Haldlaus og ómerkilegur málflutningur

Sigurður G. Guðjónsson segir að vinubrögð slitastjórnar Glitnis séu ''enn ein sönnun þeirrar  rannsóknargerggjunar,  sem nú ríður yfir íslenskt þjóðfélag''. 

Hugsanlega hefur Sigurður eitthvað fyrir sér út af fyrir sig í því að málsókn Glitnis gegn þessum Pálma sé ómakleg. En hvað á hann við með þeim orðum, sem á engan hátt eru rökstudd, heldur sett fram sem staðhæfing,  að rannsóknargeggjun ríði yfir þjóðfélagið?

Augljóslega er hann þó að vísa út fyrir þetta Pálmamál til annarra rannsókna í þjóðfélaginu.

Allir vita að sérstakur saksóknari er að rannsaka meint misferli. Skýrsla rannsóknarnefndar Alþingis sýnir að ekki er vanþörf á. Ekki er hægt að komast hjá því að ætla að Sigurður eigi meðal annars við rannsókn sérstaks saksóknara. 

Sigurður kallar ransóknir málanna geggjun. Þær séu þá ekki byggðar á raunhæfri undirstöðu. Þær séru bara rugl, geggjun.

Þetta er fádæma ómerkilegur en jafnframt gersamlega haldlaus málflutningur. Hann er eingöngu settur fram til að skapa tortryggni um heilindi og réttmæti þeirra fjármálarannsókna sem nú fara fram. Skapa óvissu, hik og  ráðvillu með yfirvöldum og þjóðinni. Og taka höggið af þeim sem verið er að rannsaka.

Á sama tíma stendur eftirlýstur maður um allan heim, sem tengist helstu misferlarannsókninni,   uppi í hárinu á lögmætum yfirvöldum og virðist vera staðráðinn í því að hafa þau að engu. 

Furðu lostin þjóðin hlýtur að vænta þess að yfirvöld tryggi að réttvísin gangi sinn gang og beiti til þess þeim ráðum sem nauðsynleg eru.

Segir rannsóknargeggjun ríða yfir þjóðfélagið

Athugasemdir

[Jóhannes Laxdal Baldvinsson, 12.5.2010 kl. 14:52]

Við sáum þessa aðferð notaða í Baugsmálinu með góðum árangri Sigurður. Þar var vörnin rekin á síðum Fréttablaðsins og fólst í því að gera saksóknarann tortryggilegan, sem að vísu tókst með kunnum afleiðingum fyrir þjóðfélagið. En núna eru skirnar stærri og við vitum meira. Það er sama hvað Sigurður G. bullar mikið. Jón Ásgeir og hans partners in crime, munu hljóta makleg málagjöld.

[Skeggi Skaftason, 12.5.2010 kl. 15:04]

Hjákátleg og óforskömmuð eru orð nafna þíns. Lögmaðurinn var lagalegur leiðbeinandi sumra helstu leikenda í geggjuninni sem sannanlega ríkti hér fyrir hrun. Skyldi hann sjálfur vera farinn að óttast að vera dreginn til ábyrgðar fyrir aðkomu og aðstoð við bankarán?

"Rannsóknargeggjun" kann að vera nýyrði dagsins, en hér er annað tileinkað hæstaréttarlögmanninum Sigurði G. sem kannski verður nýyrði morgundagsins:

 Ræningaráðgjöf. 

[itg (IP-tala skráð) 12.5.2010 kl. 17:37]

Er það orðin vani að semja við lögregluna ef hún kallar þig til yfirheyrslu, um tímasetningu eða jafnvel handtöku og handjárn,.?

Maður yrði í raun ekki hissa ef sá siður festi rætur hér á landi.