Komst upp um strákinn Tuma

En ef ekki hefði komist upp um hann hefði hann bara haldið fengnum og ekki skammast sín nokkurn skapaðan hlut. Svo skilar hann þessu í þrotabú.

Og söm er gjörðin hvernig sem reynt er að snúa sér út úr henni. 

Ætlar einhver að kjósa þennan flokk?

Það versta er að kannski eru aðrir flokkar ekkert skárri.

Jú, annars, heldur skárri.  

 

Skilað til lögaðila

Athugasemdir

[Jón Arnar, 9.4.2009 kl. 00:03]

er eitthvað sem heitir "skást" í þessum hringleik?  Pólítik er pólitík og spillingin á greiðan aðgang ef aurar eru á króknum

[Sigurður Þór Guðjónsson, 9.4.2009 kl. 00:12]

Já, ég þorði bara ekki að segja það almennilega.

[Salvör Kristjana Gissurardóttir, 9.4.2009 kl. 04:57]

Ég hugsaði einu sinni þannig að allir flokkar væru jafnspilltir. Ég var í Kvennalistanum sem ég taldi einhverra hluta vegna aldrei flokk, leit frekar á sem mannréttindahreyfingu.

Hins vegar er ég komin á þá skoðun að stjórnarháttum verður ekki breytt hér á landi nema í gegnum flokkana og við eigum öll sem höfum eitthvað fram að færa að taka þátt- og reyna að breyta flokkunum og vinnubrögðum þar. Það þarf heiðarlegt fólk í alla flokka.

Ég starfa með Framsóknarflokknum vegna þess að ég er samvinnumanneskja og  hófsamur miðjuflokkur og félagshyggjuflokkur með tengsl við sveitirnar og landsbyggðina þar sem fólk tekst á við málin af skynsemi og yfirvegum höfðar til mín.

[Sigurður Þór Guðjónsson, 9.4.2009 kl. 10:56]

Líklega er eitthvað til í þessu hjá mér að sumir flokkar séu skárri en aðrir flokkar. Reyndar finnst mér þessi nýi formaður framsóknar ansi góður og hann virðist vera heiðarlegur. Ég trúi því að það sé heiðarlegt fólk í öllum flokkum en flokkarnir eru skepnur sem fara sínu fram, oft í trássa við velmeinandi fólk. Er ekki eitthvert innra afl í flokkunum sem kæfir einstaklinganna um síðir, einhver flokksmórall, arfur kynslóðanna í flokknum, arfur valdafla sem hafa spillst á löngum tíma?Hins vegar gefur augaleið að landið stjórnar sér ekki sjálft. Menn verða að velja skásta kostinn þegar til kastanna kemur. En hver er hann?

[EE elle (IP-tala skráð) 10.4.2009 kl. 19:20]

Það fyrsta og nauðynlegasta er að veikja flokkavald flokkanna.  Það næst að öllum líkindum með persónukjöri MILLI flokka.  Flokkavaldið er alltof mikið.  Innan um hina heiðarlegu kemur alltaf spillt fólk.  Og inn í alla flokka.  Það er stórhættulegt að spillt fólk hafi vald.  Veikja þarf vald allra flokkanna og færa það til fólksins í landinu.   

[EE elle (IP-tala skráð) 10.4.2009 kl. 19:24]

Líka, bæði Bjarni Ben og Þorgerður eru ótrúverðug að mínum dómi og skil ekki hvað þau eru að gera í forystu flokks.