Næstum því algjör merkingarleysa

Borgarstjórinn sagði í kvöldfréttum Rikisútvarpsins að við búum á Íslandi. Með því vildi hann réttlæta það ástand sem ríkir víða hvað hálku varðar í höfuðborginni. Það skal játað að erfitt er við hana að eiga þegar snjóar og snjóar meira ofan í það sem fyrir er, en þessi orð eru nákvæmlega það mesta rugl sem hægt er að segja varðandi vandamál sem stafa af veðri, þó það sé reyndar oft sagt, að við búum á Íslandi.

Það getur líka snjóað heil ósköp á Norðulöndum, Rússlandi, sums staðar í Evróu, Japan, Kóreu, Kína, Íran, Norður-Ameríku og víða annars staðar á norðlægum breiddargráðum.

Íslenskt veðurfar hefur auðvitað sín sérkenni en er samt í grundvallaratriðum ekkert öðruvísi en veðurfar á norðlægum slóðum hvað varðar vandræði af venju fremur miklum snjó og ýmsum öðrum aftökum í veðri. Mestu varðar góð og skipuleg viðbrögð. Að lýsa því yfir sem skýringu eða afsökun vegna afleiðinga veðuratburða, að við búum á Íslandi, er næstum því fullkomin merkingarleysa.

 

Skrár tengdar þessari bloggfærslu:

• akrv_2012_0_0.xls

Athugasemdir

[Halldór Egill Guðnason, 9.1.2012 kl. 23:25]

Það var nú aldeilis yndislega meint að benda okkur á að við byggjum á Íslandi, af borgarstjóranum. Undarlegt hins vegar að hann sé að fatta það fyrst núna. Viðbrögð borgarinnar í kulda og umhleypingatíðinni undanfarið sýna hins vegar að þeir sem ráða vita hvorki hvar þeir búa eða hvernig skal bregðast við jafn fyrirsjáanlegum hlutum og ófærð. Alger skömm að því hvað fólki er boðið uppá í samgöngumálum í jafn sjálfsögðum hlut og vetrarófærð. Varalitur og bleikur kjóll..........fruss á þetta allt saman.

[Vilhjálmur Örn Vilhjálmsson, 10.1.2012 kl. 08:19]

Úti er alltaf að snjóa, ekki gráta elskan mín, þó þér vanti vítamín....

[Vilhjálmur Örn Vilhjálmsson, 10.1.2012 kl. 08:21]

þig vanti átti þetta að vera.  

[DoctorE (IP-tala skráð) 10.1.2012 kl. 13:33]

Ég kaus Jón Gnarr á sínum tíma, ég kaus hann sem "Fokk off" merki, ekki vegna þess að ég hafi talið Jón vera gáfaðan.. .eða neitt slíkt.
Nú sé ég að ég hafi átt þátt í því að rústa lífi Jóns.. að hann eigi husanlega enga möguleika í framtíðinni, stjórnmál hefur hann ekkert í að gera... en hann gæti leikið.. ef hann er ekki búinn að láta fólk fá upp í kok af rugli í þessum Besta flokk/borgarstjórn.

Fyrirgefðu Jón.. ég ætlaði ekki að taka þátt í að rústa lífi þínu,...

[Sigurður Þór Guðjónsson, 10.1.2012 kl. 17:13]

Tek fram að ég er enginn pólitískur andstæðingur borgarstjóra en heldur ekki stuðningsmaður. Mér finnst það bara það heimskuelgasta sem hægt er að segja þegar einhver segir þegar eitthvað skeður í veðrinu að við búum nú bara á Íslandi. Get ekki hugsað mér plebbalegri veðurkomment. 

[Áskell Örn Kárason (IP-tala skráð) 10.1.2012 kl. 19:15]

Mér fannst þetta nú bara nokkuð gott komment hjá borgarstjóra ykkar Reykvíkinga. Við búum jú svo norðarlega að það er skynsamlegt að gera ráð fyrir hálku og vetrarveðri. Við horfum að vísu mikið á sjónvarpsþætti þar sem atburðir eiga sér stað á suðlægari breiddargráðum. En er það ekki soldil heimska að byrja strax að kvarta þótt snjór og hálka geri vart við sig (með fullri virðingu fyrir Kína, Rússlandi og öðrum snjóalöndum). Gott ráð hjá gnarrinum til almúgans er að fara gætilega og muna hvar við búum á hnettinum.

Eg kaus hann ekki, en með sama áframhaldi fer að styttast í það!

[Sigurður Þór Guðjónsson, 10.1.2012 kl. 19:35]

Þetta er kannski gott og blessað sem þú segir um kvartanir Áskell Örn. En ég er að tala um þá veðurskýringu að við búum á Íslandi. Hún skýrir ekkert því sams konar eða svipað gerist annars staðar. En þar fyrir utan gæti ég þó best trúað að þið norðlendingarnir eigið eftir að bíta úr nálinni með veturinn og þá munum við sunnanmenn sannarlega fyllast þórðargleði! Og ég er fremur hrifinn af Jóni Gnarr fyrir það hvað hann gefur hefðbundinni framkomu stjórnmálamanna langt nef. Annars var síðasta komment mitt ekkert smáræðislega plebbalega klúðurslegt í orðalagi.

[Sigurður Þór Guðjónsson, 10.1.2012 kl. 19:40]

Þorleifur borgarfulltrúi tók nú í þann streng í útvarpinu í kvöld að viðbrögðum við svona atburðum hefði farið aftur í borginni siðustu árin, tæki hefðu verið lögð niður, starfsmönnum fækkað  og ýmsilegt sem hann tiltók.