Ljúfmennska

"Á fimmtíu ára söngferli hefur hann ekki, svo vitað sé, móðgað nokkurn mann  eða komið úr jafnvægi með orðum sínum og athöfnum."

Þetta stendur í grein í Morgunblaðinu í dag um söngvarann Cliff Richard.

Og svona eiga menn að vera. Ég hef aldrei getað skilið þá aðdáun sem er svo algeng á þeim sem eru með andstyggilegheit gagnvart fólki í hvaða mynd sem er. Það þarf samt ekki að þýða að ljúfmennin séu skaplaus eða karakterlaus eða geti ekki sagt meiningu sína.  

Nú er víst sagt að Cliff Richard sé hörkuhommi. Mér gæti ekki verið meira sama.

Ég man annars vel þegar hann kom fram árið 1958 en frægur varð hann svo um munar með laginu Living Doll sem birtist síðsumars 1959. Þá var ég á 12. ári.

Ég hef sem sagt lifað lengur en elstu menn muna.

Athugasemdir

[Lára Hanna Einarsdóttir, 14.9.2008 kl. 16:16]

Cliffinn var í miklu uppáhaldi hjá mér þegar ég var 10-12 ára. Síðan hefur mér verið mjög hlýtt til hans.

En ansi er ég hrædd um að mörg yngismeyjarhjörtun a.m.k. í Englandi hafi kramist þegar hann kom loksins út úr skápnum. Þær gátu þó alltaf vonað áður.

[Malína (IP-tala skráð) 14.9.2008 kl. 17:47]

Ég var aldrei neinn sérstakur aðdáandi Cliffans.  En ég man hins vegar vel eftir því að ég fékk hálfgert taugaáfall og hjarta mitt kramdist hroðalega þegar upplýstist að Freddy Mercury úr Queen væri hommi.  Þar fór sko flottur og sexý drengur í strákana!

[Svava frá Strandbergi , 14.9.2008 kl. 19:04]

Mér fannst hann algjört æði í kvikmyndinni 'Summer hollyday´

[Svava frá Strandbergi , 14.9.2008 kl. 19:06]

Annars eigum við frænda sem var ansi likur honum Cliff þegar hann var yngri og hann er nafni þinn, Siggi.

[Sigurður Þór Guðjónsson, 14.9.2008 kl. 19:13]

Ég er enginn Cliff aðdándi sem söngvara en finnst mikið til ljúfmennsku hans koma. Maður öfundar stundum þá sem eru manni ólíkir, það hranalega rustamenni sem ég er!  En man nokkur eftir Tommy Steele hvers ár voru 1956 og 1957 með sitt frægasta lag Water, Water sem Skafti Ólafsson gerði hér sígilt sem "Það er allt á floti alls staðar".  

[Sigurður Þór Guðjónsson, 14.9.2008 kl. 20:13]

Maður lærir nú alltaf og þroskast!

[halkatla, 14.9.2008 kl. 21:44]

Ég var nú bara rosalega ánægð þegar Bret Anderson í Suede sagðist vera bæjari - þá gátu allir vonað.

og eitt enn, kærastinn hans Cliffs ykkar er einhverskonar prestur

[Malína (IP-tala skráð) 14.9.2008 kl. 23:39]

Já, ég held að kærastinn hans Cliff hafi verið kaþólskur prestur áður, sem mátti ekki gera hittið - en uppgötvaði svo að hann var með náttúru eftir allt saman, rétt eins og allt venjulegt fólk.

[Sigurður Þór Guðjónsson, 14.9.2008 kl. 23:51]

En er hann ekki öfugrar náttúru?! Má annars djóka á þennan hátt nú á dögum? Bið náttúrlega forláts í allar áttir!

[Malína (IP-tala skráð) 14.9.2008 kl. 23:56]

Erum við ekki nokkuð seif með svona djóka þangað til Jón Valur rekst hingað inn?!

[Jenný Anna Baldursdóttir, 16.9.2008 kl. 12:28]

Ég var að sjálfsögðu Cliffari og hefði orðið fyrir sárum vonbrigðum í þá daga ef ég hefði vitað að hann var til snúnings.  Og þó, ég vissi ekki um tilvist hómósexúalitets á þeim árum, vissi yfirhöfuð ekkert um sex.

En....

Hann er góður drengur.

Ég er samt svag fyrir vondum strákum í tónlist.  Guð fyrirgefi mér.

[Sigurður Þór Guðjónsson, 16.9.2008 kl. 20:55]

Fékk leið á Mala!

[Sigurður Þór Guðjónsson, 16.9.2008 kl. 22:41]

Æ, Sigurður Helgi, þetta er bara bull sem ekki ber að taka alvarlega!