Áhrifamáttur ''skrílsláta''

Búið er að handtaka lögreglumanninn sem skaut 15 ára dreng í Aþenu til bana. Eitthvað hafa menn þá talið athugavert við það.

Ég hef þá verið einum of svartsýnn hvað viðbrögðin varðar í þessari færslu.

Eftir er þó að sjá hver eftirleikurinn verður.

En skyldu nokkrir hafa verið handteknir ef ekki hefðu orðið nein ''skrílslæti'' í kjölfar banaskotsins?  

Lögreglumenn handteknir í Aþenu

Athugasemdir

[Hallgerður Pétursdóttir (IP-tala skráð) 7.12.2008 kl. 18:28]

Sennilega ekki Sigurður og það sýnir auðvitað mátt fólksins sem ofbíður. Við förum friðsamlega hingað til alla vega en engin sýnileg viðbrögð. Hef reynt að googla Flauelsbyltinguna 1989 en finn sáralítið um hana.

[hallur (IP-tala skráð) 7.12.2008 kl. 19:18]

Hnuss, merkilegt hvað fólk er spekúlant.

[Greta Björg Úlfsdóttir, 8.12.2008 kl. 00:29]

Sigurður, ég myndi nú kalla eftirleikinn meira en skrílslæti, þar sem átök eiga sér stað um allt land. Götubardagar og spellvirki í Aþenu og fleiri borgum í Grikklandi.

Innanríkisráðherrann (hverju sem hann sinnir nú? - undarlegur titill, en svona er þetta þýtt) hefur boðist til að segja af sér, hvað forsætisráðherrann ekki þáði.

Fréttir um þetta voru mjög snubbóttar bæði á RÚV og Stöð 2, ég sá fréttir af þessu á SkyNews, þar sem sýndar voru myndir af brunnum bílum og húsum og lögreglu sem hörfaði undan æstum múg (múgur er ekki endilega neikvætt orð) sem henti í þá grjóti (múrbrotum, sýndist mér).

Hver eftirleikurinn verður fyrir dómstólum er erfitt að spá um, ég ætla mér ekki þá dul, enda þekki ég lítið til á Grikklandi, þó ég hafi unað mér vel í Chania á Krít síðast liðið haust, en þar hefur einnig komið til mótmæla, samkvæmt fréttum.

Já, Grikkir eru víst mun blóðheitari en Íslendingar, sem blóðið rennur varla í. Enginn hefur, sem betur, fer verið drepinn hér, ennþá að minnsta kosti og verður vonandi ekki. Og vonandi mun fólk ekki heldur svelta eða sturlast í stórum stíl þegar kemur fram yfir áramót og kreppan skellur á okkur af fullum þunga.

Guði sé lof fyrir jólin sem gefa okkur svolítið andrými mitt í öllu þessu, vonandi nýtir fólk sér þau til að slaka á og safna kröftum fyrir það sem framundan er.

Eini kosturinn sem ég sé við ástandið er að sennilega (vonandi) verður ekki slíkum firnum af flugeldum og öðrum friðarspillum skotið upp og sprengt í kringum áramót og verið hefur undanfarin áramót, sem var orðið að hreinni klikkun, þegar sprengt var látlaust um daga jafnt sem nætur í marga daga samfellt. Það er að minnsta kosti hægt að leyfa sér að vona að svolítil vitglóra vakni hjá þeim sem fyrir þessu hafa staðið, þá er ég ekki að tala um björgunarsveitirnar.

[Ásgeir Kristinn Lárusson, 8.12.2008 kl. 11:14]

Fyrir rúmum þremur áratugum var herforingjastjórn hrakin frá völdum í Grikklandi. Einnig í Portúgal það sama ár, svökölluð Nellikku-bylting og 1975 féll general Franco. Og er fólk nokkuð búið að gleyma þeim hörmungum, er riðu yfir gömlu Júgóslavíu í lok síðustu aldar?

Munum við segja barnabörnum okkar með stolti frá Sóleyjar-byltingunni á Íslandi veturinn 2008-9?

[Sigurður Þór Guðjónsson, 13.12.2008 kl. 18:45]

Fréttir herma að lögreglumaðurinn sem skaut hafi reynt að gera lítið úr mannorði drengsins með því að halda því fram að hann hafi verið vandræðaunglingur. Það hefur verið borið til baka af þeim sem til þekkja.