Klám og guðlast um aldur og og ævi

Í grein í Lesbókinni í dag segir Árni Matthíasson að það sem einu sinni sé sett á netið verði þar um aldur og ævi.

Ég hef heyrt þetta áður en skil samt ekki hvernig það má verða.

Setjum svo að ég skrifaði svo geðveikislegt klám og guðlast inn á bloggsíðuna mína að liði yfir hvern mann sem læsi það,  en svo tæki ég það bara út aftur og enginn hefði haft vit á því af skelfingu að taka afrit af því. Svo yrði sjálfu Moggablogginu lokað.

Yrði samt klámið og guðlastið mitt áfram á netinu um aldur og ævi. Hvernig þá?

Athugasemdir

[Arnar Óli (IP-tala skráð) 6.12.2008 kl. 18:59]

Ef að efnið er nógu lengi inn á netinu þá gæti það haldist inni lengi lengi lengi...

 Það er nefnilega tekið afrit af öllu internetinu reglulega - beleave it or not!

 Skoðaðu bara http://www.archive.org og fylltu inn einhverja vefslóð í innsláttargluggan "WayBackMachine"

 Mjög athyglisvert - en scary!

[Róbert Björnsson, 6.12.2008 kl. 19:16]

Bloggfærslur sem eru teknar niður innan einhverja klukkutíma ættu að hverfa...en ef einhver hefur komið inn á síðuna í gegnum Google leit þá hefur Google Cache tekið snapshot af vefsíðunni og geymir hana lengi lengi og ef einhver slær inn viðkomandi leitarorði er hægt að skoða afritið af síðunni þó svo þú sért löngu búinn að taka hana niður af þínum vef.

Google er semsagt með afrit af nánast öllum vefjum sem einhverntíma hafa verið leitaðir til þess að gera þá aðgengilega ef viðkomandi vefþjónn liggur niðri, t.d. vegna þungrar umferðar eða þegar sæstrengir bila etc.

[Róbert Björnsson, 6.12.2008 kl. 19:18]

En það er hvort eð er aldrei nóg af góðu guðlasti!

[Vilhjálmur Örn Vilhjálmsson, 6.12.2008 kl. 19:26]

Þar fór í verra. Þú ert bara stuck in cyberspace með öllum hinum fíflunum - algjörlega ódauðlegur!

[siggi (IP-tala skráð) 6.12.2008 kl. 19:29]

Hér er slóð á google streng, með öllum niðurstöðum sem tengjast síðunni þinni.   Undir hverri niðurstöðu er svo eitthvað sem heitir Cached, en það eru heil afrit af síðunni þinni geymd á google þjónum.  http://www.google.is/search?hl=en&q=site%3Ahttp%3A%2F%2Fnimbus.blog.is&btnG=Google+Search

Kær kveðja, og takk fyrir skrif þín.

Siggi

[siggi (IP-tala skráð) 6.12.2008 kl. 20:20]

Hér er svo mbl.is 6. desember árið 2000 http://web.archive.org/web/19980507193528/http://mbl.is/  . Svo er sem mig minni að Háskólinn sé með einhverja arkívumaskínu sem safnar íslenskum texta. 

[Sigurður Þór Guðjónsson, 6.12.2008 kl. 21:41]

Takk fyrir þessi ágætu svör.

[Hákon Jóhannesson (IP-tala skráð) 6.12.2008 kl. 21:56]

já það má auðveldlega má fletta upp gömlum síðum.

 http://www.archive.org/index.php

Sá um daginn að bjorgvin.is er í endurskoðun og breytingu.  En hér poppar hann upp sprellilifandi með síðusafnið sitt (eða hluta af því).

http://web.archive.org/web/*/http://bjorgvin.is  (2002 - Jan 2008).

Jan 2008: Hér prísar hann Sterka stöðu íslenskra banka og störf FME......

En það er ljóst að maður les þetta með öðrum augum en í byrjun árs.

17.1.2008
Sterk staða íslenskra banka
Undanfarið hefur gefið á bátinn í fjármálaheiminum í kjölfar lausafjárkreppu erlendis og undirmálslána í Bandaríkjunum. Í því umróti og lækkunar á mörkuðum hafa sjónir beinst að stöðu íslensku bankanna sem hafa á liðnum árum fjárfest af kappi erlendis og hefur umfang þeirra margfaldast á nokkrum árum. Staða þeirra er hinsvegar traust. Þeir standa vel og er lausafjárstaða þeirra prýðileg og fjármögnun þeirra allra lokið til lengri tíma. Ég hef ásamt mínu fólki í viðskiptaráðuneytinu fundað með fjölda manns á liðnum dögum um stöðu og horfur á fjármálamarkaði og stöðu fjármálafyrirtækjanna okkar. M.a. með stjórn Félags fjármálafyrirtækja og formanni stjórnar Fjármálaeftirlitsins. En Fjármálaeftirlitið og Seðlabankinn gegna lykilhlutverki við það að fylgjast með og kortleggja stöðuna. Niðurstaða þeirrar yfirferðar er sú að íslensku bankarnir standa vel. Þá bendir margt til þess að umróti loknu náist ágætt jafnvægi í íslensku efnhagslífi þar sem verðbólga er nálægt viðmiðunarmörkum Seðlanbanka, gengi krónunnar gangi hægt og jafnt niður og að vaxtalækkunarferli hefjist innan skamms. Því eru horfur um margt góðar og miklu skiptir að bæði athafnamenn og stjórnmálamenn haldi ró sinni og tali ekki aukin eða óþarfa ótta í stöðuna sem vissulega er viðkvæm enn um sinn. 

[Ásgeir Kristinn Lárusson, 7.12.2008 kl. 10:37]

"The Great Server" var í den kallaður Lykla-Pétur...;)