Vík í Mýrdal í stuði

Í dag varð mesti hiti á landinu 20,5 stig á mönnuðu veðurstöðinni í Vík í Mýrdal. Það var "sól og blíða" náttúrlega með hitanum.  Á sjálfvirku stöð Vegagerðarinnar á Mýdalssandi sýnist sem hitinn hafi komist næstum því í 22 stig mest og hann var 21 stig á heilu klukkutímunum í norðanátt alveg frá kl. 15 til kl. 17 og 20 stig voru kl. 14 og 18.

Rekja má ætt mína í Mýrdal margar aldir aftur í tímann svo ég er alltaf mjög veikur fyrir veðrinu þar. Mér finnst þess vegna skandall að veðurstöðin í Vík skuli ekki koma fram á töflunum með hinum stöðvunum á vef Veðurstofunnar.

Og svo vil ég fara að fá almennilegt Kötlugos!

Athugasemdir

[Brjánn Guðjónsson, 12.6.2008 kl. 22:05]

sól og blíða

meinarðu þá blíðuna hennar Sólar Guðríðardóttur, húsfreyju í Vík?

[Sigurður Þórðarson, 12.6.2008 kl. 23:15]

Það er nú meiri blessuð blíðan.

[Brjánn Guðjónsson, 13.6.2008 kl. 01:00]

já, enda frú Sól margblessuð, í bak og fyrir

[Svava frá Strandbergi , 13.6.2008 kl. 02:14]

Nú rennur upp fyrir mér ljós. Þegar ég á leið um Mýrdalinn finnst mér alltaf eins og þar sé allt morandi í huldum vættum og að ég skynji nið aldanna. Það eru náttúrulega andar áa okkar, sem þar eru á sveimi, sem valda þessum mögnuðu áhrifum á mig.

[Gudrún Hauksdótttir, 13.6.2008 kl. 05:38]

Í Vik er alltaf yndisleg,Ég tek undir med Gudnýju Svövu engin spurning.ætla ad koma allaleidina til Víkur í ágúst og taka tátt í brúdkaupi og vonandi fáum vid svona flott vedur.

Knús inn í daginn frá danaveldi.