Nokkur 17. júní veðurmet sleginn

Ekki var ég fyrr búinn að setja inn nokkur fáfengileg veðurmet fyrir þjóðhátíðardaginn en þau verða sum alveg úrelt!

Úrkoman í morgun mældist 22,0 mm í Reykjavík. Það er mesta úrkoma sem þar hefur mælst að morgni 18. júní ekki aðeins síðan lýðveldið var stofnað heldur frá upphafi mælinga og mælir urkomuna frá kl. 9 að morgni 17. júní. Gamla metið var 13,7 mm frá 1988. Ekki fór að rigna fyrr en um klukkan 14 en mest rigndi um kvöldið. Á mönnuðu stöðinni mældist úrkoman 5,5, mm frá kl. 9-18. Á sjálfvirka úrkomumælinum mældist fyrst ofurlítil úrkoma kl. 14, 0,2 mm,  en kl 1 eftir miðnætti þegar upp stytti til morguns var úrkoman orðinn 21,6 mm á þeim mæli en milli kl. 18 og 22 mældist úrkoman 15,2 mm.

Ekki beint veður til útiskemmtana. 

Á Akureyri var dagurinn sá hlýjasti að meðalhita á lýðveldistímanum, 15,4 stig en gamla metið var 15,1 stig árið 1969 en hugsanlega var hitinn þar svipaður á sjálfum sautjándanum 1944 og 1969 en nær ekki gærdeginum. Hámarkshitamet var ekki slegið á Akureyri.

Það rigndi má segja um allt land nema sum staðar við Ísafjarðardjúp en þó víðast ekki fyrr en síðdegis og  mest um kvöldið eða í kringum miðnættið. 

Meðalhitinn á Akureyri er nú orðinn hærri á Akureyri en í  Reykjavík eins og sjá má í fylgiskjalinu.

Sumir eru að tala um það á netmiðlum að veðurfarið sé að verða eins og í fyrrasumar. En það sem komið er hefur þó lítið líkst því.

Sjáum svo hvað setur.

 

Skrár tengdar þessari bloggfærslu:

• akrv_2014_14_0.xlsx

Athugasemdir

[Húsari. (IP-tala skráð) 25.6.2014 kl. 11:55]

Sæll Sigurður!

Til hamingju með daginn!

Mali 7 ára! Elskaðasti köttur Íslandssögunnar!

Ja, må han leva!
Ja, må han leva!
Ja, må han leva uti hundrade år!
Javisst ska han leva!
Javisst ska han leva!
Javisst ska han leva uti hundrade år!

Hérna á ungversku hásléttunni hafa safnast
saman flest þau dýr sem af kattarætt fyrirfinnast.

Loppuþeysarar munda kjuðana á hljómsveitarpalli
og strax á eftir koma Músafellurnar en Hváshildur Högnadóttir
og Murr Jo Jo Catkins munu syngja afmælisbarninu
ómældar sveiflur úr tólftónaröðinni auk þess sem
Frech mun láta til sín taka í Tokkötu og fúgu svo
djöfullegri að sviðni helst öll skott næst sviðinu!

Kær kveðja,

[Húsari. (IP-tala skráð) 25.6.2014 kl. 13:30]

Sæll Sigurður!

Það vakti athygli allra þá Patti Smith kom til landsins
hversu mjög hún gladdist yfir því öllu og dásemdum þess.

Nú er komið í ljós að gleði hennar var af allt öðrum toga spunnin
og lái henni það hver sem vill miðað við félagsskapinn
sem sjá má hér:
http://www.youtube.com/watch?v=Mxp62g4itqI&list=UUEsOgeC5ONtFBv0HEbIK_eA&index=5

Kveðja í tilefni afmælis ásamt og með ís að hætti
japana en í stað nuggats og sykurmola eru þar
ýsubitar og kræklingu! (Suðkræklingar!!),

[Sigurður Þór Guðjónsson, 26.6.2014 kl. 01:34]

Mali the malicious, bitvargurinn sá, þakkar innvirðulega fyrir afmæliskveðjunar.