Snjólaust í Reykjavík og hiti yfir meðallagi

Þegar janúar er hálfnaður er hitinn í Reykjavík 0,9 stig yfir meðallagi. Og í morgun var jörð þar talin alauð samkvæmt reglum en þær líta framhjá klakabunkum og snjólænum. Síðar i dag fór reyndar að snjóa. 

Það er því ekki hægt að segja að þessi janúar sverji sig alveg í ætt við desember sem sannarlega var ansi kaldur og einstaklega snjóamikill.

Framundan eru þó því miður engin hlýindi. 

Úrkoman í Reykjavík er þegar komin 17% fram yfir meðaltal alls janúarmánaðar.  

 

 

Skrár tengdar þessari bloggfærslu:

• akrv_2012_1_0.xls

Athugasemdir

[Emil Hannes Valgeirsson, 17.1.2012 kl. 22:06]

Þeir hafa sem sagt úrskurðað jörð alauða í morgun. Ég velti einmitt mikið fyrir mér hvort ég ætti að setja snjótákn í mína veðurdagbók í gærkvöldi en tók að lokum þá erfiðu ákvörðun að sleppa því. Síðast skráði ég snjólausa jörð á miðnætti þann 23. nóvember sem þýðir að snjódagarnir urðu 53 í röð. Snjóhúsatákn, fyrir mikinn snjó, setti ég við 29. desember.