Bloggfærslur mánaðarins, nóvember 2009

Frostlaus nóvember syðst á landinu

Á Stórhöfða í Vestmanneyjum mældist aldrei frost í þessum nóvember á kvikasilfursmæli. Fór lægst í 0,5 stig. Þar fraus hins vegar í október. 

Í Vestmannaeyjabæ mældist heldur ekki frost í mánuðinum á sjálfvirkan mæli og í Surtsey hefur enn ekki frosið í allt haust á sams konar mæli.

Aðeins einu sinni hefur það gerst að mönnuð veðurathugunarstöð mæli ekki frost í nóvember. Það var á Hólum í Hornafirði í nóvember 1931 en þá mældist  0,0 stig.

Þessi mánuður var hlýr þar til síðustu dagana og  verður vel yfir meðallagi  þegar upp verður staðið en samt mjög langt frá öllum metum. 

Nema þessu undarlega meti, í þó ekki hlýrri mánuði, sem ég var að nefna.

Hæsti lágmarkshiti mánaðar sem nokkurn tíma hefur mælst á mannaðri veðurstöð í nóvember. 


Frýs í Danmörku

Þangað til í nótt hafði ekki gert frost í Danmörku í þessum nóvember. Aldrei hefur mælst alveg frostlaus nóvember í landinu. Voru Danir spenntir yfir því að hvort þeir fengju nú fyrsta frostlausan nóvember í sögunni.

En í nótt mældist eins stigs frost víða á Jótlandi, t.d. í Árósum, Billund og Esbjerg. 

Í október mældist frost í Danmörku.

Enn hefur hins vegar ekki frosið í Surtsey í allt haust þó það sé nú yfirvofandi.


Komið upp um Doctor E

Leyniþjónusta Allra veðra von, njósnastofnunin Cumulonimbus basso tuba, hefur komist að því hver er hinn ógurlegi bloggari Doctor E eða Doksi eins og hann er kallaður af innmúruðum og innvígðum.

Hér er meira að segja mynd af gaurnum við bloggiðju sína.

5aaf1764-25c1-4952-8553-a6a23a00d02c.jpg

 

 


Jólatónleikar Fíladelfíu

Frá tónlistarlegu sjónarmiði er fyrir neðan allar hellur að RÚV sjónvarpi jólatónleikum Fíladelfíu.

Á jólunum á að flytja alvöru jólamúsik en ekki eitthvað poppað djönk. 


Ofsóknir gegn samkynhneigðum á blog.is

Á þessari bloggsíðu eru orð biblíunnar notuð til að svívirða samkynhneigða í íslensku þjóðfélagi.

Viðkomandi bloggari væri ekki að birta þessi orð nema hann telji að þau eigi við um samkynheigða. Þar segir meðal annars um þá, að þeir séu:

''fylltir alls konar rangsleitni, vonsku, ágirnd, illsku, fullir öfundar, manndrápa, deilu, sviksemi, illmennsku. Þeir eru rógberar, -30- bakmálugir, guðshatarar, smánarar, hrokafullir, gortarar, hrekkvísir, foreldrum óhlýðnir, -31- óskynsamir, óáreiðanlegir, kærleikslausir, miskunnarlausir, -32- þeir eru menn, sem þekkja réttdæmi Guðs og vita að þeir er slíkt fremja eru dauðasekir.''

Ég vil beina þeirri spurningu til umsjónarmana blog.is, í ljósi þess að þeir eiga það til að loka bloggsíðum, hvort þeim finnist ekkert athugavert við það að bloggveita þeirra sé notuð til að svívirða hóp manna í þjóðfélaginu undir yfirskyni biblíutilvitnana.

Að mínum dómi varðar þessi bloggfærsla hreinlega við lög. Hún er ofsóknir gegn samkynheigðum þar sem jafnvel er ýjað að því að taka beri þá að lífi. Guðsorð segi að þeir séu dauðasekir og það er vitnað til þessara orða með þeim skilningi að virða beri guðsorð og fara eftir þeim.  

 

 


Ekki enn komið frost í Surtsey

Um miðjan maí var sett upp sjálfvirk veðurstöð í Surtsey. Það er nú eina veðurstöðin á landinu þar sem enn hefur ekki mælst frost þetta haustið. Lægstur hefur hitinn orðin 0,6° þ. 4. október en hæstur 16,5° þ. 24 ágúst. 

02_116-1673_img.jpgVeðurstöðin er aðeins i 36 metra hæð yfir sjávarmáli, fjórum metrum lægra en veðursstöðin í Vestmannaeyjabæ.

Enn hefur ekki fest snjó í Surtsey ef marka má veðurvefmyndavél Veðurstofunnar.

Nú er spáð kólnandi veðri og líklega mun frjósa í Surtsey á mánudag eða þriðjudag. En eftir spánum er samt hugsanlegt að hún sleppi því aðeins er þá gert ráð fyrir eins stigs frosti í Vestmannaeyjum.

Myndin er tekin af Sigmari Metúsalemsyni og er af heimasíðu Surtseyjarfélagsins. 


Verkfæri Satans

Hvað býr að baki því að voldug stofnun, sem telur sig vera rödd guðs á jörðu, hylmir í 40 ár yfir jafn alvarlega glæpi gegn börnum og þarna er um að ræða?

Hvar er samkenndin með varnarlausum börnum sem þjást? 

Hvar er kærleikurinn?

Hvað svo með þá sem ábyrgð bera á sjálfum glæpunum og svo þeirra sem  þögðu þá í hel?

Sleppa þeir bara allir og fara til himna vegna trúar sinnar? 

Hér eru það ekki breyskir einstaklingar sem bregðast heldur sú stofnun sem fullyrðir að hún sé reist á vilja guðs og sé eins konar fulltrúi hans á jörðu. Kirkjan taldi sig vera að verja betri málstað en velferð barnanna, sem sé orðstýr kirkjunnar.

Ætli núverandi páfi hafi vitað um þetta?

Það segir svo sína sögu um þau heljartök sem spillt trú getur haft  á heilu samfélögunum að lögreglan leit svo á að starfsmenn þessarar stofnunar væru hafnir yfir lög og rétt.

Mín skoðun á þessu er einföld: 

Stofnun sem níðist á börnum á þennan hátt er ekki verkfæri guðs. 

Hún er handbendi Satans.

 


mbl.is Írska kirkjan hylmdi yfir kynferðisglæpi
Tilkynna um óviðeigandi tengingu við frétt

Öfugir trúmenn

Það eru ekki til neinir trúleysingjar.

Að áliti sanntrúaðra kristinna manna.

Trúleysingjar eru í þeirra augum ekkert nema öfugir trúmenn.  


Sáluhjálp mannkynsins

Þó kristni séu fjölmennustu trúarbrögð heims eru þó aðeins 33% jarðarbúa kristnir. Það eru sem sagt 67% jarðarbúa sem ekki eru kristnir.

Mér skilst að samkvæmt kristinni trú verði engir sáluhólpnir nema þeir sem trúa á upprisu Jesú. Kristnin séu hin einu sáluhálparlegu trúarbrögð enda hafi guð svo elskað heiminn að hann gaf Krist, eingetinn  (ó)náttúrlega, til að  hver sá sem á hann trúi glatist ekki heldur öðlist eilíft líf.

En það blasir þá við að 67% mannkynsins mun ekki öðlast eilíft líf.

Er þetta áhyggjuefni?

 


Fá einhleypir þyngri dóma en fjölskyldumenn

Hér er sagt að maður sem framdi afbrot fyrir 14 árum hafi fengi skilorðsbundinn dóm meðfram vegna þess að hann sé núna orðinn fjölskyldufaðir.

Ber þá að skilja þetta sem svo að hann hefði fengið harðari refsingu ef hann hefði verið einhleypur en að öllu öðru óbreyttu?

Njóta einhleypir ekki sama réttlætis fyrir dómstólum og fjölskyldufólk?

Það er einfaldlega mismunun eftir fjölskyldustöðu, ranglæti, að einhleypir megi vænta þyngri dóma en fjölskyldufólk. 

 


mbl.is Braut gegn stúlku fyrir 14 árum
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband