Bloggfærslur mánaðarins, mars 2010

Iðrunin

Ef ég vinn illvirki á einhverjum sem hann mun aldrei bíða bætur en iðrast svo alveg svakalega fæ ég víst fyrirgefningu samkvæmt kristinni trú.

Og er þá málið bara leyst? 

Hvað með þann sem ég skaðaði? Mun hans skaði hverfa við það að guð fyrirgefi mér? Er guð betri við þá sem fremja misgjörðir en þá sem fyrir þeim verða?

Kannski að hinir sanntrúuðu geti svarað þessum spurningum mínum blátt áfram og skiljanlega.  Án þess að vera með frasa eða vífilengjur.

Ég þarf náttúrlega ekki að taka það fram að ég iðrast synda minna og misgjörða við menn og málleysingja alveg niður í rassgat.


Bara byrjunin

Ef þetta verður langt og breytilegt gos í eitt eða tvö ár, færist t.d. undir jökul, tala nú ekki um ef Katla gýs í kjölfarið, verður þá alltaf verið að færa fólk til og frá? 

Bara spyr. 

Ég held að þetta sé aðeins byrjunin á miklum hamförum.

En ég býst nú alltaf við hinu versta!

Það er svona vissara. 

Þegar Katla fer af stað verður það áreiðanlega ekkert smáræði. 


mbl.is Sveiflur í gosinu
Tilkynna um óviðeigandi tengingu við frétt

Sönn kristni

Enginn er sannkristinn nema hann trúi meyfæðingunni og upprisunni sem bókstaflegum staðreyndum.

Ætlar einhver að voga sér að andmæla þessu?


Hvaða fornrit

Um þessa frétt vakna ýmsar spurningar.

Hvað rannsókn eða rannsóknir voru þetta?

Hvaða fornrit er átt við? Mig minnir að það séu tvær stuttar frásagnir um veðurfar í Landnámu. Einhverjar fleiri í biskupasögum. En töluvert í fornannálum.

Íslendingasögur hafa marga undanfarna áratugi ekki verið taldar marktækar heimildir um veðurfar. Ekki veit ég til þess að frásagnir þeirra um veður hafi verið rannsakaðar sérstaklega, hvað þá bornar saman við náttúrufarslega veðurvísa.


mbl.is Fornritin góð heimild um veður
Tilkynna um óviðeigandi tengingu við frétt

Dýraréttindadómstóll Evrópu

Mali vill ólmur láta stofna dýraréttindadómstól Evrópu. Svo vill hann líka að komið verði á fót AA-samtökum, ekki fyrir fyllibyttur heldur Amnesty Animal. 

Ég þori ekki að segja annað en já og mjámen við öllu sem Mali segir en hann er búinn að vera að mala um þetta í allan dag.

pict3128_968447.jpg

 


mbl.is Þjóðaratkvæði um réttindi dýra fyrir dómi
Tilkynna um óviðeigandi tengingu við frétt

 

Sigurður Þór Guðjónsson
Sigurður Þór Guðjónsson

Sigurður Þór Guðjónsson


Hér er skrifað sjálfum mér til dálítillar skemmtunar. Þetta er líka síða áhugamanns um veðurfar. Veðurefnið er í flokkunum Íslensk veðurmet og Veðurfar, að ógleymdum annála-bálkinum. Vek sérstaka athygli á EFNISYFIRLITI UM VEÐUR í flokkunum hér fyrir neðan, MÁNAÐARVÖTKUN VEÐURSVEÐUR UM ALLAN HEIM

 

Innskráning

Ath. Vinsamlegast kveikið á Javascript til að hefja innskráningu.

Hafðu samband