Dagbækurnar á netið?

Ég ætti kannski að setja dagbækurnar sem ég hef haldið síðan 3. maí 1962 inn á netið. Í þeim eru að vísu ekki leynimakk þeirra sem telja sig útvalda til að stjórna landinu, en ég get alveg lofað því að þar er æsilegt og hneykslanlegt efni; slúður, rógur, lastmælgi, illkvittni, trúnaðarsamtöl, leyndarmál annarra, guðlast og svakalegt klám.  

Nei annars, ég ætla ekki að gera þetta. Það er af því að ég er ekki gersneyddur tillitssemi í garð náungans. 

By the way: Ýmsir hafa lýst yfir áhuga sínum að erfa eftir mig dagbækurnar þegar ég hrekk upp af sem verður innan skamms sem betur fer. En ég ætla að brenna þær og sjálfan mig með.

Hér eru myndir af dagókunum mínum en lítið sést þarna  til dagbókanna síðustu 12 árin því þann tíma hefur hún verið tölvuvædd. 

Athugasemdir

[Jenný Anna Baldursdóttir, 18.8.2008 kl. 17:13]

Vó, spennandi.  Ertu á leiðinni út á land?

[Sigurður Þór Guðjónsson, 18.8.2008 kl. 17:21]

Af hverju spyrðu Jenný hvort ég sé á leiðinni út á land? Ekki svo ég viti.  

[Lára Hanna Einarsdóttir, 18.8.2008 kl. 17:30]

Ætli þetta sé ekki óskhyggja hjá Jennýju... þá hafði hún hugsað sér að brjótast inn hjá þér og stela dagbókunum. Hvað hún ætlar að gera við þær er mér hulin ráðgáta.

Nema hún ætli að birta þær... 

[halkatla, 18.8.2008 kl. 19:14]

dagbækur eru alltaf spennandi

[halkatla, 18.8.2008 kl. 19:15]

ok sumar meira en aðrar, en samt

[Malína (IP-tala skráð) 18.8.2008 kl. 19:28]

Síðan 1962!  Jeminn eini drengur - þú hefur þá vart verið kominn af skeiði brjóstmylkings þegar þú hófst dagbókarskrifin!  Ég er búin að gleyma, en hvað veltist um í hugum okkar svo ungum - hvor geirvartan er girnilegri, sú hægri eða vinstri?

Ég legg til að þú geymir dagbækurnar sem "nest egg" fyrir framtíðina.  Því miður þá þurfa margir að drýgja tekjurnar í ellinni og þá geta dagbækurnar komið sér vel fyrir þig.  Ég skal m.a.s. bjóða strax 10 millur í allan þennan leyndardóm.  Býður einhver betur - fyrsta, annað, þriðja - SLEGIÐ MÉR!

[Auður H Ingólfsdóttir (IP-tala skráð) 18.8.2008 kl. 19:31]

Þegar ég flutti fyrir fjórum árum pakkaði ég heilum slurk af dagbókum og sendibréfum í stóran kassa sem ég margvafði með límbandi og sagði öllum mínum nánustu að þetta mætti opna svona ca 50 árum eftir minn dauðadag...svona svipað og ýmis alríkisleyndarmál...

[Sigurður Þór Guðjónsson, 18.8.2008 kl. 19:38]

Ég heyrði í þér í útvarpinu Auður! 

[Júlíus Valsson, 18.8.2008 kl. 20:03]

..ég held að gengið á dagbókunum þínum hafi hækkað talsvert í dag Sigurður

[Anna Theodóra Rögnvaldsdóttir, 18.8.2008 kl. 20:18]

Auður: Farðu með þennan kassa í Borgarskjalasafnið; fólk óskar iðulega eftir því að skjalapakkar verði ekki teknir upp fyrr en eftir svo og svo langan tíma og það er auðvitað virt (en er ekki hálf öld fulllangur tími?).

Borgarskjalavörður hefur haldið stórmerkilegan kvennasögulegan fyrirlestur (sem ég hef að vísu ekki heyrt en heyrt af) um einkapappíra fólks, einkum kvenna, og afdrif þeirra.

Það er víst afar algengt að erfingjar brenni persónuleg sendibréf, dagbækur og slíkt -- heilu söfnin -- af misskilinni "tillitssemi" við þá látnu. Og tilhneigingin hefur líka verið sú, a.m.k.fram að þessu, að ekkert sem konur láta eftir sig sé í raun þess virði að geyma. (Nema viðkomandi hafi verið gift einhverju andans stórmenni og þá er hennar skjalasafn innlimað í hans).

Ef fólk vill ekki að neinir sjái t.d. gömul sendibréf eða dagbækur eftir sinn dag þá gerir það auðvitað gangskör að því sjálft að brenna þetta áður en það hrekkur uppaf!

Mér finnst það vægast sagt mikil tilætlunarsemi af Sigurði, húsbóndanum hér, að ætla að láta eitthvert bkásaklaust fólk úti í bæ sjá um að brenna heilu kúbikmetrana af rituðu efni (eflaust stórmerku) eftir sinn dag!

[Sigurður Þór Guðjónsson, 18.8.2008 kl. 21:03]

Nei, það hefur alltaf verið meiningin að ég brenni dagbækurnar áður en ég dey - og sjálfan mig með! 

Hitt er annað mál að mér finnst alveg óþarfi að vera að blanda einhverri kennapólitík í þetta mál.  

[Anna Theodóra Rögnvaldsdóttir, 18.8.2008 kl. 22:45]

Það var nú ekki ætlunin að vera ónotaleg. Og ég er ekki að mæla með að þú brennir eitt eð neitt, satt best að segja finnst mér það alveg fáránleg hugmynd. 

Staðreyndin er sú að færslan þín var skrifuð í hálfkæringi. Ég veit að þetta er allt í nösunum á þér, s.s. allt tal um að brenna dagbókasafnið, þannig að ég gat ekki stillt mig um að pota aðeins í þig.

[Anna Theodóra Rögnvaldsdóttir, 18.8.2008 kl. 22:47]

Nú! Svo þú ert búinn að eyða kommentinu þínu sem ég var að enda við að svara!

[Sigurður Þór Guðjónsson, 18.8.2008 kl. 23:05]

Já, ég áttaði mig á því að ég var með augnabliks nojaða viðkvæmni!  

[Jenný Anna Baldursdóttir, 19.8.2008 kl. 08:21]

Ég spurði Sigurður vegna þess að þá ætlaði ég að kíkja við hjá þér og lesa. Þess vegna setti ég hann þennan

[Lára Hanna Einarsdóttir, 19.8.2008 kl. 10:19]

Tekurðu öryggisafrit af þeim sem eru í tölvunni??? 

[Sigurður Þór Guðjónsson, 19.8.2008 kl. 11:28]

Það er eðli dagbókarskrifa að þau eru aðeins fyrir mann sjálfan. Þegar árin líða og þetta er orðið mikið magn fer maður að hugsa um hvað verði um þetta þegar maður deyr, ekki síst þar sem maður á engan lögerfingja. Manni óar við að hver sem er komist í þetta. Ég geri öryggisafrit af tölvubókunum og prenta reyndar út hvern mánuð að honum loknum og bind þá inn þegar komið er ár. Það fer bara svo lítið fyrir því miðað við það handskrifaða að það sést ekki í hillunum. Þær eru á neðri myndinni, lengst til hægri í svörtu bandi og sumar með gorma. En ég ætla samt að gera ráðstafanir til að eyða bókunum, skriflega og lögformlega. Þetta eru mín einkaskrif  og koma öðrum ekki við.

[Sigurður Þór Guðjónsson, 19.8.2008 kl. 11:32]

Já, í dagbókunum er t.d. hægt að sjá nöfnin á öllum stelpum sem ég hef verið skotinn í og auk þess nokkrar nafnlausar frá táningsárunum þegar vinsælt var að verða hrifinn af ýmsum fjarlægum huldukonum sem gengu fyrir horn um bæinn og breyttu lífi mans - og ávallt til hins verra. Eins og ég hef alltaf sagt:Konur eru mesti tilvistarvandi mannkynsins.

[Sigurður Þór Guðjónsson, 19.8.2008 kl. 11:37]

Fyrir unga stráka er jafnvel óhætt að segja að konur séu hin ógurlegasta náttúruvá. Svo er ég farinn að halda að það séu bara kerlingar sem koma inn á þessa bloggsíðu sem aldrei skyldi verið hafa og verður lögð niður í næsta mánuði þegar ég hef farið veðurhringinn um allt árið. Þá held ég að verði nú kerlingarvælið!

[Lára Hanna Einarsdóttir, 19.8.2008 kl. 11:40]

Þú myndir gera okkur öllum og sagnfræðingum framtíðarinnar mikinn greiða með því að gefa dagbækurnar út. Þú mátt ALLS EKKI eyðileggja þær.

Þú getur dundað þér við að endurskrifa þær - þ.e. taka út það sem er mest prívat og þú vilt ekki að birtist - og skilja eftir samtímalýsingu þína og upplifun á umhverfinu.

Svo áttu örugglega myndir sem passa við umfjöllunarefnið og úr þessu gæti orðið stórmerkileg heimild um samtíma þinn og umhverfi.

Þetta er áskorun. Tekurðu henni?

[Sigurður Þór Guðjónsson, 19.8.2008 kl. 11:52]

Ég myndi aldrein nenna aðp endurskrifa þessi ópsköp. Um flesta daga frameftir ævi voru margar ef ekki tugir blaðsðiðna um dag hvern. Og Hallgerður: Það er heilmikið um þig í dagbókinni árin 1971-72 og þú myndir aldrei koma inn á þessa síðu meira ef þú læsir það allt. Það er líka heilmikið um Hönnu Láru frá því um 1973 og hún myndi breutast í bitru ef hún læsi það. Mig minnir að einui sinni sé minnst á Jennýu fyrir mörgum árum þégar ég þurfti að tala við hana á vinnustað hennar. Ég lýsti í dagbókinni ío smástriðum hvað hún var sæt oig lekker. Je ræt!

[Sigurður Þór Guðjónsson, 19.8.2008 kl. 11:57]

Á Júlíus er skrifað soldið um frá Tjarnarbúðarárunum og ekki allt prenthæft. En um vesalaings Önnu Karen er ekki minnst á fyrr en dagbókin var orðin pen og stillt því hún var ekki fædd fyrr en dagbókarhöfundurinn var orðinn gamall og vitur. Á þessu má sjá að minnst er á alla merkustu samferðamenn vorra tíma í dagbókinni ógurlegu.

[Lára Hanna Einarsdóttir, 19.8.2008 kl. 11:57]

Siggi þó! Aldrei hefði ég trúað upp á þig að þú - af öllum - myndir ekki muna hvað ég heiti! Einn af mínum elstu vinum... 

En ef þú nennir þessu ekki sjálfur áttu að leyfa öðrum að gera það.

[Lára Hanna Einarsdóttir, 19.8.2008 kl. 11:58]

Og mér er alveg sama hvað þú skrifaðir um mig - ég á það örugglega allt skilið. En varla hefurðu sagt um mið að ég væri sæt og lekker eins og Jenný!

Á maður að muna eftir Júlíusi frá Tjarnarbúðarárunum?

[Sigurður Þór Guðjónsson, 19.8.2008 kl. 11:58]

Ég er orðinn svo gamall og vitur að ég er farinn að víxla nafninu hennnar Láru Hönnu sem í dagbókinni er bara kölluð Lára!

[Sigurður Þór Guðjónsson, 19.8.2008 kl. 12:04]

Júlíus var aðalgæinn í Tjarnarbúð árum saman. Og Lára var aðal skvísan! Ég var hins vegar aðal lúðinn.  

[Emil Hannes Valgeirsson, 19.8.2008 kl. 13:23]

Þetta er greinilega allt orðið mjög spennandi. Dagbækurnar ætti að gefa út strax og það í viðhafnarútgáfu.

[halkatla, 19.8.2008 kl. 13:27]

þið eruð öll svo miklir lúðar - samt eru þessar dagbækur án efa það æsilegasta sem skrifað hefur verið

[Sigurður Þór Guðjónsson, 19.8.2008 kl. 13:41]

Það er líka skrifað um það í dagbókinni þegar Emil gerði mér greiðann mikla. En ég hef víst aldrei skrifað um Auði af því ég hef aldrei kynnst henni en hún er ein af uppáhaldsboggurunum mínum, andlegt heilbrigði í bloggi  og fer ALDREI með rugl og bull eins og veður uppi í mínum bloggfærslum. Ætli ég minnist samt ekki á hana í kvöld. En nú er víst hægt að kalla þessa færslu dagbókarfærsluna miklu! 

[Lára Hanna Einarsdóttir, 19.8.2008 kl. 13:46]

Hvað segirðu um upplestur í útvarpið? Eða hér hjá mér og ég get birt kaflana sem framhaldssögu á blogginu - og/eða þú á þínu?

Það má finna æsandi titla eða yfirskrift fyrir hvern kafla.

[Sigurður Þór Guðjónsson, 19.8.2008 kl. 13:59]

Það er eitt með dagbókina. Ég skrifa mjög illa og þegar komið er svona fram á árið 1980 og þar á eftir get ég ómögulega lesið bókina! Ein manneskja, heilsulaus mjög, er þó á lífi sem getur brotist í gegnum híróglífrið. Tölvudagbókinn, sem byrjar 1. janúar 1996,  er hins vegar dulkóðuð og engar upplýsingar um einstaklinga eru persónugreinanlegar.

[Lára Hanna Einarsdóttir, 19.8.2008 kl. 14:06]

Þetta fara að verða mest spennandi dagbækur Íslandssögunnar... 

[Malína (IP-tala skráð) 19.8.2008 kl. 14:38]

Ég vona að það sé skrifað um mig sem eina af huldukonunum og femme fatal .  Það er svo rómantískt og spennandi!   Alveg eins og í gömlu bíómyndunum...

[Sigurður Þór Guðjónsson, 19.8.2008 kl. 15:29]

Ég veit alveg hver þú ert Helga. Þú ert ekki huldukona.

[Malína (IP-tala skráð) 19.8.2008 kl. 15:41]

Hefurðu séð mig?  Ég hef allavega aldrei séð þig nema á myndum - mér vitanlega.  Í alvöru talað - ég er ekki einu sinni viss um að ég myndi þekkja þig þótt ég mætti þér á götu.

[Auður H Ingólfsdóttir (IP-tala skráð) 19.8.2008 kl. 15:45]

Aldeilis fjörlegar umræður sem hafa skapast hér. Ég er auðvitað mjög montin ef ég kemst loks í þessar merku dagbækur.. Get samt lofað að það er nóg af rugli og bulli og umfjöllun um alls kyns andlegar krísur, ástarsorgir og fleira krassandi í dagbókunum sem eru límdar inni í kassa. Þess vegna eru 50 ár eftir dauðdaga algert lágmark - til að tryggja að flestir sem sé um skrifað séu örugglega líka komnir undir græna torfu eða a.m.k. orðnir elliærir...

[Sigurður Þór Guðjónsson, 19.8.2008 kl. 16:15]

Og svo það nýjasta: Uppgötvað hefur verið efni sem gerir fólk ósýnilegt. Útsendarar mínir hafa komist yfir þetta kinky stöff og þess vegna verðum við Mali héðan í frá ekki sýnilegir á götum bæjarins eða annars staðar. Hvað hér með kunngerist. Enga ábyrgð tökum við svo á ofsjónum annarra.

[halkatla, 19.8.2008 kl. 16:17]

 svona tillitssemi einsog Auður predikar er að mörgu leiti mjög fín en passar varla inní á tímum raunveruleikaþátta og slúðurblaða - þegar opinberun hverskyns leyndar- og hneykslismála þykir betra en gull

ef fólk höndlar ekki slíkt þá verður það bara að passa sig að gera ekki eitthvað sem ratar á síður dagbóka - annars verður hreinlega að gera dagbækur ólöglegar með öllu! 

[Malína (IP-tala skráð) 19.8.2008 kl. 16:48]

Nú man ég!  Þú ert sexý, gráhærði kallinn sem ég mætti á Laugaveginum um daginn!   Sá sem gékk um með svarta köttinn í fanginu.  Og ég get svo svarið það að ég kiknaði í hnjáliðunum og leið næstum útaf í tilfinningaæsingi við þessa mikilfenglegu sjón.   Altso, við það að sjá köttinn...  

[Svava frá Strandbergi , 21.8.2008 kl. 08:39]

Ég mæti á brennuna, elska brennuna á þjóðhátíð og þín hlýtur að ennþá mikilfenglegri.

[Júlíus Valsson, 28.8.2008 kl. 17:09]

...ekki brenna Tjarnarbúðarkaflanum