Þegar siðareglur bresta

Það sem er óhugnanlegast við þetta er  það að læknar og sálfræðingar unnu með leyniþjónustu Bandaríkjanna við að brjóta fangana niður.

Þetta minnir óneitanlega á það hvernig læknisfræðin var misnotuð herfilega af nasistum í þriðja ríki Hitlers.

Kjarni málsins er þetta sem fram kemur í fréttinni:

„Heilbrigðisstarfsfólkið sem tók þátt í verkefni CIA braut lögin og sverti þann siðferðislega grundvöll sem læknisfræðin og sálfræðin hvílir á,“ sagði Frank Donaghue, framkvæmdastjóri samtakanna Physicians for Human Rights, læknasamtaka sem berjast fyrir mannréttindum.

„Svipta á sálfræðinga og lækna sem staðnir verða að því að hafa tekið þátt í pyntingum starfsleyfi til frambúðar,“ sagði Donaghue í harðorðri gagnrýni sinni á aðferðirnar.''

Mér skilst samt að ekki verði blakað við neinum af þeim sem viðriðnir voru pyntingarnar.

En stærsta spurningin er sú hvers vegna siðareglur heilbrigðisstétta haldi ekki þó sérstakar aðstæður skapist.

Athugasemdir

[Brjánn Guðjónsson, 18.4.2009 kl. 14:54]

rétt hjá þér. manni verður vissulega hugsað til Dollan & co.

greinilega var einhverjum boðnir nógu feitir tékkar. þá voru sáttmálar og eiður hjóm eitt.