Dreifingarlíkönin standa fyrir sínu

Að sögn Veðurstofunnar  hafa mælingar sem gerðar hafa verið í Evrópu undanfarna daga staðfest niðurstöður úr þeim dreifingarlíkönum sem öskuspár viðvaranaseturs London VAAC vegna flugumferðar byggjast á.

Um þetta ættu þeir að hugsa sem hafa verið að þenja sig sem mest á netinu um það að ekkert sé að marka líkindaspár um öskudreifingu.

En ef ég þekki mannskepnuna rétt mun þessi frétt hafa nákvæmlega engin áhrif á þvergirðingshátt þeirra.  

Öskumistur getur borist vestur

Athugasemdir

[Sveinn Atli Gunnarsson, 26.4.2010 kl. 12:14]

Mig gruna að þú hafir rétt fyrir þér.

Annað er, að vandamálið liggur væntanlega ekki í því að vita hvar askan er, heldur þau viðmið (eða hugsanlega vöntun þar á) varðandi það hvenær óhætt er að fljúga. Þ.e. hversu mikill má styrkur öskunnar vera til að flugi sé óhætt. Þetta mun hugsanlega verða til þess að gerðar verði skýrari reglur varðandi þetta í framtíðinni.

[Sigurður Þór Guðjónsson, 26.4.2010 kl. 12:39]

Hver á að setja þessi viðmið? Er flugfélögunum traystandi til þess? Mér finnst í þessu máli koma skýrt fram tilhneiging flugfélaga vegna eigin peningahagsmuna til að tefla eins mikið á tvær hættur um  öryggi farþega og hægt er. Hvað gerðist ef kæmi virkilega mikið gos með mikilli ösku sem víða dreifðist? Hvers konar átök urðu þá á milli hagsmuna? Og hverjum vlri helst treystandi til að gæta öryggis farþega? Í þessu máli sást asð hagsmunir flugfélaga vann á með tímanum þó ekkert sérstakt nema peningatapið styddi málstað þeirra. Það var ekki vitað með vissu hvort askan væri hættuleg eða ekki.

[Sveinn Atli Gunnarsson, 26.4.2010 kl. 13:04]

Já einmitt, það er góð spurning hjá þér, Sigurður, hver á að setja viðmiðin. Það virðist, frá mér séð, ekki hafa verið til nein sérstök viðmið varðandi neðri mörk á styrk gosefna frá upphafi, þó svo síðar hafi heyrst um einhver viðmið þar að lútandi. En væntanlega verða allir hagsmunaaðilarnir að koma sér saman um staðlana, þ.e. stjórnvöld, eftirlitsaðilar, flugfélög, jafnvel farþegar og  svo flugvélaframleiðendur, svo einhverjir séu nefndir til sögunnar. Þangað til búið er að ákveða þetta á sannfærandi hátt, þá er varla hægt að gera annað en að fara frekar varlega í hlutina, þó svo það þýði stopp á flugi.