Sjötta martröð fyrir íbúa við Höfðatorg

Íbúum við Höfðatorg hefur verið tilkynnt að sjötti áfangi framkvæmda við torgið sé að hefjast með tilheyrandi sprengingum og borvinnu. Borvinnan er verst en hún stendur oft frá morgni til kvölds og er algjörlega óþolandi en sprengingar eru fáar á dag en eru samt mjög óþægilegar. Ekki er tekið fram i tilkynningu til íbúa hvað þetta tekur langan tima.

Já, þetta er í sjötta sinn sem íbúar verða að lifa þessa martröð sem staðið hefur með nokkrum hléum árum saman. Hægt er að ætlast til að fólk sýni "skilning" á "nauðsynlegum" framkvæmdum sem taka nokkurn tíma og lýkur svo. En það gegnir öðru máli um framkvæmdir sem byrja aftur og aftur og aftur, ár eftir ár, og virðast aldrei ætla að taka enda.

Enginn takmörk virðast fyrir því í hvað langan tíma borgaryfirvöld leyfa mikið rask i fjölmennri íbúðabyggð. Hagsmunir verktaka ráða öllu í borginni. 

Morgunblaðið hefur fylgst með framkvæmdunum á Höfðatorgsreitnum og skrifað um þær reglulegar lofrollur. Hva, ætlar blaðið á ekki að fara að taka við sér með sjötta áfangann?! Á kvartanir íbúa vegna endalauss ónæðis hefur blaðið drepið á í algjöru framhjáhlaupi en hefur aldrei fjallað um það að neinu marki. 

Fréttablaðið gerði það þó einu sinni og það á forsíðu.

Þá var talað við Dofra Eysteinsson verkstjóra  jarðvinnunar sem er á vegum Suðurverks og ósköpunum veldur fyrir íbúana. "Það fylgir sögunni að gera þetta svona og það fer ekki framhjá neinum." Í þessu hranalega orðalagi verksjórans, sem sýndi íbúum nákvæmlega engan skilning þó hann færi fram á skilnig frá þeim, gneistaði af honum fyrirlitningin og pirringurinn í garð íbúa sem voru að kvarta. Og þetta er einmitt mentalitetið hjá þeim sem að framkvæmdum standa og ekki síður hjá þeim sem leyfa þær í heilan áratug innan um þétta íbúðabyggð: Við gerum þetta bara eins og okkur sýnist og þið íbúarnr getið bara étið það sem úti frýs og ættu að halda ykkur saman.

Þetta eru hugarfarslegir ávextir hamfarastefnunar "þétting byggðar" fyrir þá sem búa miðsvæðis í borginni. Höfðatorgsreiturinn er bara einn af mögum hávaðasvæðum í miðborgunni þó framkævmdir þar séu áreiðanlega þær allra langvinnustu.  

Í áróðri og auglýsingum þeirra sem standa að byggingunum á Höfðatorgi er fullyrt að það verði með glæsilegustu hverfum borgarinnar. Um það eru þó verulega skiptar skoðanir. Ítrekað hefur komið fram hér og hvar að mörgum finnst þetta svæði algjörlega misheppnað með sínum andstyggilegu turnum sem hafa til dæmis breytt vindafari til hins verra og varanlega á stóru svæði umhverfis. 

Kemur svo ekki að þvi að verktakar vilji alveg ólmir, með hjálp Reykjavikurborgar, ryðja eldri íbúabyggð í grenndinni í burtu og reisa í staðinn fleiri turnaófreskjur?

Er það ekki bara tímaspursmál?

 

Athugasemdir

[Sigurður Þór Guðjónsson, 2.10.2015 kl. 15:36]

Jú, jú, ég veit að svona blogg breytir engu. En það er alltaf gott að geta kvittsð fyrir sig! 

[Halldór Egill Guðnason, 2.10.2015 kl. 23:53]

Góður pistill Sigurður. "Þétting byggðar" stefna núverandi borgaryfirvalda er að gereyða vinalegu yfirbragði borgarinnar. Mætti halda á stundum að hér væri landrými af svo takmörkuðum skammti, að í öllum svefnherbergjum borgarinnar svæfi fólk í kojum uppá fjórar hæðir. Hjólaði eða gengi til vinnu og dýrkaði "Hina miklu leiðtoga" minnst tíu sinnum á leiðinni, undir myndum, styttum og öðrum minnismerkjum þessara miklu leiðtoga, sem á vegi þeirra verða, áleiðis til sinna daglegu starfa.

Góðar stundir, með kveðju að sunnan.