Ábyrgð á gjörðum sínum og líta sér nær

Bandaríski prófessorinn Daniel W. Drezner lætur sér í grein í Wall Street Journal fátt um finnast   bókina ''Why Iceland'' eftir Ásgeir Jónsson, forstöðumann greiningardeildar Kaupþings um bankahrunið.

Prófessorinn segir að bókin afhjúpi fyrst og fremst hugarfar Íslendinga. Þeir leiti blóraböggla erlendis í stað þess að líta í eigin barm.

Einar Már Jónsson er hins vegar að velta fyrir sér hugmyndum manna um  það hvort einhver alvöru raunhæf rannsókn fari fram á bankahruninu eða ''hvort einungis sé verið að syngja þjóðinni hugljúfar vögguvísur um rannsókn, meðan beðið sé eftir tækifæri til að lýsa því yfir að hvergi hafi fundist nein gögn um að nokkurt saknæmt athæfi hafi verið framið, enginn hafi í rauninni gert nokkurn skapaðan hlut af sér nema Jón Jónsson verkamaður sem tók sér lán til að kaupa flatskjá og gat ekki borgað það.''

Ég held því miður að síðari hugmynd Einar Más verði ofan á. 

Íslendingar muni ekki líta í eigin barn af alvöru með öllum þeim afleiðingum sem það myndi hafa fyrir viðskipta-og  stjórnmálaheiminn. 

Síðan muni fyrnast yfir málin og spilling og sérhagsmunagræðgi blómstra sem aldrei fyrr.

 

Athugasemdir

[DoctorE (IP-tala skráð) 19.8.2009 kl. 13:02]

Það er verið að spila inn á gamla gullfiskaminnið, þeir stóla á að við séum sauðir með gullfiskaminni.
Eftir ekki svo langan tíma þá verður fólki líklega boðið að lengja í hengingarsnörunni.. .öll þau lán sem fólki buðust var jú bara hengingarsnara sem fólk lengdi alltaf í með auðfengnum lánum...

Ég var reyndar ekki að taka svona lán og kaupa bíla og bull... er á árgerð 1999, fínn bíll.

Við skulum öll passa okkur á að þöggun verði ekki það sem koma skal... ef við gerum það þá erum við vitleysingar... uhhh meiri vitleysingar en ég taldi áður :)

[Vilhjálmur Örn Vilhjálmsson, 19.8.2009 kl. 13:28]

Svo það ert þú sem ert á druslunni, doctor minn.

[Sigurður Þór Guðjónsson, 19.8.2009 kl. 13:45]

Þá vitum við hver Doksi er!

[DoctorE (IP-tala skráð) 19.8.2009 kl. 13:47]

Já þið segið það, ég er sá eini á bíl frá síðustu öld :)

[Vilhjálmur Örn Vilhjálmsson, 19.8.2009 kl. 14:08]

Mér er sagt að dr. Drezner eigi líka druslu.

[Sigurður Þór Guðjónsson, 19.8.2009 kl. 14:10]

En sumir eiga mótorhjól! Ekki að spauga með þá fáka. 

[DoctorE (IP-tala skráð) 19.8.2009 kl. 15:13]

Ætli ég verði ekki að fá lánað fyrir Hummer núna.. svona upp á ef JVJ situr fyrir mér í launsátri, tilbúinn að lesa nokkur vel valin biblíuvers.  ;)
Nei annars.. ég segi honum bara að hann verði að fyrirgefa mér samkvæmt bókinni + að Guddi hafi skapað ESB :)

[Elle E. (IP-tala skráð) 19.8.2009 kl. 21:05]

Sigurður.

Takk fyrir ábendinguna í pistil Drezners.   Persónulega finnst mér hann alhæfa um hugarfar þjóðar vegna einnar bókar.   Fullt land af fólki hefur ekki einn huga, það er fjarstæða.  Og ég óttast líka að enginn verði handtekinn af völdum rannsóknarinnar. 

[Sigurbjörn Sveinsson, 19.8.2009 kl. 22:24]

Elle E:

Þegar menn komast í heimsfræg blöð með ritrýni, þá er erfitt að sleppa tækifæri til að láta ljós sitt skína; aðferðin er að taka stórt upp í sig. Spurningin er bara hvern á að dissa, okkur eða þá. 

Svarið liggur í augum uppi.

[Elle E. (IP-tala skráð) 19.8.2009 kl. 23:07]

Sigurbjörn: 

Drezner gat dæmt þann sem skrifaði bókina í friði, líkl. þræl- meðvirkan peninga-gengjunum, þar sem hann vann í einum óðasta banka í manna minnum.   Ekki þó landsmenn í heild. 

[Sigurbjörn Sveinsson, 20.8.2009 kl. 09:33]

Góð grein Þorvaldar Gylfasonar í Fréttablaðinu í dag. Hún fjallar um ábyrgð og sekt. Ábyrgðin hittir okkur en sekt bítur sekan.

[Sigurður Þór Guðjónsson, 20.8.2009 kl. 11:43]

Sekt bítur ekki á síkópata. Sjá m.a. hér.

[Elle E. (IP-tala skráð) 20.8.2009 kl. 13:13]

Sigurður fer með rétt mál, þetta fólk finnur ekki fyrir neinni sekt og eins og kom fram í pistli hans á undan.  Það sama gildir um flestalla barnaníðinga:

http://www.hare.org/links/saturday.html

http://dev.null.org/blog/tags/psychopaths