Fýla

Nú ætla ég að vera í fýlu þar til snjóa leysir.

Nú er ég að lesa Aristóteles. Tótallí óskiljanlegur. 

Athugasemdir

[ella (IP-tala skráð) 10.3.2008 kl. 00:33]

Bóndi í Kelduhverfi sem menn hafa haft tilhneigingu til að taka mark á segir að ef menn þurfi að grafa hræ, skuli þeir gera það fyrir 14. maí.

[Júlíus Valsson, 10.3.2008 kl. 00:35]

Að rökræða um sálina er heil atvinnugrein.
Að rökræða við sálina er snilld.

[Þórunn Hrefna (IP-tala skráð) 10.3.2008 kl. 00:59]

Þar til snjóa leysir! Er það ekki í júlí? Þurfum við, örvasa aðdáendurnir, að bíða þangað til? Þvílík endemis ekkisens mannvonska!

[Sigurður Þór Guðjónsson, 10.3.2008 kl. 09:49]

Tóta pönkína: Þú ert algjör veðurhálfviti og hefur ekkert getað lært af mér í þeim efnum.  

[Júlíus Valsson, 10.3.2008 kl. 10:47]

Hæfileiki manna til að spá um veðrið fer líklega þverrandi. Það kom mér mjög á óvart á sínum tíma þegar ég frétti að á Veðurstofu Íslands er í raun enginn sem gáir til veðurs!
Það væri upplagt verkefni fyrir gamlan bónda eða sjómann, sem er að fara á eftirlaun. Áður fyrr gátu gerlar í mjólkurmat veitt vísbendingar um veður, t.d. breytingar í súru skyri, þegar það braut sig sem kallað var.  Einnig mátti nokkuð marka á lýsi í tunnum hvaða veðurs væri von.  Einnig er vel þekkt að menn byggðu veðurspár á athugun innyfla og menn áttu loftvogir sem gerðar voru úr útþaninni hlandblöðru stórgrips eða sauðkindar, þöndum líknarbelg eða þöndum rjúpusarpis. Bestu spárnar voru þó líklega þegar spáð var fyrir veðri eftir kerlingarsvuntunni í hörðum fiskivanga.
nánar á http://www.natmus.is/

[gerður rósa gunnarsdóttir, 11.3.2008 kl. 18:45]

Og ég sem er einmitt líka að lesa Aristóteles núna! Bókin búin að bíða eftir mér uppi í hillu í nokkur ár, og loksins lét ég verða af því að hefja lesturinn, í síðustu viku eða svo. Hún endist örugglega aflestrar í nokkur ár þessi ...
Voðalega erum við í stereó eitthvað :)

[Sigurður Þór Guðjónsson, 11.3.2008 kl. 18:55]

Það er nú ekki í fyrsta sinn sem við erum í steríó. Við erum í sterkasta telepatíska sambandi á netinu.