Myrkraverk í Kína

Fréttir frá undirbúningi ólympíuleikanna verða æ óhugananlegri. Höfuðborgin Í Kína er orðin hervætt lögregluveldi. Fólk sem talið er óæskilegt er fjarlægt með valdi frá augsýn hinna fínu gesta. Þeirra á meðal eru andófsmenn. Kínverjar hafa svikið öll loforð sín um það að virða mannréttindi sem voru forsenda fyrir því að þeir fengju að halda leikana. En menn yppta bara öxlum. Og segjast ætla að njóta leikana þrátt fyrir það.

Mér hefur alltaf þótt sérstök hátíð þegar ólympíuleikarnir eru og fylgst með þeim eins og ég hef getað í sjónvarpinu. En nú er mér bara óglatt.

Ég býst við að íþróttamenn almennt séu alveg jafn umhugað um mannéttindi eins og aðrir og geri mér grein fyrir því að þeir hafa mikið á sig lagt vegna leikanna og þeir verða kannski stærsta stund lífs þeirra. En engan óraði fyrir þeim ósköpum sem nú eru deginum ljósari um harkalega og mannfjandsamlega framgöngu Kínverja varðandi ólympíuleikana.

Er íþróttafólki virkilega alveg sama? Eru ekki til nein æðri verðmæti í þeirra augum en þau að fá að keppa á ólympíuleikumm, sama hvaða gjald saklaust fólk þarf að greiða fyrir það?  Ólympíuleikarnir að þessu sinni eru fremur martröð fyrri alla mennsku en hátíð friðar og vinsamlegra samskipta.

Þeir eru myrkraverk. Og mér er í alvöru óglatt.  

      

Athugasemdir

[Marta Gunnarsdóttir, 5.8.2008 kl. 19:49]

Sammála, Íslendingar áttu aldrei að fara þangað, þeir vinna hvort sem er ekki til verðlauna. Svo það er ekki einu sinni afsökun fyrir þá.

[Húnbogi Valsson (IP-tala skráð) 5.8.2008 kl. 19:58]

Sammála enda virðast þessir ólympíuleikar eiga að vera snobbhátíð fyrir hallærislega stjórnmálamenn og bjánalega auðkýfinga á einkaþotum. Íþróttamennirnir eru aðeins nytsamir sakleysingjar (sumir kanski bara nytsamir). Ég ætla ekki að horfa á þá eina sekúndu og hvet aðra til að gera slíkt hið sama.

[Jenný Anna Baldursdóttir, 5.8.2008 kl. 20:42]

Mér er alveg jafn óglatt og það ástand ku ekki lagast á næstunni, ef nokkurn tímann.

[Beturvitringur, 5.8.2008 kl. 21:29]

Hérna velti ég þessu fyrir mér, jafnvel velti mér uppúr þessari spurningu. En ég fæ ekki séð að til sé rétt svar!

[Heiða B. Heiðars, 5.8.2008 kl. 22:17]

Síðan ég man eftir mér hef ég alltaf horft eins mikið og sýnt hefur verið frá Ólympíuleikunum. Ég hef engan áhuga á því að horfa núna.

Og að fólk skuli leyfa sér að bera því við að Ólympíuleikarnir hafi ekkert með pólitík að gera ættu að rifja upp leikana hans Hitlers

[Vilhjálmur Örn Vilhjálmsson, 6.8.2008 kl. 06:48]

Voða eruð þið eitthvað ósportý elskurnar mínar. Hvað sögðu gömlu kommarnir á meðal ykkar um Ólympíuleikana í Moskvu hér um árið? Þá var kapítalisminn reyndar ekki búinn að færa ykkur tölvur og blogg  til að röfla í og Ísrael var ekki búið að færa ykkur Intel Inside eins og Jesúsbarninu var fært myrra á jötuna. Haldið þið að mengunin og mannfyrirlitningin hafi verið minni í Sovétinu árið 1980. Leitt að Bloggið var ekki til árið 1936. Þegar Íslendingar fóru og kysstu afturendann á Hitler án þess að verða óglatt. Ef ykkur er svona illa við Kína, hættið að kaupa leikföng fyrir börnin ykkar, hlaupaskóna, núðlurnar etc.

[Hafdís Lilja Pétursdóttir, 6.8.2008 kl. 07:22]

Eru gestirnir virkilega fínir?

Óttalega er ég innst inni sammála Vilhjálmi.

En ég er ístöðulaus, röfla bara framkvæmi ekki!

Njóttu dagsins.

[Birna Guðmundsdóttir, 6.8.2008 kl. 09:20]

Dæmum ekki alla Kínverja til útlegðar, vegna mannréttindabrota. Kína er sérstakt land heim að sækja - fólkið er líka misjafnt- ef við hættum að kaupa vörur frá Kína,sveltum við í leiðinni alsaklaus börn og fólk sem varla hefur heyrt talað um mannréttindi. Fólk sem reynir að hafa í sig og á.  íslendingar eru uppfullir af mótmælagenum í augnablikinu og eru margir farnir að hljóma hálf aulalega í mótmælum sínum- Ólympíuleikar eiga að sameina -ekki sundra.   

[Húnbogi Valsson (IP-tala skráð) 6.8.2008 kl. 10:14]

Sæll Vilhjálmur Örn. Margir vildu sniðganga ólympíuleikana í Moskvu vegna þess að Sovétríkin voru að berjast við Talibana í Afganistan. Það er spurning hvort fólk hafi almennt vitað um mannréttindabrot Nasista árið 1936. Ég hef lengi reynt að sniðganga kínverskar vörur vegna þess að ég tel þær vera dýrustu vörur sem framleiddar eru í dag.Talan á verðmiðanum segir (í því tilfelli) ekkert um raunverulegan framleiðslukostnað.

Birna. Að svelta saklaus börn með viðskiptabanni. Það viðhorf kom aldrei fram í umræðunni þegar var í tísku að loka á Suður-Afríku á sínum tíma. "Ólimpíuleikar eiga að sameina -ekki sundra" Þeim orðum ætti frekar að beina til Kínverskra stjórnvalda en almennings.

[Sigurður Þór Guðjónsson, 6.8.2008 kl. 11:07]

Vilhjálmur Örn: Ég skil ekki almennilega afstöðu og hálf fjandsamlegan tón, þú sem ert t.d. sífellt að röfla um Palestínumenn og hvað hefurðu fyrir því að ávarpa okkur sem komma? Það er aldrei gott að tala niður til fólks sem er að gera athugasemdir á blogg´siðum  Það sem skilur að ólumpíuleikarnir í Moskvu og Kína er t.d. þær harkalegur aðgerðir fólk hefur orðið fyrir BEI NLÍNIS vegna leikana og sú tilskipun t.d. að visst fólk, geðsjúkir og fleiri væru ekki velkomnir. Í Kína þjóist fólk beinlínis vegna leikana ofan á hin venjulegu mannréttindabrot og kúgun sem fram fer í landi nu. Peking er nú bókstaflega í hers höndum. Það er svo auðvelt að gera lítið úr viðhorfum fólks og segja hættið að kaupa leikföng frá Kína og reyna að útmála fólk sem blöskrar aðdragandinn að ólympíuleikunum sem aula. Ég held að þetta sé bara heiðarlgt og velviljað fólk sem finnst erfitt að horfa upp á það að ólympíuleikarnuir, sem eiga að sameina, skuli þurfa að kosta þetta. Fólk er flutt nauðugt úr borginni vegna leikana. Er ekki út í hött að kalla það sameinginu.  Gott og vel! Þið hófuð þennan leik að reyna að gera lítið úr þeim sem gagnrýna aðdragandann að ólymoíuleikunum, sem beinist gegn kínverskum stjórnvöldum en ekki kínversku þjóðinni. Ekki hef ég gert lítið úr þeim sem vilja ekki gagnrýna leikana þó ég hafi velt vöngum yfir því að  íþróttamenn hugsa. En ég segi  þá á móti lítilsvirðingarorðum ykkar, Vilhjálmur og Birna, þið eruð orðnir málsvarar níðnga og þeirra mismuna fólki og lítilsvirða með nauiðungarflutningu og öðru álíka. Getið þið kyngt því, sem finnst sjálfsagt að segja lítilsvirðinvgarorr um okkur, eða er ekki kannski best að byrja á því að sleppa slíkum orðum. Hörð orð vekja upp mótstöðu. Það er bara þannig. 

[Sigurður Þór Guðjónsson, 6.8.2008 kl. 11:11]

Biðst afsökunar á því að orð vantar sums staðar í þessa réttmætu  ádrepu sem ég var að setja á athugasemdakerfið en þið lesið kannski í málið.

[halkatla, 6.8.2008 kl. 11:22]

ég tek útilokun mína á þessum ólympíuleikum mjög alvarlega... þetta er svo hroðalegt (einsog margt af því sem Kína hefur verið að bralla nýlega og í gamla daga) og ég verð bara sorgmædd af að velta mér uppúr því. Ég var í matarboði í gær og það var kveikt á fréttunum, allir sem sátu við borðið voru byrjuðu að ókyrrast verulega þegar fréttin um þetta kom. Annars þykir ekki við hæfi að láta fréttirnar yfirskyggja matinn en þetta var svona undantekning sem maður tekur eftir. Mamma var sérstaklega leið og ég held að þetta muni seint gleymast, hvernig þessi heimur er að þróast verður altaf ískyggilegra og ískyggilegra.

Stjórnvöld í Kína eru að brjóta þvílíkt (samt understatement) á bæði mönnum og dýrum útaf þessum leikum

[Þorvaldur þórsson (IP-tala skráð) 6.8.2008 kl. 12:13]

Ég sem fyrrverandi íþróttamaður get sagt ykkur það að íþróttamenn hugsa um það sem gert var til þess að þessir ólympíuleikar fengu að verða veruleiki. Ég persónulega er á því að fólk eigi að hunsa setningarathöfnina og lokaathöfnina. Það eru þeir tveir viðburðir sem notaðir verða að hálfu kínversku stjórnarinnar sem áróðurstæki. Ég fordæmi kínverja fyrir þjóðarmorðið sem þeir eru að framkvæma hægt og örugglega í Tíbet á nákvæmlega sama hátt og Ísraelsmenn eru að framkvæma hægt þjóðarmorð í Palestínu(Beint til Villhjálms öfgamsíonista). Þetta hefur ekkert með vinstri og hægri að gera eins og hann er að reyna að koma fram með heldur með mannfyrirlitningu. Það er alveg rétt að olympíuleikar eiga að sameina en eins og kínverjar vita ósköp vel þá er ótrúlega gott tækifæri þarna til að vera með áróður fyrir velgengni Kínversku stjórnarinnar sem leyfir barnaþrælkun og hvers kyns niðurlægingu í eigin landi. Ég reyni einnig að forðast það eins og heitan eldinn að kaupa kínverska vöru. Ég meira en forðast að kaupa Ísraelska vöru ég bara hreinlega geri það alls ekki.

[Eggert Vébjörnsson (IP-tala skráð) 6.8.2008 kl. 12:25]

Hvað er annað hægt en að vera sammála þér. Dapurlegt hvað ólympíuleikarnir hafa verið niðurlægðir gegnum tíðina með því að leyfa það að þeir séu haldnir þar sem mannréttindabrot og kúgun er ástundað. Ég ásamt vonandi fleirum hef tekið þá ákvörðun að kaupa ekki kínverskar vörur og með réttu ætti að setja innflutningsbann á vörur frá þeim Eru þeir eh skárri en suður-afríkustjórn á tímum apartheid?

[Birgitta Jónsdóttir, 6.8.2008 kl. 12:27]

Hvet ykkur að koma og taka þátt í ljósahátíð til að beina kastljósinu að málefnum Tíbet 7. ágúst klukkan 21:00 ef þið getið ekki komist þætti mér vænt um ef þið kveiktuð á kerti heima hjá ykkur og leiðið hugan að þeim sem þjást vegna mannréttindabrotum vegna harðstjórninni í Kína... nánari upplýsingar á candle4tibet.org eða á blogginu mínu...

Takk Sigurður fyrir góðan og þarfan pistil.