Aftaníossi

Í dag flykkjast allir gleðimenn og gleðikonur bæjarins út á strætin og ráða sér ekki fyrir gleði.

Og þó ég eigi aldrei framar eftir að líta glaðan dag ætla ég samt að rölta í humátt á eftir þeim  eins og hver annar aftaníossi. 

Annars ætla ég að taka til í dag, sópa og og skúra og svoleiðis. Æ, það er svo leiðinlegt. Ég þarf að fara að fá mér góða og eftirláta konu sem þjónar mér ljúflega til borðs og sængurs. Hefur nokkur nokkuð við  það að athuga? 

Athugasemdabálkurinn er galopinn sem aldrei fyrr!

Athugasemdir

[Vilhjálmur Örn Vilhjálmsson, 9.8.2008 kl. 13:15]

Þangað til þú finnur hana, sendi ég þér Gay Song sem kínversk yfirvöld eru örugglega búin að reka burt úr Pekingborg.

[Sigurður Þór Guðjónsson, 9.8.2008 kl. 13:26]

Alltaf ert þú sannur vinur í raun Vilhjálmur!

[Júlíus Valsson, 9.8.2008 kl. 19:02]

Sigurður. Ég mæli með að þú lesir bókina "Stutt ágrip af sögu traktorsins á úkraísku eftir Marina Lewyc". Þar má finna ýmis trix við þunglyndi, bölsýni og kvennmannsleysi.

[Þorsteinn Briem, 9.8.2008 kl. 19:49]

Aftaní hann er ossi,
eins og rass á hrossi,
nú Siggi er úti,
sorrí með hrúti,
kynvilltum Gunnari Krossi.

[Malína (IP-tala skráð) 9.8.2008 kl. 19:56]

"Hefur nokkur nokkuð við  það að athuga?"

Þetta stuðar mig allavega ekkert - og á ég víst að heita kvenremba ein mikil og rokna skass.  Og kalla ekki allt ömmu mína í þessum efnum.  Hef m.a.s. verið kölluð femínistabelja.

Satt að segja hef ég verið að hugsa nánast það sama undanfarið:  Hvað mig vantar mikið kall til að ryksuga fyrir mig og klappa mér og strjúka  - og stjana við mig á alla lund.  Eða þannig.  Viðkomandi má vera aftaníossi!

Vona samt þín vegna að öfgafemínistarnir og hinir "pólitískt correctu" rekist ekki hingað inn!

PS.  Flott mynd hérna fyrir ofan!

[Sigurður Þór Guðjónsson, 10.8.2008 kl. 00:58]

Ætli bloggkerfið sé aftur að bila? Nú kemst ég hvorki inn á athugasemdir né bloggvini vegna internal error.

[Beturvitringur, 10.8.2008 kl. 02:00]

Getur verið að verið sé að senda þér díagnósu? Internal Error.

[Jón Steinar Ragnarsson, 10.8.2008 kl. 03:00]

Gott á meðan það er ekki internet Terror.  Ég held bara að þetta sé netveitan sjálf. Hún koxar stundum í stuttan tíma.  Það er einhver Thomson, sem sendir mér þau skilaboð.

[Sigurður Þór Guðjónsson, 10.8.2008 kl. 10:44]

Ég bíð eftir því að komast inn á athugasemdakerfið til að eyða þremur athugasemdum. Kritur milli manna finnst mér ekki eiga heima á öðrum bloggsíðum en þeirra eigin.

[Sigurður Þór Guðjónsson, 10.8.2008 kl. 12:15]

Þá er ég búinn að eyða þessum þremur kommentum sem mér finnst ekki eiga heima á minni síðu. Ég bið mína ágætu bloggvini og aðra sem hér gera athugasemdir vinsamlega að virða það að nota mína síðu EKKI til að vera í innbyrðis stríði. En þeir mega jagast í mér eins og þeir vilja!  

[Vilhjálmur Örn Vilhjálmsson, 10.8.2008 kl. 12:19]

Ertu farinn að ritskoða Sigurður?  Mér fannst ég sjá hér einhverjar myndir í morgun. Hvernig reynist Song? Er hann búinn að taka ísskápinn?

[Sigurður Þór Guðjónsson, 10.8.2008 kl. 12:42]

Gay Song var að hreinsa út kommentakerfið og var ekki vanþörf á en er löngu búinn með ísskápinn. Hér verður svo haldið uppi - kominn tími til - strangri siðgæðisvörslu þar sem öllum sora, klámi og guðlasti verður stranglega haldið utan dyra, ásamt öllum kinkylega kinky athugasemdum um menn og dýr, sér í lagi athugasmedum um rassgöt og önnur göt, hvers kyns sem þau annars eru. Alls konar svínarí verður líka haldið utan dyra. En kristilegur og ókristilegur kærleikur milli manna og milli manna og dýra ætti að vera í hávegum hafður hér á hjartahreinustu og saklausustu bloggsíðu sem enn hefur verið stofnuð fyrir ofan helvíti.  

[Vilhjálmur Örn Vilhjálmsson, 10.8.2008 kl. 13:21]

Já, sammála  Hvernig er veðrið í Reykjavík? Kaupmannahöfn er eins og Reykjavík í september. Rigningarsuddi dagen lang. Ég bíð eftir gulu blöðunum.

[Sigurður Þór Guðjónsson, 10.8.2008 kl. 13:28]

Hér er glaðasólskin og 14 stiga hiti! Ég er að fara upp í Öskjuhlíð.

[Malína (IP-tala skráð) 10.8.2008 kl. 16:32]

[Jenný Anna Baldursdóttir, 10.8.2008 kl. 16:47]

Skammastín og fáðu þér húsþjón.

[Sigurður Þór Guðjónsson, 10.8.2008 kl. 18:00]

Ef Mali bitvargur gæti nú komið að gagni!

[Svava frá Strandbergi , 10.8.2008 kl. 18:12]

Keyptu stígvél handa Mala, eins og Stígvélaði kötturinn var í. Þá uppfyllir hann allar þínar óskir.

[Sigurður Þór Guðjónsson, 10.8.2008 kl. 23:08]

Ég hef nú meira gaman að kanínustelpum!

[Vilhjálmur Örn Vilhjálmsson, 10.8.2008 kl. 23:30]

Skrítið þetta með Öskjuhlíðina. Ég fór oft þangað sem barn til að lesa Hávamál  og hitti þar Þórarinn Eldjárn, sem var að rannsaka Andrés Önd. Svo var mér sagt að þar gengi laus einhver dóni í frakka og allsber undir honum. Þá varð ég hræddur. Ég kom ekki þangað aftur fyrr en Davíð Oddson var búinn að byggja Perluna. Reyndar var ég beygður þar og kysstur sem busi í MH. Er þetta erótískur staður? Eða ganga menn þarna í hól?

[Sigurður Þór Guðjónsson, 11.8.2008 kl. 00:15]

Þegar ég átti heima í Hlíðunum var mikið talað um þennan frakkamann. Hann var alltaf yfirvofandi en sást þó aldrei. Ég held þetta hafi bara verið álfasaga. 

[halkatla, 11.8.2008 kl. 09:22]

ætlar þetta blogg nokkuð að verða gróðarastía fyrir andfemínísk viðhorf?

[Sigurður Þór Guðjónsson, 11.8.2008 kl. 11:27]

Já, rosalega held ég að frakkamaðurinn hafi verið andfeminískur og kinky! Á kinkyprófinu hjá doktornum held ég hann myndi fá 7777 kinkyleg kinky stig. Sick!  

[Vilhjálmur Örn Vilhjálmsson, 11.8.2008 kl. 12:47]

Ha, var frakkamaðurinn kona?

[Sigurður Þór Guðjónsson, 11.8.2008 kl. 13:35]

Vakna verðir Síons kalla! Samkvæmt þeim ströngu faría lögum sem gengið hafa í gildi um siðavendni í athugasemdum á þessari síðu er  ósiðlegum hugsunum stranglega refsað með aflimun sem metinn er hæfileg refsing fyrir óviðurkvæmilegar hugsanir og talsmáta fyrir fyrsta brot. So, beware!

[Vilhjálmur Örn Vilhjálmsson, 11.8.2008 kl. 15:27]

Meintir þú: "samkvæmt sharía lögum"?

[Sigurður Þór Guðjónsson, 11.8.2008 kl. 15:39]

Auðvitað ekki! Á minni síðu gilda hin afar ströngu og ófrávíkjanlegu faríalög sem gilda hvergi annars staðar! Sharíalögin eru bara ljúfar gælur í samanburði við þau! 

[halkatla, 12.8.2008 kl. 09:23]

Sigurður þó, ég var sko ekki að meina frakkamanninn þegar ég hneykslaðist...  

en vá, ha, best að passa sig að gagnrýna ekki of mikið - ég vil ekki fara fyrir faríadómstólinn

og það er bara eins gott að hann sé jafnréttissinnaðri en fjárans sharíaviðbjóðurinn!!! er hann það?

[Sigurður Þór Guðjónsson, 12.8.2008 kl. 11:10]

Þú varst þó ekki að meina bloggarann!  

[halkatla, 12.8.2008 kl. 11:41]

uuu nei... ()

[Sigurður Þór Guðjónsson, 12.8.2008 kl. 13:38]

Víst!

[halkatla, 12.8.2008 kl. 22:36]

ég segi ekki orð í viðbót nema hafa farísea viðstaddann!!

[Sigurður Þór Guðjónsson, 12.8.2008 kl. 23:40]

Farísear eiga ekki sjens gagnvart hinum ógurlegu faríalögum.