Auðvitað er Björgólfur að seilast til áhrifa í Ríkisútvarpinu

Útvarpsstjórinn segir að féð sem Björgólfur Guðmundsson leggur af hendi til íslenskrar dagskrárgerðar í Ríkisisjónvarpinu sé ekki í þágu RÚV. Hann sé bara að jafna framlag RÚV til sjálfstæðra framleiðenda sem vinna efni fyrir sjónvarpið. En ávinningurinn er sá, segir útvarpsstjórinn, að það verður búið til meira af íslensku efni til sýningar. 

Og það efni verður sýnt í Ríkissjónvarpinu. Ef þetta framlag kæmi ekki yrði efnið ekki gert og því ekki sýnt. 

Það er ótrúlegt  hvað hægt er að fara í kringum  hlutina með orðaleikjum. Auðvitað er þetta framlag Björgólfs ekkert nema styrkur til Ríkisisjónvarpsins en aðrar sjónvarpsstöðvar og innlend dagskrárgerð almennt njóta ekki góðs af. 

En það er rétt hjá Páli Magnússyni að féð er ekki veitt í þágu RÚV. Það er í þágu Björgólfs sjálfs í baráttu hans við að leggja sem mest af þjóðlífinu undir sig. Þetta gerir Jón Kaldal sér glögga grein fyrir í leiðara Fréttablaðsins í dag og skrifar:

"Fjárhagsaðstoð Björgólfs við RÚV á auðvitað að skoða í því ljósi að hann á nú þegar í grimmri samkepppni á fjölmiðlamarkaði. Hann er aðaleigandi Árvakurs, útgáfufélags Morgunblaððsins og 24 stunda, keppinauta Fréttablaðsins, sem er hluti af fyrirtækinu 365 sem aftur rekur Stöð 2 og fleiri sjónvarpsstöðvar. Björgólfur á hins vegar ekki sjónvarpsstöð en getur með þessum hætti lagt hönd á plóginn í samkeppni við fyrirtæki sem hann keppir við á dagblaðamarkaði."

Flókarna er þetta nú ekki. Og ljótt er að menningarsameignir þjóðarinnar séu orðnar að peði í  valdatafli ríkisbubba.

Samtök handritshöfunda hafa fagnað samningnum við Björgólf.

Ætli einhver kræfur handritshöfundur muni nokkurn tíma leggja út í að gera fyndna og snjalla ádeiluþætti  á yfirgang íslenskra auðmanna?

Og þetta er bara byrjunin. Áður en langt um líður vöknum við upp við það að peningaítök auðmanna í menningarstofnunum ríkisins verða orðin svo mikil að þær geta ekki þrifist án þeirra og þeir munu þá ráða í þeim lögum og lofum.   

Athugasemdir

[Keli (IP-tala skráð) 13.11.2007 kl. 17:53]

Mér þætti áhugavert að vita hvort yfirmenn sjónvarpsins munu leyfa gerð sjónvarpsleikrits eftir bók Þráins Bertilssonar, Dauðans óvissi tími.

[Ólafur Þórðarson, 13.11.2007 kl. 18:46]

Málið er líka hvort verið sé að ritstýra ofanfrá. Þegar það er gert eru allir ágallar Bandaríska fjölmiðlamarkaðarins komnir í höfn. Það er einungis tímaspursmál. Og engin paranoja.

RÚV er eitt síðasta vígi lýðræðisins. Allt hitt er til sölu.

[Sigurður Þór Guðjónsson, 13.11.2007 kl. 19:44]

Nei, þetta er enginn paranoja í mér heldur bara klárt raunsæi.

[María Kristjánsdóttir, 13.11.2007 kl. 21:05]

Auðvitað er þetta klárt raunsæi. Og nánast ógnvekjandi að heyra útvarpsstjóra segja svart vera hvítt í gærkvöldi. Langar til að blogga um þetta líka. Hef ekki tíma til að gera það almennilega. Og þetta er engin paranoja í þér- og það er heldur ekki paranoja að það sem hefur verið í gangi hér undanfarin ár fer æ meir að líta út sem samsæri- líkt og menn hefðu stúderað hvernig bolsjevikar tóku Rússland yfir. Það var reyndar ágætis heimildarmynd hjá RÚV. Og það sem þeir syngja fallega Rússarnir!

[Þorkell Sigurjónsson, 14.11.2007 kl. 00:04]

ÚLFUR,  ÚLFUR kallaði strákurinn !

[Sigurður Þór Guðjónsson, 14.11.2007 kl. 00:14]

Já, og vondi úlfurinn getur gleypt mann í heilu lagi! 

[Viðar Jónsson, 14.11.2007 kl. 02:08]

Var að blogga á svipuðum nótum í morgun, það er rétt hjá þér að skugginn er að ná yfir allt samfélagið.

[Ólafur Þórðarson, 14.11.2007 kl. 02:44]

Ekki vex fé á trjánum heldur. Þó fé vaxi uppi á fjöllum.

Það er eitt lykilatriði auglýsingabraskmarkaðarins að ná til sín listafólkinu. Það er ýmislegt sem skeður við það, t.a.m. þagna sterku gagnrýnisraddirnar.

[Svava frá Strandbergi , 14.11.2007 kl. 13:01]

Kannski þetta endi með því að landið skiptist í lén milli ríkustu auðmannanna og lénsveldi komist á, á Íslandi með titlum og togum sem í arf ganga. Bændur verða ánauðugir á ný og almenn vesöld ríkir meðal almúgans.

[halkatla, 14.11.2007 kl. 14:03]

það er ekki paranoia að hafa rétt fyrir sér...