Oft ratast kjöftugum ...

Snjódýptin í Reykjavík í morgun var 11 cm og sú mesta í apríl síðan 1996.  

Ég skrifaði á blogginu fyrsta mars:  

"Hláku er spáð eftir helgina. Mér finnst endilega að þessi vetrartaktur sé ekki þar með búinn, aftur muni sækja í sama farið svona  nokkurn vegin út mars. Kannski lengur. Kannski miklu lengur."

Oft ratast kjöftugum satt á munn. Og það sést ekki enn út fyrir þetta vetrarástand.

 

Athugasemdir

[Guðríður Haraldsdóttir, 9.4.2008 kl. 17:57]

Ég dauðskammast mín fyrir að hafa skrifað um sumarveður nýlega af fljótfærni. Ráðlagði þó syni mínum í blekkingarástandinu að setja ekki sumardekkin undir bílinn, eins og hann langaði að gera.

[Yngvi Högnason, 9.4.2008 kl. 21:02]

Ég held að það sé kallað hrafnahret,hretið sem kemur á eftir páskahretinu og er líklega engin nýlunda.

[Svavar Alfreð Jónsson, 9.4.2008 kl. 22:31]

...og á eftir páskahretinu og hrafnahretinu kemur hvítasunnuhvellurinn.

[haraldurhar, 10.4.2008 kl. 20:13]

   Sæll Sigurður.   Það væri fróðlegt ef þú gætir fundið út hversu oft, á sl. 100 árum hefur gert hvell þann 9. apríl.

[Sigurður Þór Guðjónsson, 10.4.2008 kl. 21:04]

Það get ég ekki fundið. En bendi á þetta  þar sem sjást kort frá 1949.

[Marta B Helgadóttir, 10.4.2008 kl. 23:07]

Það er orðið stutt í vorið núna. Held samt að vorið verði í kaldara lagi þetta árið.