Óviðeigandi brandari í dómkirkjunni

Í prédikun í dómkirkjunni sem var útvarpað fyrir hádegi varaði sr. Hjálmar Jónsson þjóðina við því að ofmetnast af velgengni sinni og sagði síðan orðrétt:

„... eða eins og nýi sjúklingurinn sem var sestur í afturhallandi stólinn hjá geðlækninum og læknirinn sagði: Ég þekki ekki þín vandamál þannig að það væri best að þú byrjaðir alveg á byrjuninni að segja mér hvað væri til erfiðleika í þínu lífi. Það er sjálfsagt, sagði sjúklingurinn, Þetta byrjaði allt með því að í upphafi skapaði ég himin og jörð.”   

Og það var hlegið í kirkjunni.

Þetta er reyndar hnyttinn brandari. En mér finnst hann samt ekki eiga erindi í svona ræðu, fremur til að segja í kunningjahópi eða lesa á bók eða í blaði heldur en í hátíðarræðu á þjóðhátíðardaginn sem útvarpað er til allrar þjóðarinnar.

Óneitanlega er þarna verið að hlægja á kostnað þeirra sem eiga við geðræn vandkvæði að etja. En það þætti ekki viðeigandi að láta menn hlægja á kostnað nýbúa, kvenna, múslima eða eiginlega hverra sem er á þessum degi og á þessum stað, í dómkirkjunni sjálfri. 

En það þykir víst allt í lagi að hlægja að "geðsjúklingunum", hvað þeir geti nú verið vitlausir. Þeir jafni sér meira að segja við sjálfan guð almáttugan. 

  

Athugasemdir

[Þorkell Sigurjónsson, 17.6.2007 kl. 18:37]

Er þessi Hjálmar barasta ekki pokaprestur Siggi minn,  þannig að lítið mark er á honum takandi ?

[Ósk Sigurðardóttir, 17.6.2007 kl. 18:55]

Þetta var hnittinn brandari...en já, kannski ekki alveg politically correct ;) En það sem hann sr. Hjálmar Jónsson sagði; "varaði þjóðina við því að ofmetnast af velgengni sinni" finnst mér hinsvegar algjörlega viðeigandi. Horfi stundum á fréttir á netinu (þegar ég nenni) og hef tekið eftir því hversu oft Íslendingar þurfa að fá að vita hvað þeir séu nú frábærir og duglegir og hvort allir í heiminum viti nú ekki örugglega allt um Ísland! Um daginn var viðtal við formann Samskipa og annan daginn nýjan formann (eða e-ð álíka) Baugs. Fréttamennirnir höfðu varla um annað að spyrja en "finnst ekki Englendingum Íslendingar alveg frábærir" .. "finnst ekki Dönum Íslendingar vera æði" .. svona hélt þetta áfram.   Eru Íslendingar upp til hópa með svona svakalega lélegt sjálfstraust að þeir þurfa endalaust að fá viðurkenningu frá öðrum löndum? Svo  bætist auðvitað ofan á þetta allt saman mikilmennskubrjálæði !!!

Ein pirruð á vitleysunni á Fróni

[Sigurður Þór Guðjónsson, 17.6.2007 kl. 19:01]

Ég tek mark á öllu fólki.

[Svava frá Strandbergi , 17.6.2007 kl. 21:02]

Mér finnst þetta vera algjör skandall af séra Hjálmari að segja þennan brandara. Eða eins og þú segir hvað ef hann hefði fengið þjóðina til að hlægja á kostnað kvenna, nýbúa, eða annars þjóðfélagshóps og það á sjálfan þjóðhátíðardag okkar allra sem viljum teljast Íslendingar.

[Sigurður Þór Guðjónsson, 17.6.2007 kl. 21:28]

Já, Svava. Ég er eiginlega sammála, þetta er í rauninni bara skandall að segja svona brandara í útvarpsmessu þennan dag. En menn ypta öxlum af því að það er þessi hópur, ef það hefðu verið þessir hópar sem ég minntist  á hefðu oðrið hávær mótmæli.  Maður er mest undrandi á því að manningum skyldi yfirleitt hafa dottið þetta í hug. 

[Marta B Helgadóttir, 17.6.2007 kl. 23:11]

Sammála Guðnýju Svövu.

[Auður (IP-tala skráð) 17.6.2007 kl. 23:18]

Halló! halló!  Eru menn ekki óþarflega viðkvæmir.  Það er svo hollt að hlæja.  Og þetta er nú ekki neitt meinlegur brandari.  Alls ekki.  Reyndar tel ég nauðsynlegt að gera nett grín að hlutunum og sjá björtu hliðarnar á tilverunni.  Ekki hanga í því neikvæða.  Gleðilegan þjóðhátíðardag!

[Guðríður Hrefna Haraldsdóttir, 17.6.2007 kl. 23:34]

Sammála Sigurði. Ég sé lítið fyndið við brandara sem gerir grín að fólki sem á við geðræn veikindi að stríða. Passar alla vega mjög illa í útvarpsmessu.

[Sigurður Þór Guðjónsson, 17.6.2007 kl. 23:55]

Það er ekki að hanga á því neikvæða að gera athugasemdir við þetta.

[Heimir Lárusson Fjeldsted, 17.6.2007 kl. 23:59]

Því miður umgangast sumir prestar þá sem eiga við geðræn vandamál að stríða sem miður heppilegar verur og gera gjarnan grín að, eins og sá mæti maður Hjálmar Jónsson gerði sig "sekan" um.

Sumir prestar hafa átt við áfengisvandamál að stríða og hafa því ekki úr háum söðli úr að falla, því hvað er áfengissýki annað en geðrænn kvilli?

Skyldu þeir næst taka gigtarsjúklinga fyrir eða fólk með elliglöp?

[Úlfar Þór Birgisson Aspar, 18.6.2007 kl. 00:55]

Ja sumir geðsjúkir vita nú bara miklu meira um guð en Hjálmar Jónsson.Skyldi Hjálmar hafa reynt að beintengja sig við guð til að fá svör eins og sumir geðsjúkir hafa gert og gera enn.Og hver á svo að skilgreina þá tengingu geðlæknar eða prestar? Og hvað vita þeir svo sem meir um guðdóminn heldur en hinir geðveiku.Oft er sagt að línan milli snilli og geðveiki sé afar þunn og voru ekki einhverjir mestu spekingar heims einmitt meira og minna geðveikir?

[Sigurður Þór Guðjónsson, 18.6.2007 kl. 01:12]

Mikið vildi ég að svona mörg komment hefðu komið á færsluna um 17. júní veðrið!

[Margrét St Hafsteinsdóttir, 18.6.2007 kl. 02:03]

Ósmekklegur brandari hjá prestinum.

Kommentið hjá Úlfari Þór umhugsunarvert. 

[Guðríður Pétursdóttir, 18.6.2007 kl. 05:57]

ég átti/á við ýmislegt að stríða og þurfti einu sinni að leggjast inn á bráðageðdeild en ekki tek ég þennan brandara nærri mér og mér finnst hann bara alveg frábær í alla staði

[Jón Valur Jensson, 18.6.2007 kl. 07:56]

Það er leitt, ef séra Hjálmar sé orðinn svo "politically correct", að hann fari með flím um Guð sjálfan. Takið eftir því, að hann taldi sér leyfast að koma með e.k. Dr. Freud-brandara, af því að hann setti skapara sinn á bekk skjólstæðingsins, eins og presti leyfist það, af því að þar fari "hans heimamaður". En þetta er að leggja nafn Guðs við hégóma. Ég held að þann góða mann Hjálmar iðri þessa.

[DoctorE (IP-tala skráð) 18.6.2007 kl. 09:29]

Ég held að þetta fari soldið öfugt ofan í ykkur,guð er örugglega húmoristi, við erum sköpuð í hans mynd.. so

Ef maður getur ekki hlegið að sjálfum sér ... well

[Guðríður Hrefna Haraldsdóttir, 18.6.2007 kl. 09:45]

Svona brandarar gera ekkert nema ýta undir fordóma í garð geðsjúkra, nógu mikið sem þeir eiga undir högg að sækja í þessu þjóðfélagi. Ég hló helling af Klepparabröndurum þegar ég var yngri, svo Pólverjabröndurum, Ljóskubröndurum ... en áttaði mig á því að þeir gerðu lítið úr viðkomandi og það er ekkert fyndið! Brandarinn hans Hjálmars var góður - en átti ekki heima í útvarpsmessu!

[Sigurður Þór Guðjónsson, 18.6.2007 kl. 10:01]

Ég hef sjálfur mikið gaman af flími hvers konar eins og menn kannski sjá á þessari síðu. Og síst af öllu vildi ég vera húmorslaus púritani. Þetta ER reyndar bráðfyndinn brandari. En ég er bara að benda á að þetta var kannski ekki rétti staðurinn og stundinn til að segja hann. Það má vel gera létt grín af öllum hópum í réttri umgjörð. Í þessum brandara ER verið að láta alla þjóðina á 17. júní hlægja á kostnað eins hóps, þeirra sem eiga við geðræna sjúkdóma að etja. Hefði þetta verið gert á skemmtikvöldi Öryrkjabandalagsins hefði það verið í fínu lagi og allir einmitt mikið hlegið. Skiljiði pointið? Á þessum degi eru allir sérlega viðkvæmir að vera dregnir út til að gera gys að þeim og ég endurtek enn og aftur að það hefði ekki verið vel séð ef fólk hefði verið látið hlægja á kostnað kvenna (þá hefði nú heyrst í Sóleyju og Önnu Katrínu), múslima (þá hefði heyrst í ýmsum), nýbúa (þá hefði heyrst í mörgum) eða kaþólikka (þá hefði nú Jón Valur tekið á honum stóra sínum). - En þegar um þennan hóp er að ræða heyrist bara í mér! Loks vil ég - sérvitringurinn með meiru - lýsa aftur yfir sárri hneykslan yfir kommentaleysi á veðurfærsluna miklu sem er miklu betri færsla en þetta brandarataut!   En þau komment verða að vera veðurfarslega korrekt og EKKERT GEÐVEIKISRUGL.  

[Bjarni Kjartansson, 18.6.2007 kl. 10:26]

Sér er nú hver viðkvæmnin.  EMnn virðast ekki mega gera sprell hér á land og allir vilj vera PC Rétthugsunin er farin að ganga svo út í öfgar, að menn eru orðnig hrútleiðinlegir.

Fólk jesúsar sig af minnsta tilefni og gengur jafnvel svo langt, að börnum er bannað að syngja lagið tíu litlit negrastrákar, vegna þess, að textinn er ekki PC.

Fljótlega verður bannað að lesa söguna um Mjallhvít og dvergana sjö, þar sem lágvaxið fólk má ekki verða fyrir fordómum.

 Höldum í húmörinn.

Miðbæjaríhaldið

[Sigurður Þór Guðjónsson, 18.6.2007 kl. 11:30]

Það er allt í lagi með húmorinn á þessari síðu eins og oft sést á henni. Það er ekki hægt að vísa þessu á bug með slíku.    

[Veffari (IP-tala skráð) 18.6.2007 kl. 18:26]

Já þetta er sniðugt. Hvernig er það ef maðurinn sem á í erfiðleikum á meðvitund sinni fer svo að gera grín að presti? Þ.e. fyrir að halda að hann hafi tengsl við sig?

"Ég, GUÐ veit ekkert hver þessi Hjálmar er!"

Sé í sjálfu sér ekki mikinn mun á þessum mönnum. Einn heldur hann sé Guð, hinn að hann hafi einhver spes tengsl við einhern Guð.

Hvort tveggja er bráðsniðugt og sýnir hvað við mannfólkið erum dásamleg kjánadýr og ímyndunarsjúk í eðli okkar. Um að gera grín að þessu, svona í góðu.

Kveðja Ólafur/veffari

PS Alltaf eithvað vesen að pósta hjá þér, Sigurður minn. Innskráning dugar ekki til. Greinilega einhver púki hér á ferð.

[Sigurður Þór Guðjónsson, 19.6.2007 kl. 00:08]

Já, það er oft vesen á þessari síðu. Hún svarar ekki og klikar og lætur öllum illum látum. Er alltaf að kvarta á Mbl. en ekkert breytist samt.

[Jón Valur Jensson, 19.6.2007 kl. 00:32]

Bjarni minn, þú hlýtur þó að vera PC.