハナセマスカ

ワタシハ　ニホンゴシカ　ハナセマセン

アナタガ　ニホンゴヲハナセルナラ

メールコウコンシマショウ

harbormen