Viðbrögð Mala við Hauki og Sigmari í Kastljósinu

Hvernig stendur á því að hann Sigmar sem oft er grimmur eins og vargur við þá sem hann spyr út úr var eins og slytti þegar hann ræddi við Hauk Guðmundsson? Sigmar sýndist heldur ekki hafa undirbúið sig neitt. Hann virtist taka yfirlýsingu Hauks um ólöglega dvöl eiginkonu Ramses gilda að öllu leyti og spurði engra nánari spurninga út í hvernig því væri farið, hvað þá að hann spyrði óþægilegra spurninga. Ég er handviss um að vel undirbúinn spyrill sem eitthvað hefði kynnt sér lagabókstafi hefði getað leit ýmislegt í ljós. Skýringarlausa staðhæfingu Hauks Guðmundssonar er ekki hægt að taka alvarlega og Sigmar átti einmitt að sýna fram á það. Hefði það verið fagleg vinnubrögð.

Einkennilegt var annars að horfa á Hauk. Hann er maður sem lætur engan bilbug á sér finna og samviskan vefst ekki fyrir honum eða það sem kallað er "mannúð". Enda hefur hann reglurnar á hreinu. Og hann mun óhikað halda áfram á sinni braut. Björn Bjarnason treystir honum líka fullkomlega.     

Það fauk í hann Mala yfir linku Sigmars og vélrlænu miskunnarleysi Hauks. Ég náði myndum af því þegar hann mótmælti hástöfum og þegar hann varð svo heitur að hann varð bókstaflega að kæla sig  niður.

Loks er bónusmynd af því þegar Mali var að blása á kertið þegar hann átti eins árs afmæli.

Mali er góður köttur. Og í augum guðs er betra að vera góður köttur en vondur maður.

Mali að prótestera.

Mali að kæla sig niður.

Mali að blása á afmæliskertið.

Hægt er að stækka myndirnar mjög með því að smella þrisvar á þær.  

Athugasemdir

[Magga (IP-tala skráð) 4.7.2008 kl. 21:01]

Mikið er hann sætur með opinn kjaftinn.......

[Jesús Kristur (IP-tala skráð) 4.7.2008 kl. 21:20]

Ég tek heils hugar undir með Mala í þessu máli.

Mjá.

[Sigurður Þór Guðjónsson, 4.7.2008 kl. 21:29]

Og nú bíð ég bara eftir postulunum tólf.

[Baldur Kristjánsson, 4.7.2008 kl. 21:32]

Sammála!Var hálf reiður líka. Kv. B

[Linda, 4.7.2008 kl. 22:11]

Algjörlega 100% sammála, ég skildi ekki hvað Sigmar var að hugsa hvað þá gera, þetta var svo vanmáttugt hjá honum.

kv. 

PS. Mali Sætur 

[Eiður (IP-tala skráð) 4.7.2008 kl. 22:24]

Þið gerið Sigmari rangt til. Hann skilaði sínu með mikilli prýði, enda einn besti spyrill sjónvarpsins.Það kom vel fram í þessu  viðtali. Haukur Guðmundsson skýrði þetta tilfinningaþrungna mál mjög vel.

[Sigurður Þór Guðjónsson, 4.7.2008 kl. 22:57]

Ég er ekki sammála þér Eiður. Mér fannst Sigmar, sem oft er fjári góður, bregðast alveg bogalistinn.

[Svava frá Strandbergi , 4.7.2008 kl. 23:23]

Mali er dýrlegt skoffín!!

Kveðja frá Tító urðarketti, Gosa skuggabaldri og mér,  tófunni?

[Jenný Anna Baldursdóttir, 4.7.2008 kl. 23:29]

Má ég biðja um einn Mala í staðinn fyrir hálfvita í mannsmynd.

Ég sá þig í dag og svo var ég rokinn.  Meiri stressið alltaf (á karlinum ekki mér).

Á morgun kl. 12,00 segir Hörður Torfa.

[Sigurður Þór Guðjónsson, 5.7.2008 kl. 00:30]

Mali er ljós í vondum og guðlausum heimi.

[halkatla, 5.7.2008 kl. 00:32]

fáir menn taka Mala fram

[Helga (IP-tala skráð) 5.7.2008 kl. 00:33]

Hann Mali fegurðarkóngur er mikið gáfuketti og ég er sammála honum varðandi Sigmar í Kastljósinu í kvöld - ég setti líka upp kryppuna við að hlusta á hann.  Hann stóð sig afar illa í stykkinu og meðhöndlaði Hauk með algjörum silkihönskum - eiginlega tiplaði á tánum í kringum hann.  Hann hefur oft verið miklu betri spyrill en þetta.  Mér fannst eins og hann hefði engan áhuga á málefninu og vildi bara hespa því af í flýti - eins og hann tæki þetta viðtal við Hauk af eintómri skyldurækni.  Sjónvarp RÚV hefur oft verið kallað Bláskjár og Útlendingastofnun heyrir undir BB í Dómsmálaráðuneytinu.  Maður spyr sig hvort eitthvað samhengi sé þarna á milli.

Mér sýnist hann Mali vera fremur súr á svipinn þar sem hann er að blása á afmæliskertið - ég held hann skilji ekki alveg húmorinn í Malapabba að setja heilan ljósastaur ofan í matinn hans.   

[Sigurður Þór Guðjónsson, 5.7.2008 kl. 00:36]

Mali er svo mikið merkikerti að allt verður að vera við hæfi! 

[Sigurður Þór Guðjónsson, 5.7.2008 kl. 00:42]

Nei, Anna Karen! Ert þú við tölvu að kommenta. Ég hélt þú værir í höfuðborginni að djamma!

[Lilja Kjerúlf, 5.7.2008 kl. 11:36]

Ég vissi að Mali væri gáfaður köttur, en að troða sér inní frystir  Hann er ofurgáfaður

[AK-72, 5.7.2008 kl. 16:27]

Ein rök gef ég ekki mikið af hálfu Útlendingastofnunar, og það er að þetta sé fordæmisgefandi að meðhöndla Ramses-fjölskylduna út frá mannúðarsjónarmiðum. Í fyrra var nefnilega talað um af raðamönnum þegar kom að tengdadóttur Jónínu að hvert mál væri einstakt og meðhöndlað sem slíkt, og þessi ríkisborgararéttarveiting væri ekki fordæmisgefandi. Skyndilega nú, þá er meöhöndlun á umsóknum einstaklinga í svona málum orðin fordæmisgefandi en ekki einstök.

[Sigurður Þór Guðjónsson, 5.7.2008 kl. 17:20]

Þessi maður er ekki tengdasonur ráðherra. Ef svo væri væri hann hér enn. 

[María Kristjánsdóttir, 5.7.2008 kl. 18:09]

Ég legg til að Mali verði gerður að dómsmálaráðherra og ég mér sýnist á svipnum á honum að hann gæti auðveldlega líka stýrt útlendingastofnun með annarri hvorri vinstri loppunni.

[halkatla, 5.7.2008 kl. 22:34]

ég er í gestatölvu á mjög anarkísku fyrirmyndarheimili í borginni og þó að það sé mikið fjör og afar gaman, þá fer lítið fyrir djammi. Auk þess deila allir hér depurðinni með Mala, yfir þessu Sem betur fer veit hin viðkvæma og góðhjartaða Kassandra ekkert um þetta mál og ekki Karítas heldur, þær fá ekkert að vita fyrren allt er um garð gengið. Ég hef ekki enn séð viðtalið misheppnaða, tölvan sem ég er í vill ekkert spila. En svipurinn á Mala segir mér allt sem ég þarf að vita!

[Jóna Kolbrún Garðarsdóttir, 6.7.2008 kl. 02:11]

Hann Mali er skynsamur köttur, eins og flestir kettir eru

[halkatla, 8.7.2008 kl. 00:45]

þessar myndir eru rosalegar en Mali er svo myndarlegur að hann slær þær út í raunveruleikanum