Þarfaþing

Á vefsíðu Landsbókasafnsins er hægt að skoða ýmis blöð og tímarit langt aftur í tímann. Nú er t.d. hægt að skoða Þjóðviljann frá upphafi og fram til 1992. Mánaðar-og ársrit Veðurstofunnar, Veðráttan, er þar líka frá upphafi 1924 til 1997.

Það væri mjög óskandi að forveri þessa rits, Íslenzk veðurfarsbók 1920-1923, yrði líka gerð aðgengileg á þessum vef og þá ekki síður íslenski hlutinn af dönsku veðurfarsbókinni sem kom út 1873-1919. Það er afar torfengið rit. Á Landsbókasafni eru ekki einu sinni til allir árgangarnir en þeir eru til á bókasafni Veðurstofunnar. Og væntanlega í Danmörku.

Mér dettur þetta í hug nú þegar ég er að taka saman efni um frostaveturinn mikla 1918. 

Og tímaritsvefurinn á Landsbókasafni er sannarlega mikið þarfaþing.  

Gleðileg viðbót: Nú hef ég frétt að það sé einmitt í undirbúningi að gera dönsku veðurbókina aðgengilega á tímaritsvefnum.

Athugasemdir

[María Kristjánsdóttir, 11.1.2008 kl. 17:27]

Þakka þér fyrir þessa ábendingu. Hlakka til að fletta uppí Þjóðviljanum. En tekur þetta ekki daga og ár- ég á við flettið?

[Sigurður Þór Guðjónsson, 11.1.2008 kl. 17:33]

Það eru bara gamlir kommar sem lesa Þjóðviljann! En Það mætti alveg vera þjálla flettisýstemið. Það er samt gaman að fletta og hætt við að maður gleymi sér  í því.