Horft vongóður fram á veginn

Mér segist svo hugur um að ég eigi aldrei eftir að líta glaðan dag!

Svo held ég  líka að ég eigi ekki langt eftir.

Loks er ég handviss um að ég á eftir að fara til helvítis.

Þunglyndi? Ó,nei, ekkert svoleiðis væl! Bara ískalt raunsæi.  

Athugasemdir

[Þorsteinn Briem, 8.8.2008 kl. 18:44]

Þessu hefur verið komið á framfæri í Kína.

[Þráinn Bertelsson (IP-tala skráð) 8.8.2008 kl. 18:50]

Þú, Sigurður, sem allt veist, veistu nokkuð hvaða skáld það var sem skrifaði hinar sönnu og ódauðlegu línur:

"Það bjargast ekki neitt. Það ferst. Það ferst."?

Ég spyr af því að mér sýnist liggja fremur þokkalega á þér núna sem ber vott um ákveðið kæruleysi.

Bestu kveðjur,

Þráinn

[Sigurður Þór Guðjónsson, 8.8.2008 kl. 19:24]

Þráinn og aðrir sem málið varðar: Við Mali erum komnir í ólympískan fíling!

[Yngvi Högnason, 8.8.2008 kl. 20:52]

Það er betra að lotta áður en maður fer.

[Malína (IP-tala skráð) 8.8.2008 kl. 21:27]

Hvaða svartagallsraus er nú þetta?  Þú verður örugglega allra karla elstur - þú færð bara lánuð nokkur af níu lífunum hans Mala.  Er helvíti annars nokkuð til að forðast sérstaklega?  Mér skilst að þar sé svakalegt fjör.   Og hitabrækja eins og veðurdellukarlarnir vilja hafa það!

Ætlarðu svo að láta hann Mala horfa á allt ólympíska íþróttaofbeldið og steraboltana í Kína?!  Ekki góðar fyrirmyndir fyrir ungketti.

Og Þráinn:  Farðu svo að blogga aftur!  Þetta er orðið nógu langt sumarfrí!

[alva (IP-tala skráð) 8.8.2008 kl. 23:32]

[María Kristjánsdóttir, 8.8.2008 kl. 23:50]

As the 2008 Summer Olympic Games open in Beijing, we speak with sportswriter Dave Zirin. “This is the Olympics the West wanted: games where the grandest prize is not a gold medal but a glittering entree to China’s seemingly endless army of potential consumers,” writes Zirin. “This is the reason that George W. Bush will attend the opening ceremonies, the first U.S. President to do so on foreign soil.”

Geri ekki ráð fyrir að þú hafir verið á tónleikunum hjá Clapton- eða hvað.? Las þetta í kvöld á Democracy now- gat ekki stillt mig um að senda þér það. 

[Sigurður Þór Guðjónsson, 9.8.2008 kl. 00:07]

Samt horfi ég enn vongóður fram á glötunarveginn.

[Sigurður Þór Guðjónsson, 9.8.2008 kl. 00:43]

Það skrýtna er að ég hef alltaf verið heillaður af ólympíuleikunum. Mér finnst mest gaman að fylgjast með gleði keppenda og áhorfenda.Sjaldan sér maður annað eins fólkskraðak frá eins mörgum lödnum. Það er líka alltaf svo góður andi meðal áhorfenda, aldrei nein sýnileg þjóðremba. Ég gleðst alveg með Kínverjum og skil stolt þeirra að fá að halda leikana. Hvað þá með keppendunum. En það er samt ekki auðvelt að ýta öllum vondum hugsunum burtu og njóta leikana í þetta sklipti.

[Hildur Helga Sigurðardóttir, 9.8.2008 kl. 02:29]

Mikið nákvæmlega skiljum við Skotta hugarástand ykkar Mala.

[Brjánn Guðjónsson, 9.8.2008 kl. 04:09]

skiljanlegt að Bush skelli sér til Kína. hann á svo mörg sameiginleg áhugamál með Kínverjum, þegar kemur að mannréttindamálum

[María Kristjánsdóttir, 9.8.2008 kl. 10:00]

Og svo er líka gott, þegar horft er, að minnast orða Vang Sjung Ling :

Menn háðu stríð hjá þessum mikla múr,

og minntust þess með drembilátu fasi.

Nú er sú fortíð fokið gulnað duft,

fallnar rústir og molnuð bein í grasi. 

(þ:H.H.) 

Í morgunsárið er líka sagt frá því í þýskum blöðum að þarlendir íþróttakynnar í Peking hafi kvartað sáran yfir því að í myndrænni frásögn opnunarhátíðarinnar úr sögu kínversku þjóðarinnar, hafi Maó verið þurrkaður út! 

[Sigurður Þór Guðjónsson, 9.8.2008 kl. 11:14]

María, öllu fer aftur!

[Svava frá Strandbergi , 9.8.2008 kl. 12:00]

Við sjáumst, þegar þar að kemur, í Hinu Efra.

[Jón Bragi (IP-tala skráð) 9.8.2008 kl. 16:58]

"Það bjargast ekki neitt. Það ferst. Það ferst" Þráinn, það orti að sjálfsögðu Steinn Steinarr.

Annars held ég Sigurður að þetta sé hárrétt mat hjá þér á ástandinu.

[Vilhjálmur Örn Vilhjálmsson, 9.8.2008 kl. 19:30]

Bjartsýnismaður í helvíti, er það ekki það sama og að vera Íslendingur.