Hranaleg tilmæli

Í guðana bænum fariði svo að taka niður jólaljósin eins og skot þegar þrettándanum er lokið. Ekki láta þau loga fram á vor. Það er andlegur subbuskapur, óklárleiki á réttum kategóríum í lífinu, að vera að halda upp á hátíðarljós löngu eftir að hátíðin er búin. Það er svona álíka hallærislegt og að vera með blöðrur og blása í 17. júní ýlur fram að verslunarmannahelgi eða kveikja í áramótabrennu á jafndægrum. 

Er nokkur sem vill mótmæla því? Er nokkur sem heldur að myrkrið verði eitthvað minna þó þessi úreltu ljós logi áfram? 

Þau eru þá bara villuljós.  

Athugasemdir

[Sigurður Þór Guðjónsson, 6.1.2008 kl. 20:42]

Þið gerið mig bara æstari! Niður með jólaljósin!!

[Guðmundur (IP-tala skráð) 6.1.2008 kl. 20:45]

Hahahahahaha - svona álíka að láta fara í taugarnar á sér að menn bjóði góðan daginn eftir kl 18 á kvöldin.  Það er víst lítið við þessu að gera. 

[Sigurður Þór Guðjónsson, 6.1.2008 kl. 20:59]

Ég þoli einmitt ekki þegar menn bjóða góðan daginn eftir kl. 18 á kvöldin!

[María Kristjánsdóttir, 6.1.2008 kl. 21:02]

Ég tek ekkert niður jólaljósin, ég setti þau svo seint upp að ég ætla að hafa þau út allan janúar. Jólaseríur í skammdeginu eru svo fallegar!

[Sigurður Þór Guðjónsson, 6.1.2008 kl. 21:09]

Þið gerið mig að seríukiller í skammdeginu ef þetta heldur áfram!

[Guðmundur (IP-tala skráð) 6.1.2008 kl. 21:11]

Hahahaha - þessi var góður!

[Óskar Sigurðsson (IP-tala skráð) 6.1.2008 kl. 21:54]

Menn eins og þú eru kallaðir karlfauskar í mínu umdæmi þ.e.a.s geðvondur, skapstyggur og fúllyndur með allt á hornum sér.

[Svava frá Strandbergi , 6.1.2008 kl. 22:32]

 Þú verður þekktur undir nafninu , jólaseríumorðinginn.

[Sigurður Þór Guðjónsson, 6.1.2008 kl. 22:45]

Óskar nær þessu alveg!

[Júlíus Valsson, 6.1.2008 kl. 23:26]

Hve lengi á maður að segja "Gleðilegt ár"?

[Sigurður Þór Guðjónsson, 6.1.2008 kl. 23:44]

Í það minnsta fram að þrettánda. Gleðilegt ár!

[Lára Hanna Einarsdóttir, 7.1.2008 kl. 00:10]

Er ekki nóg að æsa upp JVJ með reglulegu millibili?  Þarf að reyna að ná öllum hinum upp líka? 

Ég tek bara niður mín jólaljós þegar mér sýnist! 

[Sigurður Þór Guðjónsson, 7.1.2008 kl. 00:19]

Ég er bara að benda hranalega á það að jólin eru búin. Sama hvað þið segið! Svo hef ég bara einu sinni bloggað eitthvað um trúmál, ekki með reglulegu millibili. En trúið mér: Jólin ERU búin. Ætlar einhver að mótmæla því? 

[Júlíus Valsson, 7.1.2008 kl. 00:26]

Gleðilegt ár Siggi og aðrir félagar!

[Sigurður Þór Guðjónsson, 7.1.2008 kl. 00:34]

Þetta er svo hinn dæmigerði sjálfhverfi frekjudallahugsunarháttur nútímans, sem aldrei skyldi orðið hafa, að segja alltaf bara: þegar MÉR sýnist. Það er ekki nema von að maður sé orðin gamall og geðstirður í þessu ÖMURLEGA andrúmslofti. 

[Lára Hanna Einarsdóttir, 7.1.2008 kl. 01:05]

  Jájá, jólin eru búin, það er óumdeilt. En hversu hranalega sem þú skipar okkur að taka niður jólaljósin og hversu geðstirður sem þú verður yfir óhlýðninni þá gerum við það bara þegar okkur sýnist - og hananú!  

[Sigurður Þór Guðjónsson, 7.1.2008 kl. 01:11]

Lára þó! Þú átt ekki að brúka kjaft við þér eldri og geðstirðari mann!

[Lára Hanna Einarsdóttir, 7.1.2008 kl. 01:12]

Ég brúka kjaft við þá sem þarf að brúka kjaft við. Annað væri óforskammað.

[Ásgeir Kristinn Lárusson, 7.1.2008 kl. 10:24]

Ég ætla að tendra eitt lítið sprittkerti fyrir Nimbus.  Má það?

[Sigurður Þór Guðjónsson, 7.1.2008 kl. 11:00]

Vitiði að nimbus þýðir geislabaugur? Þið eigið því að koma fram við mig samkvæmt því.

[Lára Hanna Einarsdóttir, 7.1.2008 kl. 11:34]

Nimbus þýðir nú ýmislegt fleira, minn kæri - bara velja:

1.(í goðsögnum Grikkja og Rómverja)dýrðarljómi sem umlukti goð er þau stigu á jörð niður.
2. ára, geislahjúpur.
3. geislabaugur.
4. regnský, regnþykkni.

[Ásgeir Kristinn Lárusson, 7.1.2008 kl. 11:38]

Eða sláið inn nimbus.com og þá kemur sannleikurinn í ljós!

[Jóhanna Guðm. (IP-tala skráð) 7.1.2008 kl. 12:54]

Sammála þér Sigurður, jólin eru búin niður með jólaljósin og skrautið.

Kveikið bara á kertum til að lífga upp skammdegið fram til páska en þeir eru mjög snemma í ár.