Niður með Listaháskólann!

Á Laugaveginum á ég við. Ég stend alveg með borgarstjóranum og Torfusamtökunum í andstöðu við þær verðlaunateikningar sem lagðar hafa verið fram. Þetta húsabákn drepur allt í kringum sig á stóru svæði.

Það eru skiptar skoðanir á málinu auðvitað. Hanna Birna, hin sexí, stendur með borgarstjóranum. En áðan var í hádegisfréttum vitnað í bloggsíðu sama sem bloggvinar míns, Björns Bjarnasonar dómsmálaráðherra sem lofar og prísar megamonstrið. Annars langar mig til að spyrja. Af hverju er alltaf verið að vitna í hann? Í þessu máli hafa orð hans ekkert meira vægi en mín gullvægu orð.

Hvers vegna í ósköpunum vitnar ekki fréttastofa RÚV í mína djúpvitru bloggsíðu í tíma og ótíma? Ég tala nú ekki um í spekinginn hann Mala.  

Ætli rektor Listaháskólans sé annars ekki fremur órótt. Hann á að halda uppi merki listarinnar en hluti af listinni er verndun gamalla byggða og umhverfis í borgum. Hvað finnst honum um það að fjöldi fólks telur að hús Listaháskólans vinni skemmdarverk að þessu leyti? Sópar hann þá bara öllum sjónarmiðum út af borðinu  nema sjónarmiðum eiginhagsmunanna. Hans skóli þarf lóð. Og lokar hann þá bara augunum fyrir öllum öðrum sjónarmiðum?

Prívatraus í rafrænum dagbókarstíl: Ég á annars blendnar minningar um þennan rektor. Einu sinni var ég tónlistargagnrýnandi árum saman. Sumir voru voðalega hrifnir af mér en aðrir ekki. Rektor Listaháskólans, sem þá var stjórnandi Háskólakórsins, gaf út eitthvað blað og sagði þar að ég væri bara að skrifa um sálarkreppur mínar í gagnrýni. Þetta fannst mér högg fyrir neðan beltisstað af því að ég skrifaði reyndar einu sinni bók um sálarkreppur sem sóttu á mig á yngri árum. Ég nefndi þetta einu sinni við hann og hann tók því bara vel. Svo var þessi ásökun líka óréttmæt. Ég fór stundum mínar eigin leiðir í tónlistargagnrýni og einmitt það truflaði suma en hún var yfirleitt ekki verr ígrunduð og rökstudd en gengur og gerist með gagnrýni annarra. Það áréttaði reyndar þekktur söngvari líka sem einu sinni gerði athugasemdir á þessari síðu. 

Skyldleiki er með mér og rektor Listaháskólans og vinur minn Leifur heitinn Þórarinsson tónskáld sagði að við værum líkir um margt. Við værum báðir miklir tilfinningamenn, ákaflyndir mjög og með stórar skoðanir. Annars fara skoðanir mínar hríðminnkandi með árunum. Ég er að breytast í mann með örskoðanir.  Algjör örskoðun: Ég lít á allar breytingar á götumynd Reykjavíkur frá the fabulous fifties mjög óhýru auga!

Einu sinni bað Leifur mig að skrifa lesmál á geisladisk sem hann var að gefa út með nokkrum verka sinna. Þá stóð svo á að ég þóttist með engu móti geta tekið þetta að mér og skrifaði einhver annar. Ég hef alltaf séð eftir því að hafa hafnað þessu. Leifur var snilldar tónskáld þegar hann var bestur en nokkuð var hann mistækur. Sinfónían hans sú síðasta er verk sem ég hlusta oftar á en flest íslensk tónverk og ég á hana líka á nótum.

 

Athugasemdir

[halkatla, 27.7.2008 kl. 13:12]

Þetta er góður pistill en ég verða að gera eina mjög ábyrgðarfulla athugasemd:

Sko, HB lítur út einsog samblanda af höggormi og öskurapa (amk þegar hún er gestur í sjónvarpsþáttum). Svo er hún alltaf reið og froðufellandi (bókstaflega). Það er ekkert sexí við hana   nema fólki þyki FRENJUSKAPUR OG STJÓRNLAUS FREKJA  sexí???

Ég ætlaði að taka smá hysteríukast yfir þessum pistli en tilhugsunin um hana drap niður alla löngun  

[Sigurður Þór Guðjónsson, 27.7.2008 kl. 13:42]

Ég veit um nokkra vini mína sem finnst hún sexí mér til samlætis. Það er röddin, þessi eldspúandi vélbyssuskothríð, sem tryllir og seiðir. Sama þó hún segi ekkert af viti! Vegir náttúrunnar eru órannsakanlegir ekki síður en guðs vegir! Mjá, Það held ég nú.

[halkatla, 27.7.2008 kl. 13:56]

- en jæja, fyrst hysteríkastið mitt er fyrir bí þá ætla ég þess í stað að lygna aftur augunum og sjá fyrir mér í huganum hvernig Björn Bjarnason er að sóla sig í Nauthólsvíkinni - kannski fæ ég að moka á hann olíunni? Hehe, I wish. Hann þarf ekki að segja neitt af viti því hann er svo sexí

[Sigurður Þór Guðjónsson, 27.7.2008 kl. 13:59]

Vit og sexískapur eiga ekki samleið. En heimska og sexíháttur fara saman. Svo mælir mahatma Malicharanda Yogananda.

[Heiða B. Heiðars, 27.7.2008 kl. 14:02]

Ég er innilega ósammála þér Sigurður! Mér finnst húsið flott og það verður frábært að fá svona stofnun í hjarta borgarinnar!

Hættu þessari vitleysu og prísaðu listháskólann í hástert og ég skal athuga hvort ég geti ekki borgað einhverjum á RÚV fúlgur til að vitna í þig........ nú eða villidýrið þarna sem þú kallar Mala. 

...sem er svona eins og að kalla glorhungrað tígrisdýr hnoðra

[halkatla, 27.7.2008 kl. 14:07]

Þetta er bara rugl í ykkur Mala núna og ekkert meira um það að segja

[Sigurður Þór Guðjónsson, 27.7.2008 kl. 14:14]

Mali the megawise ruglar ekki!

[Jenný Anna Baldursdóttir, 27.7.2008 kl. 14:16]

Ég er í stórum dráttum hlynnt byggingunni og ekki gera læti út af þessu.  Komum honum upp.

Björn Bjarnason - frussssssssss

Bið að heilsa ófétinu

[Heiða B. Heiðars, 27.7.2008 kl. 14:19]

Nei.... einmitt! Tökum mark á villidýrinu sem sekkur tönnunum í þann sem gefur honum að éta!
Góð lógík eða hitt þá heldur!

Ég bið ekkert að heilsa ófétinu

[Sigurður Þór Guðjónsson, 27.7.2008 kl. 14:20]

Ég geri læti út af öllu! "Klammaríi hann kom af stað hvar sem hægt var að upprífa það."

[Sigurður Þór Guðjónsson, 27.7.2008 kl. 14:23]

Hér geisa óheftar kynþáttaofsóknir á loppur saklauss villidýrs. Mali er alltaf að sleikja sár mín og iðrast mjög gjörða sinna. Mættu fleiri taka hann sér til fyrirmyndar.

[halkatla, 27.7.2008 kl. 14:24]

gáfur eru sexí en öskrandi skrækraddaður brjálæðingur í frekjukasti á almannafæri ekki, en það er ekki þarmeð sagt að engum geti þótt það síðarnefnda aðlaðandi, ég meina margar konur hrífast af fjöldamorðingjum og skrímslum þrátt fyrir að þau séu með lága greindarvísitölu og hræðilega ljót - fólk er bara svo skrítið, ég get ekki sagt að það sé óhugsandi að einhverjir laðist að HB, mér hefði bara aldrei í lífinu dottið það í hug ef þú hefðir ekki sagt það...

[Sigurður Þór Guðjónsson, 27.7.2008 kl. 14:32]

Þú átt margt eftir ólært í lífinu Anna Karen mín! Ég segi fyrir mig: Aldrei hef ég hitt sexí konu sem ég get sagt að hafi verið með fullu viti. En skriljón af sexígellum sem ekki voru með fulle femm. Vona að þetta valdi ekki meiriháttar feminisku uppistandi!

[Sigurður Þór Guðjónsson, 27.7.2008 kl. 14:33]

Jenný: Hvaða stóra drætti ert þú að tala um og hverjum á að koma upp? 

[Lilja Kjerúlf, 27.7.2008 kl. 14:38]

Mér líst bara helvíti vel á þennan skóla og staðsetninguna, held þetta komi til með að hleypa heilmiklu lífi í Laugaveginn sem er að mínu mati besti staðurinn í bænum til að byggja skólann á.

Annað:

þetta með að hafa róast með aldrinum...........

Veit ekki hvort ég á að þora að segja þér sannleikann

En karlmenn róast með aldrinum þegar kvenhormónar fara af stað hjá þeim...... kannski er það ástæðan fyrir því hve mjúkur þú ert að verða. þú ert kannski ekki með minni skoðanir ...... bara rólegri

[Sigurður Þór Guðjónsson, 27.7.2008 kl. 15:09]

Guð minn góður! Er ég að breytast í kellingu? Hvað segir Jón Valur þá?

[Lilja Kjerúlf, 27.7.2008 kl. 15:13]

hahaha

Hann kemur og frelsar þig með testoteron sprautu

[halkatla, 27.7.2008 kl. 15:17]

ég þarf semsagt bara að læra að ég sé ótrúlega ósexí samanborið við höggorminn

[Sigurður Þór Guðjónsson, 27.7.2008 kl. 15:25]

Brennandi tilvistarspurning: Hvernig stendur eiginlega á því að þegar ég er að fíflast taka mig allir alvarlega en þegar ég mæli af alvöruþunga halda allir að ég sé að fíflast!

[halkatla, 27.7.2008 kl. 15:31]

það er reyndar hot að fíflast

en í sambandi við umfjöllunarefnið í þessum pistli þá verða ráðamenn að spyrja sig: er nýja húsið nógu sexí fyrir Laugaveginn??? ef svo er þá þýðir ekkert að kvarta...

[Lilja Kjerúlf, 27.7.2008 kl. 15:32]

Þú þarft bara að henda inn nokkrum broskörlum með fíflalátunum þá fer fattarinn í gang. 

þetta er eins og á msn eða sms, ef þú setur ekki tilfinningakarlana með þá er auðvelt að misskilja.

[Helga (IP-tala skráð) 27.7.2008 kl. 16:04]

Ég get alveg fallist á það að þessi steinkumbaldi verður líklega ekki vel staðsettur á Laugaveginum - Hverfisgatan er líklega betri staðsetning?  Skólinn mun þannig hleypa lífi í miðbæinn án þess að skemma götumyndina á Laugaveginum.

En bara sú staðreynd að valdaræninginn Ólafur Fáv... afsakið F., okkar kjánalegi, sjálfumglaði og fylgisrýri borgarstjóri  er mótfallinn þessari byggingu, kveikir á mótmælageninu í mér - þ.e. með byggingunni og gegn borgarstjóramannkertinu.

Burt með þennan hallærislega borgarstjóra!  Hanna Birna, hin ósexý, stendur bara með karlinum af eigingjörnum hvötum.  Hún er lafhrædd um að hann muni annars slíta borgarstjórnarmeirihlutanum (en meirihlutinn hangir bara á þessum eina óstabíla skrípakalli) - og kemur þar með í veg fyrir að hún verði borgarstjóri eftir 6 mánuði.

Það held ég nú.

[Beggi (IP-tala skráð) 27.7.2008 kl. 16:36]

Glugghross þetta er enn ein staðfestingin á því að Íslendingar eru algjörlega smekklausir og arkitektar okkar hálfgerðir R2-D2. Ég gæti gleypt De architectura, nokkrar reglustikur og gráðuboga og skitið betra húsi.

Hvernig væri annars að hola bara innan Skólavörðuholtið og hafa þennan skóla þar?

[Þorsteinn Briem, 27.7.2008 kl. 17:34]

Stífur er hann og stór,
stendur á honum Þór,
hans fyrirferð,
úr "feiki" gerð,
og kemst ei fyrir í kór.

[Sigurður Þór Guðjónsson, 27.7.2008 kl. 17:39]

Steini klámkjaftur! 

[Þorsteinn Briem, 27.7.2008 kl. 17:49]

Hardly!

[Helga (IP-tala skráð) 27.7.2008 kl. 17:55]

Ég þori nú varla að vera hérna inni á þessari klámsíðu!

[Brjánn Guðjónsson, 27.7.2008 kl. 19:52]

mér þætti eðlilegra að vitna í ykkur Mala, sem mark er á takandi, en Björninn. líklega er Björn þó áskriftarmeðlimur félags álitsgjafa, ásamt Steingrími Joð og Ragnari Reykás.

Mér leist nú ekki of vel á myndirnar sem ég sá í fréttunum, af þessari hugmynd. samt ekki hægt að dæma útfrá því litla sem ég sá þar.

hugmyndin að setja niður háskóla á miðjum Laugaveginum finnst mér absúrd. kannski skólinn sé svo fámennur (og eigi að vera áfram) að þetta muni engu bæta á bílastæðavandann. skiptir kannski ekki máli, þar sem listaspírur með lopatrefla eiga ekki bíla?  

[Bumba, 27.7.2008 kl. 20:48]

Heyr heyr heyr! En ég vil bæta við.  Niður með hann að öllu leyti, ekki bara staðsetninguna, heldur alveg! Með beztu kveðju.

[Þorsteinn Briem, 27.7.2008 kl. 21:48]

Nemendur í tónlist, leiklist, myndlist, hönnun og arkitektúr, kennarar og annað starfsfólk, samtals um 600 manns, munu starfa eftir þrjú ár í nýja Listaháskólanum við Frakkastíginn á milli Laugavegar og Hverfisgötu, þar sem útlendar stelpur sýndu áður á sér píkuna í kofaskrifli í Vegas.

Um þriðjungur hússins verður opinn almenningi með kaffihúsi, listbókasafni, sýningarsölum, tónleikasal og leikhúsi.

Lítið mál að vera með bílastæði á nokkrum hæðum undir húsinu.

Við Laugaveginn eru sýnishorn húsa frá allri síðustu öld, 20. öldinni, engan veginn heilsteypt götumynd, og hús þar frá 19. öldinni eru vinsamlegast beðin um að gefa sig fram.

[Jenný Anna Baldursdóttir, 27.7.2008 kl. 22:22]

[Hildigunnur Rúnarsdóttir, 27.7.2008 kl. 22:29]

nítjándualdar götumynd, hnuss!  Það voru nær engin hús við Laugaveg á nítjándu öld!

Ég  hefði getað hugsað mér húsið minna kössótt að utan, satt, en kofaskriflin sem það mun koma í stað fyrir eru ekkert til að gráta.  Vegashúsið?  Mana hvern sem er til að segja að það sé betra en vinningstillagan!  Fáfnishúsið, já, mikil sorg þegar það fýkur.  Nóta bene, eitt nítjándualdarhús á svæðinu - og það fær að standa.

Helga, Listaháskólinn mun standa frá Laugavegi og langt niður fyrir Hverfisgötu.  Verður veruleg lyftistöng fyrir allt svæðið.  

[Lára Hanna Einarsdóttir, 27.7.2008 kl. 22:35]

Þetta blessaða listaháskólahús er bara svo helvíti ljótt burtséð frá öllum götumyndum! 

Sjáið hvað þessi hjón voru að gera hér. Passar kannski ekki alls staðar en afburðasnjallt að prófa hvernig þetta virkar í nútímanum. Mig dauðlangar að sjá...  

[Sigurður Þór Guðjónsson, 27.7.2008 kl. 22:40]

Ekki hef ég minnst á 19. aldar götumynd. En ég leyfði mér að vísa til hinna fabulous fifties sem mér finnst vera hin eina sanna borgarmynd sem ekki megi hrófla við. Vinir mínir, sem vita hvílíkur uppreisnarseggur ég er á flestum sviðum, segja að þetta sé afturhaldsmeinloka og ekki neita ég því svo sem. Í borgarmálum er ég bernskuhagasinnaður og má það alveg. Ég skil ekki þá sem vilja rústa og róta öllu því sem er gamalt og gott. En mun óláns listaháskólinn þá blokkera Hverfisgötuna, flottustu og óbreyttustu götu bæjarins?  Ég get svo ómögulega skilið að listin sé neins konar lyftistöng fyrir eitt eður neitt! Og kemur þá ekki Mali í þessum skrifuðu orðum upp í fangið á mér með listrænum skotttilburðum!

[Emil Hannes Valgeirsson, 27.7.2008 kl. 22:43]

Ef þetta er arkitektúrinn sem kenndur er í skólanum þá er kannski íhugunaratriði að leggja bara skólann niður. Nei annars ... segi það nú ekki alveg. Ég skrifaði reyndar um að skólann mætti reisa á gömlu Hampiðjulóðinni en RÚV er heldur ekki búið að vitna í þau skrif, sem er auðvitað algerlega óskiljanlegt.

[Hólmdís Hjartardóttir, 27.7.2008 kl. 22:50]

Þetta Listaskólahús finnst mér fallegt en það passar engan veginn við Laugaveginn........af hverju ekki að reisa það í Laugardalnum til móts við Glæsibæ....þar myndi það sóma sér vel

[Sigurður Þór Guðjónsson, 27.7.2008 kl. 22:50]

Þá held ég nú að gamla góða Hampiðjan, sem allir borgaarbúar á mínum aldri unnu einhvern tíma í, ég á enn stolinn hnífsdálk úr Hampiðjunni frá the sixties, hafi nú verið ólíkt merkilegra hús en einhver listaspírulágskóli!

[Sigurður Þór Guðjónsson, 27.7.2008 kl. 23:01]

Sammála Láru Hönnu! Og Hallgrími Helgasyni í grein í Fréttablaðinu. Skítt með 19, öldina! 

[Þorsteinn Briem, 27.7.2008 kl. 23:26]

Reykjavíkurborg gaf Listaháskólanum í fyrra 11 þúsund fermetra lóð sunnan við Öskju, náttúrufræðihús Háskóla Íslands, í Vatnsmýrinni.

http://www.mbl.is/mm/frettir/innlent/2007/05/07/listahaskolinn_faer_lod_i_vatnsmyri/

Listmenntaskóli Íslands, skóli á framhaldsskólastigi, verður trúlega í húsnæði Háskólans í Reykjavík við Ofanleiti 3, en hann flytur þaðan í Vatnsmýrina eftir tvö ár.

Í starfshópi sem vinnur að því máli eru meðal annarra Kristín B. Björgvinsdóttir hönnuður, Kristján Jónsson myndlistarmaður, Sigrún Hjálmtýsdóttir söngkona, María Ellingsen leikkona, Ingibjörg Pálmadóttir arkitekt og Árni Heimir Ingólfsson dósent við Listaháskóla Íslands.

http://morgunbladid.blog.is/blog/morgunbladid/entry/564177/

[Ásgeir Kristinn Lárusson, 27.7.2008 kl. 23:27]

Sko - lausnin á þessu öllu er eftirfarandi:

Listaháskólinn flytur í Útvarpshúsið í Efstaleiti og í leiðinni verður Ríkissjónvarpið lagt niður. Ríkisútvarpið hins vegar verði flutt í upphafleg húsakynni, þ.e. í Landssímahúsið v/ Austurvöll, efstu hæð. Málið leyst!

[Hildigunnur Rúnarsdóttir, 28.7.2008 kl. 00:01]

Ég vil bara endilega fá skólann á Laugaveginn, er ekki alltaf verið að tala um deyjandi miðbæ og ef það er eitthvað sem lífgar við er það háskólabygging, opin almenningi, fullt af lífi, fullt af fólki.  Vinsamlegast hættið að benda á aðra staði!  Efstaleiti?  þvuh.  Hampiðjureitur - ekki nógu nálægt og þar fyrir utan búið að ráðstafa plássinu.

 Listaháskólinn mun ekki blokkera Hverfisgötu, ónei, þó að plássið fyrir neðan götuna sé frátekið fyrir skólann eru að ég best veit engin plön um neinar blokkeringar, nemendur, kennarar og aðrir starfsmenn skólans þurfa bara að fara yfir götuna eins og aðrir.

Enn hefur enginn sagst gráta Vegas og Fáfni.  Lýsi enn eftir kandídötum.

Steini, verulega gamlar fréttir (og reyndar aldrei í alvöru inni í myndinni).  Lóðin í Vatnsmýri var látin í skiptum fyrir Laugavegs/Hverfisgötu/Frakkastígsreit fyrir löngu síðan.  Árni Heimir skipar ekki lengur dósentsstöðu við LHÍ, heldur er nú listrænn stjórnandi Sinfóníuhljómsveitarinnar (man ekki nákvæmt starfsheiti).

[Edda (IP-tala skráð) 28.7.2008 kl. 00:34]

Kæri S.Þ.G.   Ég er algjörlega sammála þér með skólann í þessari mynd - á þessum stað.... en hins vegar líst mér vel á að skólinn verði á þessum stað.. í "aðlagaðri götumynd". Það þarf að aðlaga þessa byggingu MIKLU betur að gömlu götumyndinni þarna.

Ég held að öðlingurinn L.Þ. hafi ekki bara þarna verið að lýsa þér og háttvirtum frænda þínum, heldur einnig, og ekki síður sjálfum sér!!

Ljúfmennið með fallegustu brúnu augu í heimi, sem að elskuleg kona hans Inga, mun örugglega sakna um aldir og æfi.  Heil sé þeim báðum!

K.kv.

[Sigurður Þór Guðjónsson, 28.7.2008 kl. 00:38]

Ég hef annars tekið eftir því að afstaða manna til nýrra bygginga fer fremur eftir því hvort starfsemin i húsinu hugnast þeim en mati á götumynd og skipulagi út af fyrir sig.

[Sigurður Þór Guðjónsson, 28.7.2008 kl. 00:40]

Edda: Já, Leifur var fínn maður og einn af þessum ofurnæmu sem sér í gegnum holt og hæðir í mannlífinu. Þess vegna þurfti líka að umgangast hann með varúð eins og reyndar allt fólk þó það gleymist oft.   

[Edda (IP-tala skráð) 28.7.2008 kl. 00:55]

NÁKVÆMLEGA       K.kv.

[Malína (IP-tala skráð) 28.7.2008 kl. 00:59]

Mér líst ágætlega á tillögu sem ég sá á einhverri bloggsíðunni í dag (man ekki hvar):  Að setja Listaháskólann undir Svörtuloft í stað Seðlabankans - og flytja Seðlabankann til Ísafjarðar!

Með því má rota margar flugur í einu höggi...

[Þorsteinn Briem, 28.7.2008 kl. 01:15]

Hildigunnur. Þetta eru nú ekki "verulega gamlar fréttir", frétt frá því í fyrra um að Listaháskólinn hafi fengið lóð í Vatnsmýrinni. Nóg er nú plássið þar og engan veginn verra að hafa Listaháskólann í Vatnsmýrinni en á Laugaveginum.

Örugglega mun minna rifist um þá staðsetningu en þá við Laugaveginn. Í Vatnsmýrinni verður Háskólinn í Reykjavík með tvö þúsund nemendur og Háskóli Íslands er nú með þrettán þúsund nemendur, en reyndar ekki alla í Vatnsmýrinni.

Fréttin um Listmenntaskóla Íslands í núverandi húsnæði Háskólans í Reykjavík er heldur ekki "verulega gömul", einnig frá því í fyrra. Og það mál er í beinum tengslum við byggingu Listaháskólans, þar sem meirihluti nemenda í Listmenntaskólanum mun væntanlega fara í Listaháskólann.

Sjálf geturðu verið "verulega gömul"! Piff!

[Þorsteinn Briem, 28.7.2008 kl. 02:43]

Þrettándi hún er þunnur,
og þrasgjörn Hildigunnur,
elli hún er ær,
ekki frá í gær,
málóður hennar munnur.

[Steinn Skaptason (IP-tala skráð) 28.7.2008 kl. 04:32]

Sammála Sigurði.

Burt með þessa óþörfu glerkassa hörmung og planta mætti henni niður á eintthvert opið svæði utan 101 Reykjavík eða finna mætti eitthvert stórt iðnaðarhúsnæði undir þessa starfsemi  

[Sigurður Þór Guðjónsson, 28.7.2008 kl. 09:00]

Er allt sexappíl, sem var svo áberandi í umræðunni framan af, horfið úr þessum listræna herpingi sem nú hertekið hefur umræðuna. Listin og sexið er nú einu sinni sitt hvor hliðin á sama teningi eða kannski öllu fremur sami grautur í sömu skál. 

[Þorsteinn Briem, 28.7.2008 kl. 11:24]

"Lóðin í Vatnsmýri var látin í skiptum fyrir Laugavegs/Hverfisgötu/Frakkastígsreit."

Makalaus hennar makaskipti,
og meydóminum Sigga svipti,
æði þar ær,
öldruð mær,
en passlega Borghildur pilsum lyfti.

[Sigrún Jóna (IP-tala skráð) 28.7.2008 kl. 11:52]

Greinin er góð. Og íbúar borgarinnar eiga að ráða hvort þessi bygging er nógu "sexí" fyrir Laugaveginn. Engir aðrir. Hvorki skólastjórinn eða þessi sem þið talið um sem sexí skrækróma konu

En við sem munum þurfa að berja útlit götunnar, augum og vera svo í framtíðinni dæmd af gjörðum okkar, við eigum að ráða.

Þið vitið að engir ráðamenn taka á sig mistök eða aðrar misgjörðir í starfi.

[Sigríður Jósefsdóttir, 28.7.2008 kl. 12:16]

Það er örugglega gott mál að fá Listaháskólann í miðborgina.  Ég auglýsi hér með eftir arkitektinum sem teiknaði hótelið í Aðalstrætinu (við hliðina á Fógetanum).  Að öðru leyti er ég bara sammála Steina Briem......  Já, og Seðlabankann má endilega flytja eitthvert til Langtíburtistan (ekki til Ísafjarðar, þeir hafa ekkert gert af sér þar).

[Malína (IP-tala skráð) 28.7.2008 kl. 13:55]

Sigurður, ég held þú verðir að skrifa djúsí erótískan pistil til að ná aftur sexappílinu í umræðurnar!

Ég bíð spennt...

(Vona að ég þurfi ekki að bíða jafnlengi eftir honum og ég hef beðið eftir Truntusól II - heil 35 ár!).

[Þorsteinn Briem, 28.7.2008 kl. 14:57]

Frábært að gera upp húsin á Laugavegi 4 og 6, enda eru þau upprunalega frá 19. öld (1871 og 1890) og sjálfsagt mál að fokka upp Tjarnarkvartettinum vegna þeirra.

Vegas á hins vegar að fara á ruslahauga mannkynsins ásamt þeim sem þar stóðu fyrir viðbjóðslegum píkusýningum og reittu fé af saklausu fólki sem þar tíndist inn í leit að þjóðlegum fróðleik og menningu.

Til að þjóna listagyðjunni og borgarfulltrúa Framsóknarflokksins, sem vill hafa hinn nýja Listaháskóla opinn í báða enda, legg ég til að framhlið skólans líti út eins og gígantísk kvensköp en afturendinn við Hverfisgötu hafi ásýnd gríðarmikils kvenrass og góð loftræsting verði þar í millum.

[Sigurður Þór Guðjónsson, 28.7.2008 kl. 16:50]

Vek athygli á grein um nýbyggingu Listaháskólans eftir formann Torfusamtakanna á bls. 23 í Mogganum í dag.

[Sigurður Þór Guðjónsson, 29.7.2008 kl. 12:38]

Í dag er svo í Mogganum greinin Hernaður gegn Listaháskóla þar sem höfundur gerir lítið úr öllum sem hugsa öðru vísi en hann sjálfur. Við höfum lítið með slík sjónarmið að gera. Þeir sem eru á móti þessari verðlaunateikningu eru það af skipulagsástæðum en ekki vegna þess að menn séu í hernaði gegn Listaháskólanum sem slíkum.  

[Malína (IP-tala skráð) 29.7.2008 kl. 12:48]

Það gagnar lítt að vísa í Moggagreinar fyrir okkur aumingjana sem hentum Moggaáskriftinni okkar út í reiðikasti snemma á þessu ári.

Hrrmff grrrr &#"&%ÖÖ!#$$&..

[Hildigunnur Rúnarsdóttir, 29.7.2008 kl. 21:25]

hehe, fréttir frá í fyrra voða nýjar fréttir að mati Steina   Spurning um hver er orðinn elliær og tíma farið að slá saman...

[Þorsteinn Briem, 29.7.2008 kl. 22:15]

Hildigunnur. Þetta er ekki spurning um "nýjar fréttir", heldur það að fólk er fljótt að gleyma, til dæmis því að það er ekki lengra síðan en í fyrra að Listaháskólinn fékk lóð í Vatnsmýrinni. En nú er verið að rífast um staðsetningu hans og útlit við Laugaveginn.

Það er hins vegar næsta víst að ekki hefði verið rifist mikið um útlit Listaháskólans hefði hann verið reistur í Vatnsmýrinni, ásamt til dæmis Háskólanum í Reykjavík, og ég hef ekki orðið var við að þvargað hafi verið um útlit þess skóla. Hins vegar þykir mér allt í lagi að Listaháskólinn verði við Laugaveginn.

Sem blaðamaður á Mogganum skrifaði ég bæði fréttir og svo fréttaskýringar, þar sem litið var til baka og rifjað upp hvað leiddi til ákveðinna atburða sem voru þá ný frétt. Upprifjunin og "nýja fréttin" eru jafnmikilvæg í fréttamennsku en því miður hafa blaðamenn ekki mikinn tíma fyrir upprifjanir. Ég þurfti aldrei að leiðrétta frétt sem ég hafði skrifað og ég var hér að vísa til þess sem skrifað hafði verið um þessi mál á mbl.is.

[Hildigunnur Rúnarsdóttir, 30.7.2008 kl. 00:13]

jájá, ég veit það svo sem.  Gamlar fréttir þykja mér úreltar fréttir, það var alla tíð vitað innanhúss að skólinn yrði ekki byggður í Vatnsmýrinni, það var ekki nokkur áhugi fyrir því. Sú frétt úreltist í raun áður en hún var skrifuð.

Ég er satt að segja algerlega sammála þér, ég vil endilega að Listaháskólinn verði við Laugaveg, en mér finnst þessi tillaga hreint ekki falleg að utan, myndirnar innan úr skólanum eru hins vegar mun flottari.  Ég held ég hafi hvergi skrifað (hvorki hér fyrir ofan né annars staðar) að ég sé hrifin af þessu útliti - bara að húsin sem það mun koma í staðinn fyrir eru ekkert til að gráta, þótt þau fari.  Sannarlega mætti hafa byggingarstíl og hefðir miðborgarinnar meira í huga en að byggja eitt ferkantað skrímsli til - og það þótt kantarnir séu margir.

Varnarstaðan er miklu fremur gagnvart þeim sem vilja skólann annars staðar.

Ég kenni við LHÍ og vil veg hans sem mestan, auðvitað.  En ég er líka miðborgarbúi (gaaah, listaspíra sem býr í 101 ) og horfi á Laugaveginn minn grotna niður.  Þykir verra en tárum taki.  

[halkatla, 30.7.2008 kl. 03:04]

valdamenn Íslands striplast um í Nauthólsvíkinni í stað þess að sitja þægir við sín skrifborð takandi heilbrigðar ákvarðanir, þótt sumir þeirra séu óneitanlega skelfilega brennheitir (gospelið um HB er búið að sannfæra amk mig og sennilega sjálfa Malínu ) þá er þetta nú orðið ágætis rugl - ég meina það er nóg pláss fyrir þennan skóla annarsstaðar, örugglega mjög auðvelt að finna betra svæði...

p.s ef ég má vera með frekju þá vil ég nefna að saklausari blogg en þetta hafa orðið sóðatalsmáta af ýmsu tagi að bráð I´m just sayin´... það er best að vera á verði

[Þorsteinn Briem, 30.7.2008 kl. 03:40]

Hildigunnur. Húsin á Laugavegi 4 og 6 eru upprunalega frá 19. öld (1871 og 1890), skrifaði ég hér fyrir ofan, og það er að sjálfsögðu meira en 100 ára gömul "frétt" en aftur á móti staðreynd, sem vert er að halda til haga. Einnig að Listaháskólinn hafi fengið lóð í Vatnsmýrinni í fyrra, því hann hefði vel getað verið þar og þá hefði að öllum líkindum ekki verið rifist um útlit hans, eins og ég benti einnig á hér að ofan.

Á Vatnsmýrarsvæðinu verða meðal annars Háskóli Íslands, nú með þrettán þúsund nemendur, Háskólinn í Reykjavík, nú með tvö þúsund nemendur, um tvö þúsund starfsmenn þessara tveggja háskóla, um fjögur þúsund starfsmenn nýs Landspítala, nýuppgert Þjóðminjasafnið, ný Umferðarmiðstöð, Hótel Loftleiðir, stúdentagarðar, nýuppgert íþróttasvæði Vals á Hlíðarenda, ný bensínstöð, Keiluhöllin, Nauthólsvík, Norræna húsið, Íslensk erfðagreining og Reykjavíkurflugvöllur næstu sextán árin.

Allir þetta fólk þarf á verslun og þjónustu að halda á Vatnsmýrarsvæðinu og samtals munu því starfa þar eftir örfá ár um 25 þúsund manns, jafnmargir íbúum Hafnarfjarðar nú. Þar að auki búa þúsundir manna í og við Vatnsmýrina. Að sjálfsögðu kom því vel til greina að Listaháskólinn yrði einnig á þessu svæði.

Ef hann hefði verið byggður í Vatnsmýrinni hefði ekki þurft að rífa nein gömul hús og húsnæði er fljótt að verða alltof lítið. Nægir þar að nefna húsnæði Háskólans í Reykjavík, sem flytur, nú einungis tíu ára gamall, vegna plássleysis í Nýja miðbænum í Vatnsmýrina eftir tvö ár, og Moggann sem flutti upp í Hádegismóa eftir aðeins þrettán ár í Nýja miðbænum. Og slíkt hefði nú ekki hvarflað að Moggamönnum fyrir einungis fimmtán árum.

Að öllum líkindum þarf því fljótlega að rífa enn fleiri hús vegna nýja Listaháskólans, því þar er nú einungis gert ráð fyrir um 600 nemendum og starfsmönnum. Regnboginn við Hverfisgötu og fleiri hús þar í kring verða því trúlega rifin eftir nokkur ár og vandséð hvernig á að láta hús, sem verður að vera stórt, líta út fyrir að vera lítið innan um gömul hús frá 19. og 20. öldinni við götu sem er fyrst og fremst gömul verslunargata.

[Hildigunnur Rúnarsdóttir, 30.7.2008 kl. 10:12]

Ég veit ekki til þess að húsin við Laugaveg 4-6 komi Listaháskóla Íslands nokkurn skapaðan hlut við. 

Listaháskólinn er ríkisskóli og er þess vegna hreint ekki undir sömu sök seldur og Háskólinn í Reykjavík, sem hefur mátt vaxa að vild.  Við í tónlistardeildinni þurftum til dæmis að hafna mörgum hæfum nemendum í haust, aðsóknin var frábær en við höfum stífan kvóta.  Skólinn hefur síðan einnig vilyrði fyrir lóðum fyrir neðan Hverfisgötu til að stækka.  

Litla verslunargatan þín stendur að þínu mati væntanlega sjálf, með litlum húsum og litlum verslunum eingöngu.  Hefur þú GENGIÐ götuna nýlega, Steini?  Það geri ég nær daglega.  Fullt af litlu húsunum og litlu verslununum standa tóm, sum með auglýsingum um laust pláss, sum með krossviðarflekum um sig öll.  

Ég vil sannarlega frekar fá eitt og eitt stórt hús þarna en að þessi þróun haldi áfram.  

Ég endurtek:  Sérðu eftir Vegashúsinu?  Fáfniskofanum?   Vínbershúsið er það eina á öllu þessu svæði sem mér finnst þess virði að halda í.  En það er alltaf spurning um minni hagsmuni fyrir meiri.

[Þorsteinn Briem, 30.7.2008 kl. 12:35]

Hildigunnur. Síðasti borgarstjórnarmeirihluti, Tjarnarkvartettinn, sprakk vegna 19. aldar húsanna á Laugavegi 4 og 6, en 19. aldar hús eru örfá á Laugaveginum. Níu hús eru á reit nýja Listaháskólans, þar af tvö 19. aldar hús, Laugavegur 41 og 45. Húsafriðunarnefnd hefur lagt til að húsið á Laugavegi 41 verði friðað og gert er ráð fyrir að það standi áfram.

Og að sjálfsögðu verður að skoða þetta mál í samhengi, bæði hvað varðar tíma og rúm, eins og önnur skipulagsmál.

Ég fer einnig daglega í gamla miðbæinn, eins og ég sagði nýlega á blogginu hans Ómars Ragnarssonar, formanns Íslandshreyfingarinnar sem Ólafur F. Magnússon borgarstjóri er félagi í, og veit nákvæmlega hvernig staðan er á Laugaveginum. Á undanförnum árum hafa mörg hús verið rifin þar og ný byggð í þeirra stað, flest ef ekki öll steinsteypukassar og sum þeirra nokkuð stór:

http://veffari.blog.is/blog/veffari/entry/161932/

http://www.laugavegur.net/

Alltaf er mikið líf á Laugaveginum og þar munu verslanir koma og fara eins og annars staðar í borginni. Ásýnd Laugavegarins og Skúlagötunnar er allt önnur nú en hún var fyrir einungis fimmtán árum og ásýnd Lækjargötu og Austurstrætis við Lækjartorg verður einnig allt önnur eftir örfá ár með endurgerð 19. aldar húsanna sem stóðu á þeim reit.

Allt svæðið við gömlu höfnina kemur einnig til með að líta allt öðru vísi út eftir nokkur ár, verið er að rífa gömlu Stálsmiðjuna og Ziemsen-húsið, 19. aldar hús sem stóð við Hafnarstræti, verður flutt síðar í sumar á Grófarreitinn í gamla miðbænum.

Nýja tónlistarhúsið við gömlu höfnina verður mörgum sinnum stærra en Borgarleikhúsið og þar verður einnig risið hótel og nýjar höfuðstöðvar Landsbankans eftir örfá ár.

Gríðarlega mikið líf er því í gamla miðbænum nú þegar, hundruð verslana og veitingahúsa, og það verður mun meira eftir örfá ár, hvort sem Listaháskólinn verður þar eða ekki. Þar að auki er þar einn af stærstu útiskemmtistöðum heims um helgar og í gamla miðbæinn koma flestir þeirra erlendu ferðamanna sem koma til landsins, nú um hálf milljón á ári.

Og að sjálfsögðu þarf að rífa enn fleiri hús vegna nýs Listaháskóla á milli Laugavegar og Hverfisgötu. Þar verða ekki lengi 600 nemendur og starfsmenn, eins og nú er gert ráð fyrir, nemendur í leiklist, myndlist, hönnun og arkitektúr, greinum sem eru mjög ört vaxandi. En að sjálfsögðu munu margir íslenskir nemendur einnig stunda nám erlendis í þessum greinum.

Ég sagði hins vegar ekki að Listaháskólinn gæti ekki verið við Laugaveginn, einungis að hann gæti allt eins verið í Vatnsmýrinni og örugglega mun minna rifist um útlit og staðsetningu hans þar en við Laugaveginn.

[Hildigunnur Rúnarsdóttir, 30.7.2008 kl. 19:04]

Greinilega í afneitun, allt í fína í miðbænum, já.  Sem betur fer er hann ekki steindauður en ég held samt að sú staðreynd - þó ég sé ekki mikil MacDonaldsæta - að þetta er eini miðbærinn sem ég veit um, kannski fyrir utan Þórshöfn í Færeyjum, þar sem slíkur staður þrífst ekki

[Þorsteinn Briem, 30.7.2008 kl. 20:45]

Hildigunnur. Elskan mín, McDonald's þreifst bara vel í Hressingarskálanum í Austurstræti. "16. júní 1995 opnaði ... McDonald's-staður sem var rekinn í húsinu til 2003." Og átta ár eru nú bara nokkuð góður líftími veitingahúss:

http://is.wikipedia.org/wiki/Hressingarskálinn

Alltaf hálfur annar hellingur þar af starfsfólki og viðskiptavinum þegar ég fór þangað gangandi með son minn, sem mun að öllum líkindum stunda nám í Leiklistardeild Nýja Listaháskólans, ef þú ætlar ekki að ofsækja hann þar og alla Briemsættina í ofanálag.

Það er nú þegar ljóst að þessi hlunkur á milli Laugavegar og Hverfisgötu verður strax alltof lítill, því þar er einungis gert ráð fyrir 600 nemendum, kennurum og öðrum starfsmönnum. Þessi mannskapur allur er nú þegar um 500 manns, þar af um 400 nemendur í tónlist, leiklist, myndlist, hönnun, arkitektúr og kennsluréttindanámi. Umsækjendur um allt þetta nám voru um 600 haustið 2005 og þá fékk einungis tæplega þriðjungur skólavist:

http://www.lhi.is/media/skjalasafn/umlhi/tolfradi_2005-2006.pdf

Myndlist      Arkitektúr      Fatahönnun    Grafísk hönnun     Vöruhönnun     Leiklist - fræði og framkvæmd     Leiklist - leikaranám     Dans     Tónlistarfræði     Hljóðfæraleikur/söngur  Tónlistarkennsla    Tónsmíðar     Hljóðfæraleikur/söngur (diplóma)    Kennslufræði (diplóma á meistarastigi)