Myndlistarsýning, ferðalag og fjarhrif

Í dag var ég við opnun myndlistarsýningar Kjartans Ólasonar í Ásmundarsal. Þar eru ansi hreint sláandi myndir á veggjum. Meðal sýningargesta var Sigurjón Magnússon rithöfundur sem skrifaði skáldsöguna um Kristmann Guðmundsson skáld. Ég man alltaf þegar ég heyrði sem unglingur  viðtal Jónasar Jónassonar við Kristmann í útvarpinu. Ég hafði þá engar fyriframskoðanir á skáldinu en fannst þegar ég hlustaði að það gengi ekki alveg heilt til skógar. Ég skynjaði kal á sálinni.

Ég las allar helstu bækur Kristmanns nokkrum árum seinna. Hann er ekki mikið skáld, en þægilega læsilegur. Verk hans eru nú að mestu gleymd eins og þau eiga skilið. Hins vegar var svívirðilega farið með Kristmman á sínum tíma af vinstri mönnum. Ekki síst af alkóhólistanum Sverri Kristjánssyni sem mjög hefur verið hampað af vinstra genginu. Mér fannst hann fyrst og fremst vera hrokagikkur og skrifa upphafinn, flatan og tilgerðarlegan stíl.

Aggi ljósmyndari var líka þarna og við spjölluðum um Elvis. Svo var þarna ægilega sæt kona sem ég veit ekkert hver er. Nú þarf ég að fara að leggjast í njósnir.      

Í kvöld fer ég á fund hjá Schuberthópnum. Við erum nokkrir félagar sem erum að undirbúa ferð til Austurríkis, Ungverjalands og Slóvakíu. Við ætlum að þræða nákvæmlega alla sögustaði sem tengjast Schubert. Það er ég sem hef skipulagt hvað á að skoða en aðrir sjá um praktísku  hliðina, svo sem það að ganga frá gistingu og bílaleigu.

Ég hef oft komið til Vínarborgar. En það er í mér einkennilegur kvíði út af þessari ferð. Mér finnst eins og það gerist eitthvað. Hvað skyldi það nú vera?

Ég finn oft á mér hitt og þetta. Ég finn til dæmis  iðulega þegar koma sérlega krúttlegar  athugasemdir inn á bloggið mitt. Þá fæ ég alltaf sérstaka tilfinningu og fer að gá á bloggið. Það bregst ekki að þá er komin athugasemd frá Zou eða Pönkaranum eða Skessu eða einhverjum öðrum stórvinum í blogginu.  

En ég finn aldrei á mér leiðinlegar athugasemdir.   

Athugasemdir

[Þorkell Sigurjónsson, 1.9.2007 kl. 18:28]

Þessi athugasemd fokkast sjálfsagt ekki undir krúttlega sendingu. Satt að segja brá mér  nokkuð við nafngiftirnar sem þú tileinkar Sverri Kristjánssyni og virka undarlega á mig. Þannig vill nú til Sigurður minn, að  ég er vinstri maður, alkóhólisti og hrokagikkur eins og hann Sverrir,  að auki náskyldur þér Sigurður og tek þessu bara vel.

[Sigurður Þór Guðjónsson, 1.9.2007 kl. 18:59]

Þessi er með þeim krúttlegustu!

[Svava frá Strandbergi , 2.9.2007 kl. 00:02]

Keli, voðalega ertu dónó, 'fokkast'?  Hva för helveta menar du ejentlig? Þetta er sannarlega krúttleg athugasemd.

[Svava frá Strandbergi , 2.9.2007 kl. 00:04]

Nimbus, manstu eftir bókinni eftir Kristmann um Gyðjuna og uxann? Hún átti víst að gerast á okkar ástkæru eldheitu Krít, til forna.

[Sigurður Þór Guðjónsson, 2.9.2007 kl. 00:28]

Í þeirri bók eru allar ástarsenur innan sviga. (Og þær voru margar). Þessi bók er sem sagt meistaraverk innansviga bókmenta á Íslandi.

[Svava frá Strandbergi , 2.9.2007 kl. 00:37]

Var ekki Hólmsteinn með neina sviga í Laxness bókinni? Eða var það svigaleysið sem olli málsókninni, eða kannski gæsalappaleysið?

[Svava frá Strandbergi , 2.9.2007 kl. 00:38]

Eða voru það gæsalappir innan sviga? Æ, ég man ekkert hvernig þetta var.

[Þorkell Sigurjónsson, 2.9.2007 kl. 06:33]

Þegar þú Svava mín talar um dónó, dettur mér í hug saga sem af Kristmanni fór og mætti "flokkast" undir að vera ekki krúttleg. Sagan sagði að Kristmann hafi í miklu ástarbrími með einni af sínum fjölmörgu eiginkonum sem hann eignaðist ,   bitið geirvörtuna af henni  og í kjölfarið farið með hana á heilsugæsluna og haft með sér geirvörtuna vafða innan í dagblað. Kannski var þetta ein af svívirðilegu sögunum sem áttu að koma frá vinstri mönnum í gamla daga?

[Júlíus Valsson, 2.9.2007 kl. 12:57]

Takk fyrir að minna okkur á Kjartan. Verð að sjá sýninguna hans. Sammála þér að mörgu leyti varðandi Kristmann. Merkilegt hvað maður entist til að lesa bækurnar hans. E.t.v. vegna þess að hann gifti sig (kvæntist reyndar) oftar en Liz Taylor? Honum hélst fremur illa á sínum konum.
Þú ert dál. harður við Sverri. Hann var ágætis karl, kenndi mér í Landspróf ef ég man rétt. Mjög skemmtilegur og fróður kennari. Vingjarnlegur við nemendur sína.
Gaman væri að fara í svona "Bach-ferðalag" og hlusta eingöngu á Back í 3 vikur! Kemur heilanum á hreyfingu. Það er fá innan sviga hjá honum. Gangi þér vel með Schubert!

[Júlíus Valsson, 2.9.2007 kl. 12:59]

fátt innan sviga - sorry (fat fingers syndrome)

[Sigurður Þór Guðjónsson, 2.9.2007 kl. 13:11]

Ég fór einu sinni í Bach-ferðalag til Eisenstadt, Leipzig og fleiri staða. Ég er að tala um Sverri sem opinberan mann, í skrifum hans gegn Kristmanni og fleirum, mér finnst hann hafa verið haldinn hroka og hreinum kvikyndishætti í þeim skrifum. Sverrir kenndi mér raunar  og hélt upp á mig enda fékk ég 10 í sögu hjá honum!

[Sigurður Þór Guðjónsson, 2.9.2007 kl. 13:14]

Eisenach, átti ég við, fæðingarstað Bachs. Kom líka til Weimar.

[Júlíus Valsson, 2.9.2007 kl. 14:01]

...hvernig væri þá Karlheinz Stockhausen ferð?

[Svava frá Strandbergi , 2.9.2007 kl. 17:34]

Mér fannst Keli, þegar ég líti til baka, að Kristmann hafi verið frægari fyrir ástamál sín og eiginkvennaskarann, heldur en bækurnar sem hann skrifaði. 

[Sigurður Þór Guðjónsson, 2.9.2007 kl. 17:45]

Mig dreymir um að fara um Vínarhérðuðin en Stockhausen starfaði lengi í Köln. Vonandi á ég þetta eftir - ef ég dett þá ekki heiadauður niður.