Forkastanlegt

Það er forkastanlegt að dagblað birti svona frásögn um það að illur andi hafi hertekið smábörn og geri engar athugasemdir af neinu tagi. Birti þetta bara sem hverja aðra staðreynd.

Sé sagan af hegðun barnanna rétt hlýtur að vera á henni jarðbundin skýring og ef til vill alveg grafalvarleg. Að baki kannski legið einhver ólýsanleg skelfing af völdum raunverulegrar reynslu eða umhverfis. 

Svo segir óefndur særingarmaður í lokin að ljósið sé alltaf sterkara en myrkrið og ætlar þar með að börnin hafi verið á valdi hins illa en hann sé þá merkisberi ljóssins fyrir að hafa rekið burtu illu andanna.

Er ekki ástæða til að barnaverndunarfólk rannsaki aðstæður og reynslu þessara barna fremur en svona sjúklegur þvættingur sé borin fyrir fólk?

Þarna er því slegið föstu í fyrsta lagi að illir andar séu til og í öðru lagi að þeir geti hertekið saklaus börn. Og þau séu þá á valdi myrkursins. Hins illa! Svo hafi nafnlaus maður ljóssins hrakið burtu myrkrið!

Reyndar er engra heimildarmanna getið svo frásögnin er þess vegna, þó ekki væri annað, algerlega ómerk.

En það sem hlýtur samt að valda áhyggjum er það að ef eitthvað er hæft í frásögninni  af hegðun barnanna virðast þau hafa átt í miklum erfileikum og liðið mikla vansæld sem full ástæða væri til rannsaka eftir skilningi 21. aldar á hegðunarvandræðum barna.

 

 

Illur andi hljóp í börnin

Athugasemdir

[Axel Jóhann Hallgrímsson, 8.12.2012 kl. 12:59]

Kannski ríkið taki að niðurgreiða störf særingarmanna sem annarra kukklara og svikahrappa eins og nokkrar þingkonur leggja til.

[ThoR-E, 8.12.2012 kl. 13:22]

Sammála þessu. Ótrúlegt að bera þetta á borð eins og hverjar aðarar staðreyndir.

[Jonsi (IP-tala skráð) 8.12.2012 kl. 14:01]

Hva,

vissuði ekki að ritstjórinn sjálfur hefur komist í kast við illa anda, og gerði e.t.v. samning við bílsibúbb á sínum tíma.

J.

[DoctorE (IP-tala skráð) 8.12.2012 kl. 14:01]

MBL að draga geðsjúkdóma fólks upp á borðið og birta þá sem andsetna einstaklinga.
Eru menn hálfvitar á mbl, rosalegt að sjá svona fréttaflutning

[Sveinn Atli Gunnarsson, 8.12.2012 kl. 15:09]

Þetta er tóm steypa (ef svo má að orði komast). Eftirfarandi er einnig mjög undarlega orðað:

Máttu ekki heyra Jesú Krist nefndan á nafn. Þegar mest gekk á létu þau öllum illum látum, hræktu á og formæltu fólki.

Kannski blessuð börnin hafi bara verið búin að fá nóg af því að verið væri að reyna að troða í þau "heilögum anda" í sífellu - og verið með mótþróa...

[Sveinn Atli Gunnarsson, 8.12.2012 kl. 15:56]

Visir.is fjallar um þetta á gagnrýnni hátt, sjá Spyr af hverju afinn hafi ekki leitað til lækna vegna andsetnu barnabarnanna. Þar kemur m.a. eftirfarandi fram:

"[það er] ábyrgðaratriði fjölmiðla að þegar þeir greina frá svona löguðu, þá þurfi þeir að gera það með gagnrýnum hætti"

En þetta er að mínu mati vandamál þessa afa, en ekki barnanna.

[Níels A. Ársælsson., 8.12.2012 kl. 16:33]

Ef þið trúið ekki á illa anda þá get ég allt eins haldið því fram að það sé vísbending um geðraskanir og jafnvel bilun ....

[josef asmundsson (IP-tala skráð) 8.12.2012 kl. 17:19]

ERTU EKKI AÐ GRÍNAST NÍELS?

[Níels A. Ársælsson., 8.12.2012 kl. 17:40]

Nei alls ekki. Sjáðu þetta bara: http://nilli.blog.is/blog/nilli/entry/1162127/

[jóhanna (IP-tala skráð) 8.12.2012 kl. 17:45]

Er þetta ekki eitthvað é ætt við trú stúlknanna sem fluttu til Íslands á flótta frá Woodoo? Þvílík fréttamennska!!!

[Sigurður Þór Guðjónsson, 8.12.2012 kl. 18:38]

Eftir lýsingunum að dæma, ef þær eru hreinlega ekki tilbúnar eða verulega ýktar, voru þetta sárkvalin börn. Þess vegna finnst mér það algjört ábyrgðarleysi ef aðstæður barnanna verða ekki kannaðar eftir að svona frásögn birtist þó slík athugun eigi ekki að fara fram fyrir opnum tjöldum. Sá sem tók vitðtalið hlýtur a vita hvaða fjölskylda þetta var. Svona getur ekki bara birst og svo ekkert meira nema hvað sumir á netsíðum fari að deila um trúmál. Þetta er að mínu viti alvarlegra mál en svo, hvað börnin varðar.

[Sigurður Þór Guðjónsson, 8.12.2012 kl. 19:42]

Sá undarlegi misskilningur er á sveimi í netheimum að ég beri hatur til Morgunblaðsins. En það geri ég ekki nema síður sé. Hef jafnvel stundum varið blaðið á netsíðum fyrir árásum. Það er t.d. langbesta blaðið hvað varðar fréttir af náttúruviðburðum. Tekur jafnvel reglulega viðtöl við mig um veðrið! Það er algjör misskilningur að ég beri haturshug til blaðsins. En þessi frásögn er forkastanleg í sjálfu sér og það vill svo til að hún kom í hinum ágæta Mogga.

[DoctorE (IP-tala skráð) 8.12.2012 kl. 21:32]

MBL fór með þessu í neðsta þrep sorpblaðalistans!! Mér finnst að blaðið ætti að biðjast afsökunar á ruglinu!

Langt síðan ég hef póstað kisu hjá þér Siggi.

[Ómar Bjarki Kristjánsson, 8.12.2012 kl. 22:56]

Almennt um særingar eða exorcisms þá var þetta alltaf hluti af kristni. Enda talsvert mikið gert úr því í guðspjöllunnum varðandi Jesú. þetta hefur haldið sér á seinni tímum víða. Ekki síst í Kaþólsku kirkjunni en líka mótmælendum og nægir að nefna Bandaríkin. Sem nýliðið dæmi má nefna Ensku Kirkjuna þar sem beinlísir voru sett upp embætti víða um landið sem sáu um þetta 1974. þá beinar slíkar athafnir þar séu afar sjaldgæfar þá þekkjast þær þó allt til þessa dags.

Nú, varðandi frásögn í Mogga, þá er sumt í frásögninni sem virkar hálfgrunsamlega. Td. staldrar maður við þegar farið er að rekja starfsheiti meints særingarmanns að þá er sagt aðilinn hafi fengið: ,,mann úr viðskiptalífinu til að reka hina illu anda". Og í framhaldi sagt að umræddur viðskiptamaður sé alvanur slíkri sýslan.

Helst á því að einhver á Mogga hafi bara skáldað þessa sögu upp.

[DoctorE (IP-tala skráð) 8.12.2012 kl. 23:07]

Mér finnst þetta vera barnaverndarmál, ef MBL er ekki að skálda þetta upp þá er ljóst að börnin geta verið í mikilli hættu

[Ómar Bjarki Kristjánsson, 8.12.2012 kl. 23:26]

Ja, allaveg miðað við nútímasamfélag, þá væri réttlætanlegt að rannsaka málið.

Jafnframt má nefna að sumt, að minu mati, í frásögn af veikindum er grunsamlegt. ,,Magi í bylgjum" og köttur þar til hjálpar. Ennfremur að ekki var hægt að fara á veitingahús vegna þess að börnin hræktu og ældu á viðskiptavini. Hundur mátti ekki sjá þau útá götu - þá tók hann á sprett og rann úr efturendanum á viðkomandi hundi, að manni skilst. Mér finnst þessi frásögn að ýmsu leiti grunsamleg. Svo einkennilegur stíll á henni. (Að vísu hef eg aðeins lesið frásögnina á Eyju en maður treystir því að ekki sé miklu breutt frá upphaflegri grein í Mogga.)

Afhverju Moggi er að skálda þetta upp - það er svo sérkapítuli.

[Ómar Bjarki Kristjánsson, 8.12.2012 kl. 23:47]

Ps. ok. eg sé nú líka endursögn á DV sem er nákvæmari en á Eyju.

þar kemur fram að mynd eraf bol sem á að sýna far eins og bitið hafi verið í af dýri og ennfremur kemur fram að mOggir virðist ræða við þennnan viðskiptamann sem segist hafa rekið út tvo illa anda.

Maður verður þá að gefa sér að Mggi sé ekki beinlínis að skálda upp - en maður spyr sig samt um bakgrunnstékk sögunnar. Nú getur maður alveg ýmindað sér að Moggi þekki flesta í viðskiptalífinu oþh.

Maður spyr sig líka hvort svona frásögn fengist nokkurntíman birt nema með samþyggi og athugun ritstjóra.

[Sigurður Þór Guðjónsson, 9.12.2012 kl. 00:03]

Mogginn hefur söguna áreiðanlega rétta eftir sögumanni. Og gerum ráð fyrir að atferli barnanna sé rétt lýst. Það lýsir þá augljóslega mikilli vanlíðan, sálrænni sem líkamlegri. Og það er ekki hægt að sætta sig við skýringarnar eða láta undir höfuð leggjast að leita til fagaðila við lausn málsins. Vandamálið sem olli gæti enn verið fyrir hendi. Það er með engu móti hægt að taka það gilt að valdið hafi illir andar sem síðan hafi verið særðir út. Það er ekkert erfitt að ná þessu. Þetta varðar ekki trúarskoðanir og ekki heldur þann fyrri tíma sið að særa út það sem menn töldu vera illa anda við þáverandi skilning á mannlífinu og trúarlífinu. Þetta snertir velferð barna  sem sýna, eftir sögunni, mjög skýr einkenni um vanlíðan á 21. öld. 

[Ómar Bjarki Kristjánsson, 9.12.2012 kl. 00:30]

Mogginn er nú bara þannig blað á 21. öldinni að maður setur alltaf fyrirvara við allt sem þar kemur fram.

En ef á að rannska þetta að þar til bæru eftirlitasaðilum eða stofnunum, þá verður mogginn að gefa umræddum aðilum upplýsingar um fólkið, býst eg við.

Sjáum til hvað gerist.

[Ómar Bjarki Kristjánsson, 9.12.2012 kl. 00:37]

Og ps. að ef maður gefur sér að frásögn mogga sé þokkalega rétt - að þá er þetta auðvitað afar sérstakt eða forkastanegt af því að um börn er að ræða. Í nútímanum krefst þetta frekari athugunnar og rannsóknar af þar til bárum stofnunum, að mínu mati.

það breitir því ekki að útrekstur illra anda er gegnumgangandi í kristninni. þetta er ekkert bundið við vúdú eða utankristni trúarbrögð, eins og sumir virðast halda. Svona særingar eru til í kristni í ýmsum formum alveg fram á þennan dag.

[Guðmundur Bjarnason (IP-tala skráð) 9.12.2012 kl. 12:28]

 

Ég var úti í Suður Englandi fyrir nokkrum árum og var þar fjölskylda sem hafði orðið að yfirgefa heimili sitt vegna draugagangs.

Fréttir um þetta birtust í staðarblaðinu og þótti ekkert athugavert við þetta.

Ég var dolfallinn en steig svo fram og sagðist tilbúin að reka þessa drauga burtu.

Dvaldi ég svo eina nótt í húsinu án nokkurra vandræða og gaf svo þá yfirlýsingu að ég  hefði náð samkomulagi við draugsa og hann hefði haft sig á brott.

Var mér vel þakkað og fjölskyldan flutti inn aftur og varð ekki meira drauga vart þar.

Það eru reyndar um 30 ár síðan þetta var en hugarfar fólks á þessum slóðum hefur ekkert breyst. Draugar eru þarna á hverju strái og efast engin um tilvist þeirra.

Ég er hissa ef engin kannast við þetta þar að utan.

 

[Sigurður Þór Guðjónsson, 9.12.2012 kl. 13:22]

Ég sem draugavinur hef aldrei heyrt þess getið að draugar taki sér bólstað í börnum og reyndar ekki heldur í fullorðnum. Þeir eru bara þarna og ærslast utan við mennina. Heiðarlegur draugaangur sem menn þykjast verða varir við er því allt annars konar hjátrú og miklu vægari heldur en að halda því fram að illir andar nái valdi yfir börnum, séu á einhvern hátt inni í þeim og valdi þvi hvernig þau haga sér. Það er mjög undarlegt annars hvað menn eiga erfitt með að grípa það hvað sú hugsun er ógeðfelld og í rauninni illskuleg, að ætla að börn séu á valdi hins illa. Ef börn haga sér undarlega, tala nú ekki um ef það vitnar um vanlíðan, ber að leita að raunhæfum skýringum og beita viðeigandi úrræðum. Ekki djöflatrú eða annars konar viðbjóði. 

[Sigurður Þór Guðjónsson, 9.12.2012 kl. 15:02]

Það væri fróðlegt að vita hvernig særingin fór fram, hvort t.d. hafi verið sagt við barnið eða eitthvað álíka: Vík þú burt þú illi andi í Jesú nafni! Það er ekkert annað en misþyrming á barni ef það er látið heyra eða skynja að það sá á valdi illra anda þó Jesúnafn sé í sjálfu sér gott og blessað. En það er þetta með illu andana. Þess vegna ætti að rannsaka þetta mál úr því einu sinni er búið að segja frá því opinberlega.

[Ómar Bjarki Kristjánsson, 9.12.2012 kl. 18:59]

Nákvæmlega. það er alveg spurning hvernig þetta fór svo fram. Ef maður gefur sér að frásögn í Mogga sé þokkalega rétt - þá er ekki nema 1/4 af sögunni sagður.

Hvernig fór þessi brottrekstur tveggja illra anda fram hjá kaupsýslumanninum.

það eru á youtube filmur frá því hvernig þetta fer fram td. í Bandaríkjunum. Einnig eru fleiri filmur viðar að sem erfitt er að átta sig á án frekari skoðunnar. Eitthvað af þessu er sennilega úr biómyndum o.s.frv. Eg ætla ekki að linka á slík video td. frá Bandaríkjunum því þau eru ekki fyrir hvern sem er.

En miðað við frasögn sem höfð er eftir manninum í Mogga, þá virðist hann undir áhrifum frá Bandarískum spekingum í þessu efni. Maður tekur strax eftir, eins og þú bendir á, að hann virðist telja að talsvert algengt sé barasta að börn sé haldin slíku og hann virðist vilja meina að hann geti séð það á augnaráði barna.

[DoctorE (IP-tala skráð) 9.12.2012 kl. 21:35]

Það sem ég hef séð af særingum er svona eins og andleg nauðgun, alger hryllingur. Ég held að börn og fullorðnir líka geti ekki komist heil frá slíkri meðferð.. eins og mörg dæmi eru um

[Sigurður Þór Guðjónsson, 9.12.2012 kl. 21:46]

Held að hinn ágæti dokor hitti þarna naglann beint á höfuðið.

[Jens Guð, 10.12.2012 kl. 00:25]

  Morgunblað Davíðs Oddssonar djöflavæðir sem aldrei fyrr.  Það er ekki seilst langt yfir skammt.  Allt er á eina bók lært.