Á Hala veraldar

Um daginn kom ég á Hala í Suðursveit þar sem Þórbergur ólst upp. Það blakti ekki hár á höfði sem ekki er algengt á þeim slóðum.

Ég hef ekki komið þarna síðan Þórbergssafnið komst á laggirnar. 

Safnið er frábært. Sérstaklega var gaman að sjá endurgerð af baðstofunni á Hala þegar Þórbergur var að alast upp, ''baðstofunni'' í Bergshúsi og skrifstofu Þórbergs á Hringbraut 45.

Þetta safn er bæði sveitarsómi og þjóðarsómi.

Á leiðinni að Hala komum við félagarnir í bókakaffið á Selfossi og fengum kaffi og vöflur.  Við stöldruðum líka við á Skógum þar sem Þórður Tómasson safnvörður spilaði fyrir okkur á orgelið.

Eftir að ég kom heim fór ég að lesa Suðursveitarbækur Þórbergs eftir margra ára hlé. 

Hvað þetta eru góðar bækur. Hvað Þórbergur sá djúpt inn í heim náttúrunar, skildi sál steinanna, fjallanna og dýranna. Og hvað þessi heiðríkja og látlausa tign í stílnum er langt frá þeim hégóma sem nú ræður oft ríkjum í almennri umræðu.

Þessi ferð var hápunktur sumarsins og endurnæring fyrir sálina.

Nokkrar myndir úr ferðinni sem stækka ef smellt er þrisvar á þær.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Athugasemdir

[Sigurður Þór Guðjónsson, 17.8.2009 kl. 02:25]

Bærinn sem þarna sést er eldri hluti bæjarins á Hala, úr suðri og norðri. Á sama stað var bærinn þar sem Þórbergur ólst upp. Á Selfossi var þessi frumlegi mótórhjólagæi. Maðurinn sem er með mér á myndunum er Björn Hafberg vinur minn og frændi kaffistjórans í bókakaffinu.

[Vilhjálmur Örn Vilhjálmsson, 17.8.2009 kl. 07:40]

Gott að sjá að meistari Þórður spilar enn við hvern sinn fingur. Vona að honum endist aldur til að taka mótorhjólið á myndinni á safnið hjá sér.

[Lára Hanna Einarsdóttir, 17.8.2009 kl. 10:14]

Við Björn erum þremenningar - afar okkar voru bræður.

[Sigurður Þór Guðjónsson, 17.8.2009 kl. 12:22]

Lára Hanna: Flott slekti!

[Vilhjálmur Örn Vilhjálmsson, 17.8.2009 kl. 14:31]

Segðu mér Sigurður, ertu að senda tölvupóst þarna á Bókakaffinu? Ef svo er, varstu ekki hræddur um að pósturinn þinn fari til alls flokksins.

[Sigurður Þór Guðjónsson, 17.8.2009 kl. 16:17]

Villi endilega fáðu þér svona mótorhjól og vertu fákur Síons!

[Vilhjálmur Örn Vilhjálmsson, 17.8.2009 kl. 16:54]

Riddari Zíons. Nei, held ekki. Þetta er svo ógyðinglegt.

En kannski opna ég bókakaffi og sel torah roullade með káfinu og hef frían aðgang að öruggu neti. Engin afrit send kamekaze flokkum.

[S.H. (IP-tala skráð) 17.8.2009 kl. 18:52]

HAHAHAAAAAAAA! Thid erud gamansamir,strákar!

Meinardu ekki kaffinu, Vilhjálmur eda aetlardu ad káfa á fólki  í leidinni?

[Sigurður Þór Guðjónsson, 18.8.2009 kl. 01:17]

Vilti Villi: Það er að minnsta kosti betra að vera fákur Zíons en fáki Zíons. (djók).

[Vilhjálmur Örn Vilhjálmsson, 19.8.2009 kl. 13:32]

Brúmmmmm, ég er farinn. Hér ríkir MC Belsebubbi.