Andleysi

Nú er ég svo andlaus að ég get ekki lengur hugsað.

Hvað þá bloggað. 

En vonandi lagast það þegar Jóhanna Guðrún hefur sigrað í Júrovisjón.  

 

Athugasemdir

[Sigurbjörn Sveinsson, 12.5.2009 kl. 17:39]

Dómsmálaráðherrann tjáði sig í dag um gapastokk ríkisstjórnarinnar suðrí Reykjanesbæ. Hélt þú mundir kommentera.  

[Eygló, 12.5.2009 kl. 17:41]

Dettur þér aldrei í hug mjólkurbú og mjaltir þegar þú sérð skrifað eða heyrir 'júró'-visjón?  Nei, kannski ekki. Ég er hugsanlega meiri perri. Þetta kom ekki vel út (að skrifa "meiri") því nú er eins og ég geri því skóna að þú sért perri... ég bara MEIRI perri.  Vel meint, illa orðað? Nenni ekki að finna skárri setningu.

[Árni Matthíasson , 12.5.2009 kl. 18:23]

Þessari sömu Júrovisjón og þú kallaðir tónlistarlega hlandfor í Þjóðviljanum sælla minninga?

[Sigurður Þór Guðjónsson, 12.5.2009 kl. 18:30]

Hver vaknar ekki upp með andfælum við að detta niður í hlandfor? Ansi voru menn annars spakir á Þjóðviljanum í gamla daga. 

[Emil Hannes Valgeirsson, 12.5.2009 kl. 18:35]

Það var auðvitað ekkert Júróvisjón í Moskvu á tímum Þjóðviljans. En nú er öldin önnur.

[Malína (IP-tala skráð) 12.5.2009 kl. 19:06]

Þessi keppni er löngu hætt að snúast um tónlist - það er bara yfirskinið.  Köllum þetta bara sínu rétta nafni - "Dragshow" - sem er eiginlega miklu skemmtilegri vinkill heldur en "tónlistin" sem er framin þarna.

Með þessa skilgreiningu í huga eigum við kannski pínulítinn sjens í keppninni þetta árið.  Því eins og einhver bloggarinn sagði - kjóllinn hennar Jóhönnu lítur út eins og bolluvöndur...

[Brjánn Guðjónsson, 12.5.2009 kl. 21:11]

Þjóðviljinn......var það ekki bara Flosi á sunnudögum?

[Auður H Ingólfsdóttir (IP-tala skráð) 12.5.2009 kl. 21:43]

Ertu þá ekki fullur andagiftar núna - fyrst við komust áfram...

[Malína (IP-tala skráð) 12.5.2009 kl. 22:02]

Bolluvöndurinn gerði útslagið!

[Hildur Helga Sigurðardóttir, 12.5.2009 kl. 22:22]

Þegar Yohanna verður búin að vinna Júróið verður allt gott aftur...

[Sigurður Þór Guðjónsson, 12.5.2009 kl. 22:38]

En ef hún vinnur fer þjóðarbúið endanlega á hausinn.

[nicejerk (IP-tala skráð) 12.5.2009 kl. 22:46]

ha,

júgróvisjón?

[Sigurbjörn Sveinsson, 13.5.2009 kl. 08:31]

Var  Flosi ekki á laugardögum? Þegar hann skrifaði um Glasa, sem var svo frábærlega skammur til framfótanna að ríða mátti honum lárétt upp brekkur.

[Rósa (IP-tala skráð) 13.5.2009 kl. 09:06]

Mér sýnist íslenskir kallar vera hrifnari af kjólum sem eru efnislitlir heldur en kjól eins og þeim sem Jóhanna syngur í. Karlrembur upp til hópa!

[Svava frá Strandbergi , 13.5.2009 kl. 23:12]

Mér finnst þessi Eurovison keppni líkjast æ meira lélegum sirkusatriðum með hverju árinu sem líður. Ég slökkti á hljóðinu í sjónvarpinu hvað eftir annað eftir að hafa hlustað á fyrstu tónana í lögunum, allt þar til kom að íslenska laginu. Það var skást, jú og svo sænska lagið.