Þetta er orðið ferlega spennó

Ég býð með eftirvæntingu eftir því að víkingasveitin með alvæpni ráðist inn í Seðlabankann.

Það gefur augaleið að það verður að rýma svæði sem óbilgjarnir mótmælendur hafa á valdi sínu og neita að yfirgefa  þrátt fyrir fjölda áskorana, þar með talið einnar ríkisstjórnar. 

Ekki þori ég þó fyrir mitt litla líf, bloggandi undir nafni og allt hvað þetta hefur, að taka afstöðu til þessa þrákelknilegasta máls allra tíma en er bara að lýsa spennufíkn minni. 

Hvaða gas verður notað? 

Taugagas myndi henta einkar vel til að taka andófsmennina í bankanum algjörlega á taugum. Og svo væri bráðnauðsynlegt að nota líka rokna skammta af hláturgasi til að létta þjóðinni lundina. Ekki veitir af á alvörustundum. 

Helvíti er þetta annars orðinn mikill hasar og alveg ferlega spennó.

Ég get bara ekki beðið!

Athugasemdir

[Lára Hanna Einarsdóttir, 8.2.2009 kl. 01:16]

Æ, Siggi... nægir ekki bara hláturgasið? 

[Sigurður Þór Guðjónsson, 8.2.2009 kl. 01:21]

Kannski smávegis táragas? Þetta er nú sorglegra en tárum taki.  

[Jón Arnar, 8.2.2009 kl. 01:40]

"prumpugas" er eflaust besta vopnið þetta er að verða svo mikið prump að mar hættir að nenna að fylgjast með mikið lengur

[Jenný Anna Baldursdóttir, 8.2.2009 kl. 09:10]

Lífið verður skemmtilegra með hlátursgasi, notum það.

[Þráinn Jökull Elísson, 8.2.2009 kl. 10:14]

Ég mæli eindregið með piparúðanum.

[Ásgeir Kristinn Lárusson, 8.2.2009 kl. 11:37]

Eina málamiðlunin, sem Davíð samþykkir, er að styttu af honum verði komið fyrir á Arnarhól, sem þýðir að Ingólfur þarf að víkja...

[Sigurður Þór Guðjónsson, 8.2.2009 kl. 12:37]

Jóhann Ingi: Mikið er þetta einkennilegt orðalag: ''Ef þú Sigurður rægir þessa athugasemd mína''. Mér dettur ekki í hug að mótmæla þessari athugasemd, hvað þá ''rægja'' hana. Svo er reynda rmunur á því að vera ósammála einhverju og ''rægja'' það

[Bragi Sigurðsson, 8.2.2009 kl. 13:49]

Sniðugur leikur hjá þessum háu herrum, einn búinn að segja afsér, einn neitar að fara og einn svarar ekki. Ráðherra er nú komin með þrefalt mál og er í miklum vanda. 

[Eygló, 8.2.2009 kl. 13:54]

Ekki "rægi" ég það að hláturgas dygði best.

[Aðalbjörg Tryggvadóttir (IP-tala skráð) 8.2.2009 kl. 15:45]

Góður!

[Halla Rut , 8.2.2009 kl. 16:41]

Og á meðan allt gengur út á Davíð þá heldur Jón Ásgeir stjórnarsæti sínu, 3,3 á mánuði í laun, þyrlu og bíl. 

[Sigurður Þór Guðjónsson, 8.2.2009 kl. 17:24]

Var það ekki Páll Skúlason sem sagði (og kannski fleiri) að réttlæti væri aðalatriðið fyrir þjóðina. Það virðist vera ansi langt í það að réttlæti nái fram að ganga. Og það verður aldrei. 

[Malína (IP-tala skráð) 8.2.2009 kl. 18:27]

Það er búið að misbjóða svo réttlætiskennd íslensku þjóðarinnar undanfarið með fréttum af spillingu og siðleysi í viðskipta- og stjórnmálalífinu að það eru orðnar meiri og stærri fréttir ef einhver álpast til að vera heiðarlegur.

Það hefur verið að opinberast fyrir okkur íslensku þjóðinni að spillingin og siðleysið er normið í viðskiptum og pólitík hérna á Klakanum - en ekki undantekning.

Oj barasta...

[Malína (IP-tala skráð) 8.2.2009 kl. 19:09]

Og núna er karlpu........ úr Seðlabankanum enn einu sinni orðinn aðalfréttaefni dagsins.

Ennþá meira Oj barasta!

[Brynjar Jóhannsson, 8.2.2009 kl. 23:21]

Já þessi seðlabankaskríll er alveg óþolandi...

[María Kristjánsdóttir, 9.2.2009 kl. 08:22]

Gott ist tot- hvað sem hver segir!

[Sigurður Þór Guðjónsson, 9.2.2009 kl. 19:14]

Aber des Herrn Wort bleibet in Ewigkeit.

[Malína (IP-tala skráð) 9.2.2009 kl. 19:42]

Translation please - fyrir okkur heimskingjana!

[Sigurður Þór Guðjónsson, 9.2.2009 kl. 19:49]

En orð Drottins varir að eilífu.

[EE (IP-tala skráð) 10.2.2009 kl. 12:56]

"Ekki þori ég þó fyrir mitt litla líf - ".   Kannski hefðirðu getað mætt með grímu!?! 

EE elle