Hreinn viðbjóður

Mér hefur alltaf fundist þessi busavíglslusiður vera í sjálfu sér  niðurlægjandi  og ofbeldisfull athöfn. Yngri krakkarnir eru nefnilega teknir með valdi meirihlutans. Ekki gengur að vilja ekki láta busavígja sig.

Ég hef andstygg á slíkri tegund af meirihlutaræði. Þegar aflsmunur er látinn ráða. Ekki síst vegna þess að þeir sem vilja undan víkjast eru ekki aðeins kallaðir aumingjar heldur er litið á þá sem aumingja. 

Sumir unglingar eru mjög viðkvæmir, einrænir og feimnir og þola ekki svona grófleika.

Jú, þeir eru þá bara "aumingjar" með öllu því sem fylgir slíkri stimplun en hún er einmitt tillitslausasta tegund af ónærgætni og ruddaskap sem þekkist.

Ég er á móti meirihlutaofbeldi, tillitsleysi og ónærgætni í mannlegum samskiptum. Þegar valtað er yfir einstaklinga með einhvers konar valdi og ofbeldi án þess að skeyta um einstaklinginn sjálfan.

Mest er ég hissa á að menn hafi ekki lagt af þessar viðbjóðslegu busavígslur fyrir löngu.

Þær eru hreinlega birtingarform harðneskju og ofbeldisdýrkunar undir yfirskini einhvers konar leiks og viðurkenningar. 

Varað við busavígslum

Athugasemdir

[Bergur Thorberg, 1.9.2008 kl. 20:00]

Veistu það Sigurður minn, ég er þér algerlega sammála. Tolleringin var í lagi fannst mér en í dag er þetta eins og þú lýsir, birtingarform harðneskju og ofbeldisdýrkunar, undir fölsku yfirskini. Kv.

[Bumba, 1.9.2008 kl. 22:16]

Sammála þér þú hinn  mikili vitringur.. Með beztu kveðju.

[alva (IP-tala skráð) 1.9.2008 kl. 23:31]

Mér finnst það fáránlegt að þetta viðgangist.  Ég yrði brjáluð ef það ætti að tollera mig, ég er afar lofthrædd og treysti ekki öðrum, hvað þá ókunnugum til að grípa mig

Framhaldsskólar fá skömm í hattinn fyrir þetta.

[óli (IP-tala skráð) 2.9.2008 kl. 00:13]

Sko til nokkrir vælarar komnir á stjá! Ofbeldi bla bla bla

[Sigurður Þór Guðjónsson, 2.9.2008 kl. 00:31]

Óli, mér finnst að ætti nú bara að dýfa þér í tjöru og velta þér upp úr fiðri fyrir þetta bla bla hugarfar þitt! 

[Malína (IP-tala skráð) 2.9.2008 kl. 02:50]

Mér sýnist Óli vera að fiska eftir rækilegri busavígslu.

[halkatla, 2.9.2008 kl. 16:46]

mér finnst allt í lagi að tjarga og fiðra en er sammála ykkur um allt hitt!

[Sigurður Þór Guðjónsson, 2.9.2008 kl. 18:44]

Tjörgum og fiðrum! Fiðrum og tjörgum!

[Vilhjálmur Örn Vilhjálmsson, 2.9.2008 kl. 19:18]

Í MH í gamla daga var þetta örlítið að færast í út í öfgar, en ekkert í líkingu við það sem ég sá í fréttum úr Kópavogi. Maður lét bara hlutina ganga yfir sig. Mótþrói var besta leiðin til að vera tuktaður enn frekar.

Í MH, var skyri slett á okkur og stórar stelpur kysstu stráka með varalit (það gat var skemmtilegt ef stelpan var sæt og ég var heppinn) áður en við vorum beygð í Öskjuhlíðinni. Svo tóku einhverjir upp á því að setja busa í dilkapoka og hífa þá upp í flaggstöng. Sá sem þar var fremstur í flokki var af þýskum ættum, og hann sýndi mikinn sadistahátt eins og ættmenn hans í Sachsenhausen, og víðar. Nú er hann víst frelsaður. Guð er búinn að setja hann í grisju og hífa hann upp!

Ég tók aldrei þátt i svona athöfnum þegar ég síðar hafði tækifæri til þess. Ég ar of upptekinn í latínustílum og fékk ekki kikk út úr að kyssa busastelpur.

Ég man eftir athöfn, þegar ég var á öðru ári. Menn voru settir í líkkistu og bornir um skólann. Sá leikur var mikið áfall fyrir einn busa, dreng sem ekki var eins og við flest og aumingja drengurinn leið mikið vegna þess að hann var settur í kistuna, hrópað, já gólaði af hræðslu. Þá sá ég fyrst hve fáir unglingar hafa þróaða samkennd. Í stað þess að hjálpa, hló múgurinn. Ég, ásamt nokkrum öðrum, mest stúlkum, reyndum að koma drengnum til hjálpar, en ákveðnar týpur héldu áfram að reyna að kvala drenginn og þótti greinilega mjög skemmtilegt hve illa þetta fór með hann.

Sadistar í Menntaskóla verða alltaf sadistar, illmenni og stjórnmálamenn og berja konurnar sínar. Ég man sérstaklega eftir einum, hann er þjóðkirkjuprestur í dag. Djöfull myndi mig langa til að sparka ærlega í rassinn á honum og flengja hann og jafnvel slá hann með svipu og blautu handklæði. Enginn verður óbarinn biskup.

Amen

[Sigurður Þór Guðjónsson, 2.9.2008 kl. 19:45]

Það er einmitt þetta  líkkistudæmi sem segir það sem ég er að meina. Ég skil ekki hvað er sniðugt í því að meiða fólk eða gera eitthvað við það með valdi meirihlutans, eins opg þú segir: þeir sem sýna mótþróia verða verst úti. Ég samþymkki aldrei svona hugsunarhátt.

[Malína (IP-tala skráð) 2.9.2008 kl. 21:14]

"Sadistar í Menntaskóla verða alltaf sadistar......"

Ég held ekki að þetta sé rétt.  Ég held að oftar sé svona lagað gert meira í hugsunarleysi og barnaskap heldur en af hreinni illgirni og sadistahætti - þótt auðvitað séu til undantekningar.  Það verður að reyna að hafa vit fyrir unga fólkinu/börnunum og leiða þeim fyrir sjónir hættuna sem getur stafað af svona hegðun.  Sem er einmitt hlutverk okkar fullorðna fólksins og er verið að reyna þarna í M.K.