Október

Í nágrannalöndnunum byrjaði október með methita.

Ekki mundum við nú slá hendinni á móti því að slíkt myndi gerast hér líka næstu daga.

Það er til dæmis brýnt að nýtt og sómasamlegt hitamet verði sett í Reykjavík, svo sem sautján stig.

Hið opinbera októbermet fyrir borgina er hin ámáttlega tala 15,7 stig frá 1958. Og þegar á það er litið að þessi hiti mældist alls ekki í október heldur kl. 18 síðasta dag september, þá verður októbermetið beinlínis vandræðalegt og hallærislegt.

Það verður að slá þetta met. 

Þess vegna fylgjumst við nú í fylgkiskjalinu með árangri þessa októbers sem miklar vonir eru við bundnar.

Skrár tengdar þessari bloggfærslu:

• akrv_2011_64_0.xls

Athugasemdir

[Emil Hannes Valgeirsson, 2.10.2011 kl. 13:29]

Vér fylgjumst með glæstri frammistöðu mánaðarins af mikill ákefð þó hætt sé við að kuldaboli geri einhverjar atlögur á næstunni.

Veðursagnfræðina hefur maður síðan tekið í hægari áföngum.

[Sigurður Þór Guðjónsson, 2.10.2011 kl. 13:54]

Við verðum öll að hvetja októberinn okkar til dáða!

[Sveinn Atli Gunnarsson, 3.10.2011 kl. 09:40]

Heyr, heyr!

[Halldór Egill Guðnason, 8.10.2011 kl. 21:37]

Má ekki skipta október niður í deildir? Hver er t.a.m. meðalhiti fyrstu viku nýbyrjaðs mánaðar miðað við meðaltalið? Finnst allt of lítið gert af því að brjóta veðurárið niður í hinar smæstu einingar. Mánuðir flakka jú framhjá raunverulegum jarðarsnúningi á löngum tíma og því ekki víst að október í ár sé á sama stað og október eftir hundrað ár eða fyrir hundrað árum. Erum við alltaf að bera saman sömu tímabilin í raun? Að endingu.: Takk fyrir frábært blogg Sigurður. Ef ekk væri fyrir þig og fleiri "fróðleiksdreifara" auk örfárra gleðigjafa, væri ég löngu hættur að nenna að fylgjast með blogginu.

[Sigurður Þór Guðjónsson, 8.10.2011 kl. 23:36]

Ég nenni nú varla að blogga lengur hvað þá annað!