Helgisögnin um heimilin

Engin staður er helgari en heimilin, segir í kosningaauglýsingu Framsóknar.

Ég gæti gubbað yfir þessum búralega smáborgaraskap  og haugalygi.

Sannleikurinn er sá að fjölskldan er mesta kúgunarstofnun sem heimurinn þekkir.

Þvílík afdalapólitík að umvefja hana einhverjum heilagleika.

 

Athugasemdir

[Ásgeir Kristinn Lárusson, 19.4.2009 kl. 20:43]

Setti Mali inn þessa færslu?

[Sigurbjörn Sveinsson, 19.4.2009 kl. 20:44]

Um þetta eru vafalítið skiptar skoðanir. Það er hins vegar sannleikskorn í flestu, sem fram er sett, og forvitnilegt væri að heyra nánari rök fyrir þessum fullyrðingum.

[Rósa (IP-tala skráð) 19.4.2009 kl. 20:57]

Flottur Siggi, hárrétt. Hvar annars staðar á að móta liðið? Á Íslandi er okkur haldið á lágum launum, því þá þurfum við öll að vinna yfirvinnu. Öðru vísi gat þessi fámenna þjóð ekki haldið uppi nægilegri arðsemi fyrir auðvaldið. Báðir foreldrar vinna úti, börnin eru meira og minna vanrækt, ef þau eru ekki beitt ofbeldi heima fyrir. En vanræksla er ofbeldi. Íslendingar hreykja sér gjarnan af frelsinu, sem börnin okkar búa við. Börnin okkar ganga sjálfala og treysta á vini sína frekar en foreldra.

[Sigurður Þór Guðjónsson, 19.4.2009 kl. 21:00]

Rósa kemur þarna með nánari rök svona heldur betur.

[Sigurbjörn Sveinsson, 19.4.2009 kl. 21:12]

Þú sleppur ekki svona billega.

[Sigurður Þór Guðjónsson, 19.4.2009 kl. 21:17]

Fórstu í búðina? Hvað keypturðu?

[Sigurbjörn Sveinsson, 19.4.2009 kl. 21:33]

Eftir að Japís gamli dó drottni sínum eru hér engar plötubúðir, sem veigur er í. Nenni ekki að bíða eftir diskum frá Amazon, ætla að líta á þetta þegar ég verð í Amsterdam í byrjun næsta mánaðar.

Á miða í Concertgebouw. Safna tónlistarhúsum. Bráðum eignast ég eitt til viðbótar hér á kajanum. 

[Hneykslaða Malína (IP-tala skráð) 19.4.2009 kl. 21:39]

"Sannleikurinn er sá að fjölskldan er mesta kúgunarstofnun sem heimurinn þekkir."

Það er ekkert hægt að alhæfa svona.  Fjölskylda er ekki endilega það sama og fjölskylda!

[Sigurður Þór Guðjónsson, 19.4.2009 kl. 21:39]

Þetta er til í 12 tónum, op. 6 eftir Handel.

[Sigurbjörn Sveinsson, 19.4.2009 kl. 22:11]

Ég var rétt í þessu að ljúka við að hlusta á Söguslóð fra liðnum föstudegi. Var þar lesið úr Frá Hlíðarhúsum til Bajramalands eftir Hendrik Ottósson. Honum kynntist ég og öllum hinum snillingunum á fréttastofu útvarps þegar ég vann hjá útvarpinu sem unglingur nokkur misseri.

Það er lærdómsríkt að heyra lýsingar Hendriks á fjölskyldu sinni bæði að austan og úr Dana- og Prússaveldi. Ástúð langafa og langömmu eftir 70 ára hjónaband er við brugðið og heimili foreldra hansvar börnunum mikilvægt skjól auk þess, sem það fóstraði vaxandi stéttavitund og örvaði ungt fólk til pólitsískra afskipta.

Þú mátt ekki svipta okkur trúnni á ætaarböndin og mikilvægi fjölskyldunnar með einun náðarhöggi. 

[Sigurður Þór Guðjónsson, 19.4.2009 kl. 22:12]

Ég miða aðallega við Malafjölskylduna.

[EE elle (IP-tala skráð) 19.4.2009 kl. 22:19]

Nei, fjölskylda er ekki það sama og fjölskylda.  Og foreldrar eru ekki sama og foreldrar og ekki allir foreldrar vinna myrkranna í milli.  Það er sorglegt þó að horfa upp á unga krakka ganga um sjálfala og ætti ekki að líðast undir neinum kringumstæðum.

[Sigurbjörn Sveinsson, 19.4.2009 kl. 22:27]

Þú ætlar ekki að segja mér að kötturinn sé vandamálið?

[Hneykslaða Malína (IP-tala skráð) 19.4.2009 kl. 22:31]

Ég sem hélt að Malafjölskyldan væri fullkomin?

[EE elle (IP-tala skráð) 19.4.2009 kl. 22:33]

Já, gengur Mali um sjálfala? 

[Hallgerður Pétursdóttir (IP-tala skráð) 19.4.2009 kl. 23:09]

Klárlega Siggi. Og allir fara undan í flæmingi. Það er einmitt stóra meinið...Helvít... meðvirkin. Hefur ekkert með Mala að gera.

[EE elle (IP-tala skráð) 19.4.2009 kl. 23:29]

Erum við öll að fara undan í flæmingi?  Kannski geturðu lesið ´commentin´aftur og skilið að okkur er ekki alvara með Mala og vitum vel að það hefur ekkert með hann að gera.

[Sakbitna Malína (IP-tala skráð) 20.4.2009 kl. 00:56]

Ég held reyndar að Malapabbi sé farinn undan í flæmingi!  Við vorum öll bara að nöldra og eitthvað svo vond við hann.

[Sigurður Þór Guðjónsson, 20.4.2009 kl. 01:52]

Sigurbjörn: Þetta hetir ofhvörf að skrifa svona eins og ég geri. Auðvitað eru fjölskyldur misjafnar. 

[Sigurður Þór Guðjónsson, 20.4.2009 kl. 01:53]

Er annars þessi Rósa ekki asnabóndi?

[EE elle (IP-tala skráð) 20.4.2009 kl. 08:15]

Já, við vorum vond við hann og hann sagði þetta ekki út af engu.

[Hin asnalega (IP-tala skráð) 20.4.2009 kl. 10:05]

Nei, einkur önnur Rósa. Hér kemur sú asnalega.

Sigurður. Heimili er eitt og fjölskylda annað. Allt annað. Í þessari auglýsingu er talað um ´stað´ og ´heimili´, ekki fjölskyldu. Og að segja þann stað helgari en allt annað, er alveg hreint ágætis staðhæfing.
En spurning hverju menn séu að ýja að með þessu. Er verið að meina að það, að taka heimili af mönnum séu helgispjöll? Og hver eru þá viðurlögin við helgispjöllum?

Hvað staðhæfingar um kúgunarvald fjölskyldunnar varðar má segja að útivinnandi foreldrar og sjálfala börn grafi undan þeim, því kúgun byggist á valdi, og því sjálfstæðara lífi sem hver fjölskyldumeðlimur lifir minnkar kúgunarvald hinna.

PS. Önnur asnan reyndi að sparka í mig í morgun - tvisvar. Og það á meðan ég var að reyna að snyrta á henni neglurnar (með brauðhnífnum mínum). Og á meðan hún gæddi sér á grasi sem ég hafði skorið oní hana baki brotnu.
Talandi um ofbeldi og kúgun fjölskyldunnar!

[Sigurður Þór Guðjónsson, 20.4.2009 kl. 10:43]

Menn hljóta þó að geta verið sammála um það að í skjóli fjölskuldunnar fer alltof oft fram vanræksla og ofbeldi, líkamlegt og kynerðislegt, lika ýmis ökonar höfnun og mismunun og þrýstingur.  Það er t.d. eitthvert illa séðasta tabú sem til er að tala illa um foreldra sína þó allir foreldrar séu ekki vanda sínum vaxnir. Ekki finnst mér ástæða til að setja fjölskyldna á stall, þí talað hafi veirð um heimili er greinileega átt við fjölskldur. Mér finnst svo æðislegt að hin asnalega skuli enn fylgjast með blogginu mínu sem er nú bara orðið svipur hjá sjón miðað við velmektardaga þess.

P.S. Mali er algjör týrann.

[EE elle (IP-tala skráð) 20.4.2009 kl. 11:09]

Rök ´hinnar asnalegu´voru stórgóð.  Og jú Sigurður, fjölskylda getur kúgað og kvalið og verið stórskemmandi börnum og öðrum fjölskyldumeðlimum.  Og hluti fjölskyldunnar býr jú inni á heimilinu.  Og þó heimilið ætti að vera heilagt eru ekki öll heimili það.  

[DoctorE (IP-tala skráð) 20.4.2009 kl. 14:36]

"Heilagt" er ekki til... ég er alltaf að segja ykkur þetta krakkar ;)

[Sigurður Þór Guðjónsson, 20.4.2009 kl. 14:49]

Segðu það Framsóknarflokknum!

[DoctorE (IP-tala skráð) 20.4.2009 kl. 15:08]

Ég reyni ekki einu sinni að tala við menn í framsókn :)

[Sigurbjörn Friðriksson, 20.4.2009 kl. 15:51]

_____________________________________

"Kúgun innan fjölskyldunnar og heimilisins." 

Ég held að ein mesu mistök sem gerð hafa verið á undanförnum árum, eru þegar sjálfræðisaldurinn var hækkaður úr 16 ára í 18 ára aldur til þess eins að apa eftir Evrópubandalaginu, Bandaríkjunum og nokkrum öðrum vesrænum löndum sem fara ekki vel með afkomendur sína. 

Þegar íslensk ungmenni eru orðin 16 ára, eru þau orðin það þroskuð að þau geta sjálf um það dæmt hvort það sé ástæða að forða sér "að heiman" ef um heimilis- ofbeldi og kúgun er að ræða. Slíkt ofbeldi og kúgun eru oft svo falið að þeir sem eru utanaðkomandi sjá slíkt ekki auðveldlega.  Heimilis- ofbeldi og kúgun er lang oftast andlegs og sálræns eðlis, oft vegna falins drykkjuskapar og vímuefnaneyslu eða geðveiki og skapgerðarbrests foreldranna og því ástæðulaust að vera að blanda Barnaverndarnefndum í málið, sem eru svo svifasein að málin eru oftast leyst af sjálfu sér og unglingarnir löngu orðnir fulltíða þegar þessar nefndir hafa loksins skilað af sér og eru því oft vita gagnslausar.  Unglingar í dag eru t.d. kynþroska um 2 - 3 árum fyrr en var um aldamótin þar síðustu þ.e. 1800/1900.  Þá breyttust drengir á fiskibátum úr "háfdrættingum" í "fulldrættinga" á borð við aðra fullorðna bátsverja og svo mætti lengi telja.  Einnig eru unglingar í dag miklu þroskaðri (eða ættu að vera), menntaðri og víðsýnni en fyrr á tímum.  Í dag eru unglingar einfaldlega vanmetnir.

Sjálfræðisaldurinn var hækkaður á fölskum og óraunhæfum forsendum, þ.e.; að ef unglingarnir leiðast útí fíkniefnaneyslu, þá þarf ekki að hafa fyrir því að svipta þau sjálfræði.  Í staðin voru allir unglingar 16-18 ára settir undir sama hatt, þ.e., tilvonandi áfengissjúkingar, dópistar og vímuefnaneytendur. 

Meira segja sú hefð sem er hluti af menningu okkar að unglingar fengju að vinna þegar þá langaði til eða fengu tækifæri til, þá var það bannað vegna tískufyrirbæris í vestrænum löndum að kalla vinnu unglinga "barnaþrælkun".  Þá er betra að hafa þau sem auðnuleysingja hangandi á götuhornum eða í leiktækjasölum þar semvímuefnaseljendur hafa greiðan aðgang að þeim. 

Ergo; Það er oft nauðsyn að leyfa unglingum að vernda sjálfa sig fyrir fjölskyldum sínum og koma sér burt á afskipta lögreglu, barnaverndaryfirvalda eða t.d., annarra fjölskyldumeðlima.  Skortur á slíkri sjálfsvörn er staðreynd.

Kveðja, Björn bóndi 

[gerður rósa gunnarsdóttir, 21.4.2009 kl. 13:32]

Það er rétt Sigurður; sumir þeir sem hafa vald, misnota það stundum. Og ´friðhelgi einkalífsins´ þýðir að maður má læsa að sér, og þá er fjandinn mögulega laus.
En hver er lausnin?

Skikka landann í æfingabúðir þar sem fram fer þjálfun í manngæsku og góðum siðum?

... en nú má ég ekki fara að pæla of mikið - þarf að spara sellurnar fyrir lögfræðilestur.

Bið að heilsa Malanum

[Sigurður Þór Guðjónsson, 21.4.2009 kl. 14:13]

Farðu að blogga Gerður Rósa! Það er ekkert gaman síðan þú hættir.

[gerður rósa gunnarsdóttir, 22.4.2009 kl. 09:41]

Það er af sem áður var ...

[Sigurður Þór Guðjónsson, 22.4.2009 kl. 09:56]

Já, heldur betur! Ekkert finnst mér nú eins leiðinlegt og að blogga. Íslenski bloggheimurinn er heimur fífla með pólitík á heilanum. Pólitík er leiðinlegasta bloggefni sem hugsast getur.

[EE elle (IP-tala skráð) 22.4.2009 kl. 11:39]

Erum við hin svona leiðinleg?

[Malína kvenremba (IP-tala skráð) 23.4.2009 kl. 04:36]

Alltaf sama nöldrið í þessum kalli!   Samt heldur hann alltaf áfram að blogga!  Er einhver með þumalskrúfur á honum?  Hrrmmfff.

Núna verð ég örugglega skömmuð...