Opið bréf til umsjónarmanna blog.is frá Nimbusi og Mala

Í morgun, meðan Nimbus var yfir bloggsíðunni sinni, gerðist það að frábærar kattamyndir sem  ágætur maður hefur sent margar inn á síðuna hurfu allar sem ein.

Þessar myndir voru í okkar augum ein höfuðprýðin á þessari síðu.  Eins og þeir sem lesa bloggið  vita og þeir eru oft margir þegar Nimbus nennir að sinna því almennilega, er hann mikill kattaunnandi og hefur heimiliskötturinn hans, monsjör Mali the malicious, sem með honum skrifar þetta bréf, verið á margan hátt einhvers konar einkennismerki síðunnar. Umræddar kattarmyndir hafa stílað upp á þetta af mikilli snilld.

Þær hafa sett hlýlegan og vinalegan blæ á bloggið okkar. 

Þeirra er sárt saknað, ekki bara af okkur, heldur áreiðanlega líka af sumum okkar  lesendum  sem kunna að meta eitthvað annað á bloggsíðum en endalaust nagg og nöldur um kreppuna og icesave.

Eftir brottfall þessara mynda er bloggsíða okkar ekki söm og áður. Monsjör Mali tekur ekki á heilum sér og er alveg hættur að mala vegna sorgar yfir því að  verða að sjá á bak öllum þessum góðu bloggvinum sínum.

Við gerum ráð fyrir að umsjónarmenn blogg.is geti skýrt út  fyrir okkur hvers vegna myndirnar hurfu af bloggsíðuni og er hér með vinsamlega um þær skýringar beðið.

En fyrst og fremst hvort þess sé ekki að vænta að þær birtist aftur í öllum sínum vinalegu skemmtilegheitum. Þá verður aftur bjart og hlýtt á bloggi.

Með bestu kveðjum 

Nimbus og Mali the malicious.

 

 

Athugasemdir

[Kama Sutra, 3.12.2009 kl. 10:39]

Halló Moggabloggsguðir!

Við erum nokkrar katteskjur hérna úti sem viljum kisuvinina okkar frá Dokksa aftur hingað inn á bloggsíðuna hans Mala!

Þetta er kisubiblían okkar sem við flettum í reglulega!

[Árni Matthíasson , 3.12.2009 kl. 11:33]

Sæll vertu Sigurður.

Aðsetur okkar hér í sveitinni hefur verið umsetið hvæsandi köttum vegna mistaka þegar DoctorE var eytt sem bloggara í morgun. Ekki átti að hrófla við athugasemdum hans og alls ekki við kattamyndunum.

Færustu menn hafa nú gengið í máið og athugasemdir DoctorE (og kattamyndir) hafa því birst á ný Mala til mikillar ánægju þykist ég vita. Við biðjumst velvirðingar á þessu.

[DoctorE (IP-tala skráð) 3.12.2009 kl. 12:36]

Slappt að eyða account.. nú þarf maður að standa í að skrifa nafn/netfang og fá staðfestingarpóst til að getað póstað athugasemdum.

Ferlega fúlt og algerlega ónauðsynlegt.... en JVJ og einhverjir aðrir ofurkrissar munu eflaust kætast mjög yfir þessu, jafnvel kjósa sjálfstæðisflokkinn og alles.. :)

[Sæmundur Bjarnason, 3.12.2009 kl. 15:22]

Mér finnst nú of langt gengið hjá þér DoctorE að gera ráð fyrir að fólk fari að kjósa Sjálfstæðisflokkinn útaf þessu. Styð þig samt í "nafnleysismálum". Það verður reynt að sauma að nafnleysingjum og hugsanlega bloggurum öllum bráðlega.

Sigurður, google readerinn minn sýndi mér færslu útaf Þórbergi Þórðarsyni sem nú er búið að taka út. Varðandi hana ætlaði ég að kommenta að þetta væri dæmi um mælingaráráttu meistarans.

[Sigurður Þór Guðjónsson, 3.12.2009 kl. 16:01]

Æ, já, Sæmundur. Ég setti þetta bara yfir á fasbókina. Fannst það fremur eiga heima þar en á bloggi. Drífðu þig á Fasbók drengur!

Flestar kisumyndirnar hans Doksa er enn ekki komnar inn á bloggið mitt, bara þær nýjustu.

[Kama Sutra, 3.12.2009 kl. 19:00]

Ég er MJÖG óhress með brottvikningu Dokksa héðan af blogginu og á eftir að sakna hans hérna.

Getur ekki þetta mbl-blogglið brotið odd af oflæti sínu og hleypt honum aftur hingað inn á bloggið?  Þau gætu kannski gefið honum/okkur/mál- og ritfrelsinu það í jólagjöf?

Urrr og fnæs...

Svo eru ýmsir aðrir (haturs)bloggarar hérna á Moggablogginu sem fá að vaða uppi óáreittir með sinn skít og drullu og ekki blakað hið minnsta við þeim!

Urrrrr...

[Sigurður Þór Guðjónsson, 3.12.2009 kl. 19:16]

Alveg sammála.

[Kama Sutra, 5.12.2009 kl. 03:25]

Það er búið að eyðileggja kisubiblíuna hans Mala.  Sjá t.d. athugasemdir við þessa færslu: http://nimbus.blog.is/blog/nimbus/entry/893739/

Þetta var ritstjórnarfrumraun hans Mala - sem tók yfir þegar pabbi hans var í letikasti - með ógrynni af frábærum kisumyndum frá Dokksanum í athugasemdakerfinu.  Allar þessar myndir eru núna farnar.

[Sigurður Þór Guðjónsson, 5.12.2009 kl. 11:42]

Já, það er búið að eyðileggja hana. Þrátt fyrir fögur orð umsjónarmanns um að svo myndi ekki verða: ''Færustu menn hafa nú gengið í máið og athugasemdir DoctorE (og kattamyndir) hafa því birst á ný Mala til mikillar ánægju þykist ég vita.'' Það er búið að skaða mitt blogg mikið. Allt er víst réttlætanlegt til þess að geta haldið einum manni frá. Ég er nú að hugsa um hvað ég get tekið til bragðs. Ég er engan veginn sáttur við það ef allar myndirnar birtast ekki aftur.

[Sæmundur Bjarnason, 5.12.2009 kl. 23:34]

Þetta beinist alls ekki að þér eða Mala. Myndir í athugasemdum eru alltaf útsettar fyrir allskyns kárínum. Spurðu bara DoctorE hvor hann eigi ekki afrit af myndunum eða hvar hann hafi fengið þær. Svo er bara hægt að skrifa Árna aftur.

[Sigurður Þór Guðjónsson, 6.12.2009 kl. 00:15]

Þetta beinist ekki beinlínis gegn mér en það hefur áhrif á bloggsíðuna mína.

[Kama Sutra, 6.12.2009 kl. 00:16]

Það er auðvitað ekkert mál að nálgast góðar kattamyndir á síðum út um allt netið.  Það eru til margar síður helgaðar þannig myndum.  Mér finnst það ekki aðalatriðið.

Það er samhengið sem myndirnar voru í hérna sem skiptir máli.

[Sigurður Þór Guðjónsson, 6.12.2009 kl. 00:51]

Hárrétt, Kama Sutra, fyrrverandi Malína!

[Sæmundur Bjarnason, 6.12.2009 kl. 00:51]

Skil ykkur vel því þetta kom vel út og var skemmtilegt. Samt var ég alveg hættur að fara þangað. Kattamyndasyrpa af þessu tagi sem hægt væri að koma upp yrði aldrei eins.

[Sigurður Þór Guðjónsson, 6.12.2009 kl. 00:54]

Það eina sem við Mali nenntum (nennum því ekki lengur af augljósum ástæðum) að skoða á þessu bloggi voru síður þar sem voru margar kattamyndir.

[Kama Sutra, 6.12.2009 kl. 01:05]

Já, ég hef líka stundum farið á nostalgíuflipp og kíkt í kisubiblíuna hans Mala.  Núna verður það ekki eins gaman.

[Sigurður Þór Guðjónsson, 8.12.2009 kl. 13:32]

Nú eru allar kisumyndirnar orðnar virkar!

[Kama Sutra, 8.12.2009 kl. 18:50]

 

Núna vantar bara Dokksann sjálfan.  Þá verður allt gott aftur.

Heyrið þið það, Moggaguðir?!!!