Sá hann í gær

Ég þykist hafa séð skaflinn í gær í Gunnlaugssskarði í kíki útum eldhgúsgluggann minn.  En má vera að ég hafi  séð ofsjónir. Alveg örugglega er hann þó enn  í Kerhólakambi eins og segir reyndar í fréttinni.

Esjan er því ekki orðinn snjólaus þrátt fyrir hlýindin. Hún var það heldur ekki í fyrra þrátt fyrir hlýindi. 

Fylgiskjalið er í vissum vandræðum sem vonandi greiðist þó úr áður en snjóa leysir!

Viðbót 7.9. Nú er aftur bjart yfir og áðan sá ég í forláta kíki, sem er merktur hakakrossi og þýska erninum og pabbi fékk frá kafbátaforingja í Noregi þegar hann varð innlyksa þar í stríðinu, að enginn skafl er nú í Gunnlaugsskarði.  

Það er því staðfest að ég sá ofsjónir þegar ég þóttist sjá skafl í skarðinu. Það er reyndar ljós blettur í berginu sem áður hefur villt um fyrir mér þegar skaflarnir eru orðnir mjög litlir.

 

 


mbl.is Skaflinn í Esjunni horfinn
Tilkynna um óviðeigandi tengingu við frétt
Skrár tengdar þessari bloggfærslu:

« Síðasta færsla | Næsta færsla »

Athugasemdir

1 Smámynd: Emil Hannes Valgeirsson

Það mátti sjá það í ágúst að Kerhólakambsskaflinn gæti farið síðastur eins og ég nefndi í bloggfærslu 20. ágúst. Það snjóaði mikið til fjalla í vetur og það hefur fóðrar skálina vestur af Kerhólakambi betur heldur en hengjuna í Gunnlaugsskarði.

Emil Hannes Valgeirsson, 5.9.2012 kl. 00:11

2 Smámynd: Sigurður Þór Guðjónsson

En ef nú Esjan verður ekki snjólaus tvö ár í röð í óvenjulega miklum hlýindum má spyrja hvort snjóleysið sé öruggur hitamælir eins og haldið er þó fram. Hvers vegna fer ekki skaflinn þrátt fyrir methlýindi? Eitthvað annað en hiti spilar líka inn í.

Sigurður Þór Guðjónsson, 5.9.2012 kl. 08:41

3 Smámynd: Gunnar Th. Gunnarsson

Snjór bráðnar hægt ef ekki rignir

Gunnar Th. Gunnarsson, 5.9.2012 kl. 08:53

4 Smámynd: Emil Hannes Valgeirsson

Sammála að snjóskaflar eru ekki alveg öruggur hitamælir. Jú úrkoma spilar inní - mikil snjókoma að vetri og þurrt sumar hjálpar sköflunum. Í fyrra var vorið lengi á leiðinni og tafði fyrir bráðnun.

Emil Hannes Valgeirsson, 5.9.2012 kl. 09:47

5 Smámynd: Sæmundur Bjarnason

Mér hefur fundist hitastig + vindstyrkur skipta yfirleitt mestu máli varðandi bráðnun. Úrkoma minna máli. Bráðnun skafla er hugsanlega ekki góður mælikvarði almennt séð, þó stuðst hafi verið við það áður fyrr.

Sæmundur Bjarnason, 5.9.2012 kl. 10:01

6 Smámynd: Höskuldur Búi Jónsson

Ör varmaskipti hljóta að skipta miklu máli - þ.e. því meiri vindur (og úrkoma) því hraðari bráðnun. En auðvitað þarf líka að vera hlýtt 

Höskuldur Búi Jónsson, 5.9.2012 kl. 10:13

7 Smámynd: Guðjón Sigþór Jensson

Fyrir um áratug var fullyrt að skaflinn væri horfinn. Eg gerði mig lítið til og skrapp á Esjuna og viti mennj þarna var skaflinn eins og venja er.

Líklegt er að Páll fylgist eingöngu með skaflinum gegnum sjónauka. Fara verður á vettvang og skoða aðstæður. Meðan ekki hefur verið staðfest af göngumönnum að skaflinn sé horfinn þá verður að taka yfirlýsingar með fyrirvara.

Guðjón Sigþór Jensson, 5.9.2012 kl. 11:26

8 identicon

Hér opinberast enn ein lygin hjá kolefniskirkjuklerkunum!

Hilmar Hafsteinsson (IP-tala skráð) 6.9.2012 kl. 22:58

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband