Ég vissi það!

Aldrei geðjaðist mér að þessari Marion Jones sem var alltaf að hlaupa. Menn voru sí og æ  að hrósa henni en mér fannst alltaf eitthvað síkópatískt ógeðfellt við hana. Ég læt mér ekki detta í hug að iðrunarjátning hennar nú yfir því að hafa hlaupið á sterum stafi af öðru en loforðum um mildari refsingu fyrir vikið. 

Kannski hef ég þetta sjötta skilningarvit sem um er talað því ég fæ oft svona hugboð löngu áður en hlutirnir gerast.

En kannski er ég bara hnöttóttur og weird. 

Já, samkvæmt áreiðanlegri skoðanakönnun þessarar síðu segja 88 prósent hysterískra aðdáenda minna já við því að til séu voða ljótir svartálfar sem eru svo kolsvartir og vondir að þeir eru gersamlega ósýnilegir. Aðeins 3 prósent segja nei við spurningunni. Það er athyglisvert að fleiri segja mjá í þessari gagnmerku skoðanakönnun en nei, eða 4,5 prósent og hefur kisusvörunum farið fjölgandi upp á síðkastið eftir því sem skoðanakönnunin berst víðar um kattheima. 

Þess vegna fylgir hér mynd af honum Mala í kaupbæti þegar hann var að spá í skoðanakönnunina æði spekingslegur á svip.     

 

Athugasemdir

[Fríða Eyland, 6.10.2007 kl. 21:15]

Er ekki verið að hengja bakara fyrir smið hérna ? Er ekki stjarnan hálfgerður kjáni að viðurkenna ? Eða er þetta leið til að minna á sig ? 

Það vakna margar spurningar þegar "stjörnurnar eiga í hlut"

[Þórunn (fyrrverandi pönkari) (IP-tala skráð) 7.10.2007 kl. 01:55]

Nú langar mig að vita: (fyrir utan að mig langar að segja Velkominn heim og hræðilegt að þér skulið vera sjúkur) Hvers vegna var hlaupadrottningin Jones að viðurkenna þetta núna? Var þetta eitthvert síðbúið samviskubit? Ég hef enga trú á mannkyninu og því hlýtur hún að hafa lent í einhverju og í kjölfarið neyðst til þess að játa. En hvað gerðist? Plís, uppfræðið mig fáfróða.

[Sigurður Þór Guðjónsson, 7.10.2007 kl. 12:14]

Eigi veit ég meira en þér um þetta pönkína, en giska á að eitthvað í rannsókn málsins sanni sekt hennar og henni hafi verið lofað mildari refsingu gegn því að játa og svo er þetta kannski dekurrófa sem finnst vond athygli betri en enginn. Ég veit þetta ekki en alltaf hafði ég á henni illan bifur og fannst hún aldrei neitt sæt og allt þetta sem allir voru að tala um. Mér fannst hún hafa einhvern slóttugan sjálfumgleðisvip. Fordómar? Kannski, en staðreyndirnar nú vitna ekki um gegnumheila manneskju. Já, það er hundfúlt að vera veikur (líklega af hundaæði), það get ég sagt yður aumingjabloggínan yðar, en vonandi verður mér batnað á afmælinu mínu sem ég er að hugsa um að bjóða yður í. En þá verðið þér að vera stillt og prúð og sýna afmælisbarninu mikla lotningu og hollustu en alls ekki neina óhollustu.

[Sigurður Þór Guðjónsson, 7.10.2007 kl. 14:34]

Nú eru mjásvörin í skoðanakönnuninni komin upp í 6 % á kostnað já svaranna, sem eru falinn niður í 86 % en samanlögð já og mjásvör eru þá 92 %.