Borgarbúar ættu að fá að kjósa aftur!

Katrín Jakobsdóttir tjáði í hnotskurtn í sjö fréttum RÚV það rót, reiði og vonbrigði sem ríkja nú í hugum borgarbúa vegna atburða síðustu daga þegar hún sagði að almenn reiði hafi farið úr böndunum  á áhorfendapöllum borgarstjórnarinnar. Framferði nýja meirihlutans væri kannski lögleg en algerlega ósiðleg og ylli því að fólk treysti ekki stjórnmálamönnum.

Það var svo alveg hörmulegt að horfa og hlusta á Vilhjálm og Geir Haarde sem hneyksluðust á unga fólkinu en ekki á því sem þeir ættu fremur að hneykslast á : Siðleysi og ósvífni nýja meirihlutans.

Orð Dags Eggertssonar á borgarstjórafundinum í dag bermála það sem maður heyrir meðal fólks í öllum flokkum hvar sem maður kemur: 

Borgarbúar ættu að fá að kjósa aftur af því að  misfarið hefur verið með vald og lýðræði.

Já, fólk á ekki að láta bjóða sér þetta og halda áfram mótmælunum á formlegan og skipulagðan hátt. 

Athugasemdir

[María Kristjánsdóttir, 24.1.2008 kl. 21:09]

Já, það er rétt- og ég vona að skipulegum mótmælum verði haldið áfram. Það er líka eitt ótrúlegt sem ekki hefur verið rætt og mér var bent á- hvernig getur einn maður verið haldinn þeim stórmennskuórum- að hann geti sinnt störfum heils flokks?

[María Kristjánsdóttir, 24.1.2008 kl. 21:10]

- og verið borgarstjóri að auki. (gleymdi því)

[halkatla, 24.1.2008 kl. 22:29]

sammála. Villi viðbjóður er lægsta lífsform veraldar! meiraðsegja sjálfstæðisfólk (með samvisku) er ekki að meika þetta sem gerðist - bara þeir ofsatrúuðu og siðspilltu geta réttlætt eitthvað svona  meiraðsegja dýrlingarnir myndu ekki kvelja sig með því að vera einn dag í sálarlausum líkama Vilhjálms.

[Adda bloggar, 24.1.2008 kl. 22:55]

eins gott ad ólafur verði ekki veikur

[Sigurður Þór Guðjónsson, 25.1.2008 kl. 00:18]

"Villi viðbjóður"! Er hann á lægra stigi en amaban?

[Anna, 25.1.2008 kl. 03:26]

Þarna er ég sammála nánast hverju orði Sigurður! 

Ég sá annars að fólk var farið að rifja þetta upp.  Þetta er auðvitað eitthvað sem má ekki gleymast...

[halkatla, 25.1.2008 kl. 08:56]

amaban er mjög háþróuð vera - Villi óskar sér þess að vera á hennar stigi

[Sigurður Þór Guðjónsson, 25.1.2008 kl. 09:22]

Anna Karen þó! Jafnvel Mala blöskrar og kalla hann þó ekki allt ömmu sína dýr-lingurinn sá!

[Jón Steinar Ragnarsson, 25.1.2008 kl. 10:13]

Er enginn að hugsa REI eða OR í þessu samhengi?  Er það ekki undirliggjandi ástæða þessa alls?  Ég efast stórlega um að þetta snúist um einhverja vegaspotta eð ahjalla við laugaveg, hvað þá hégómlegt framapot. Frekar er þetta pólitískt fjölda-harakírí.

Menn eru að fórna sér hér fyrir eitthvað stórt og mikilvægt.  Af hverju segi ég OR? Jú um daginn féll dómur í máli Hitaveitu Suðurnesja, sem heimilar þá gjörninga, sem ekki voru forsvaranlegir þegar upp úr sauð fyrst.  Nú á einfaldlega að klára það dæmi.  Þögnin er vitnisburður um það.

Það hangir meira á spítunni, vitið til...

[sigkja (IP-tala skráð) 25.1.2008 kl. 10:55]

Katrín Jakobsdóttir, Dagur og restin af minnihlutanum eru reið og leið yfir að missa sætin sín eftir aðeins rúma þrjá mánuði. Og Katrín og Björg sennilega leiðastar yfir að hafa ekki orðið á undan Ólafi að yfirgefa leikskólann. Þetta var skammlífasta borgarstjórn sögunnar og ekki að ástæðulausu. Spurningin var aldrei hvort heldur hvenær hún splundraðist. Núna er starfhæfur meirihluti, þó óvinsæll sé hjá vinstri menntaskólaskríl. Og ef einhverntíman hefði átt að kjósa þá var það fyrir þrem mánuðum þegar andvana örverpið fæddist.

[Sigurður Þór Guðjónsson, 25.1.2008 kl. 13:40]

Sigkja:

[Sigurður Þór Guðjónsson, 25.1.2008 kl. 15:26]

Allt bloggkerfið er svo leiðinlegt og dyntótt í dag að maður nennir ekki að standa í þessu. Ekki í fyrtsa sinn. Þeir þurfa að fara að gera eitthvað í þessum málum. 

[halkatla, 25.1.2008 kl. 15:36]

afhverju er Mali að hneykslast núna? það er sko staðreynd að amöbur geta ýmislegt sem við getum ekki... ekki einu sinni hann Mali! hvað þá þrefalt V

(annars máttu vita það að hún Kassandra er múslimi og sjálfstæðiskisa og þú getur sagt Mala að það sé búið að skamma mig nóg! ég get ekki meir) 

[Sigurður Þór Guðjónsson, 25.1.2008 kl. 15:58]

Mali er svo merkilegur með sig við allt og alla. Hins vegar líst honum alltaf vel á mús-limi.

[Ásthildur Cesil Þórðardóttir, 25.1.2008 kl. 17:32]

Ég á varla orð yfir viðbjóðinum sem lekur af fólki í dag.  Það er eins og þetta sé einstakt fyrirbæri sem gerst hefur núna.  En þetta er búið að vera undirliggjandi meinsemd lengi, og minnst þeir sem liggja núna undir mestri sök.  Hvar voruð þið þegar Dabbi og Dóri völtuðu yfir allt og alla ? Mér er spurn.  Þið ættuð aðeins að sleppa gífuryrðunum, og íhuga af hverju stjórnmál eru komin í þennan farveg.  Ætli við sjálf eigum nú ekki einhverja sök þar, vegna þess að við látum allt yfir okkur ganga, þangað til við springum, og þá verða jafnvel þeir fyrir sprengingunni sem minnst hafa gert af svoleiðis. 

Mér blöskrar þegar fólk sem ég hef álitið kurteist og vel hugsandi fólk fellur í þessa gryfju. 

[Sigurður Þór Guðjónsson, 25.1.2008 kl. 17:41]

Hvaða þið áttu við með "þið"? Ég tala bara fyrir mig. Ég var ekkert yfir mig hrifinn af gamla meirihlutanum. Hreint ekki. Og þetta er lokahnykkurinn á tortryggni minni almennt gagnvart stjórnmálamönnum. Eru það gífuryrði annars sem Dagur og  Katrín sögðu en til þeirra er hér einungis vitnað. Svo eru mín orð að auki . Eru þau gífuryrði? Verður svo fólk ekki lengur kurtiest og velmeinandi ef það segir einu sinni eitthvað sem einhver finnst ekki að eigi að segja? Þú nefnir "viðbjóð" og Sigkja "skríl". Hver nú með "gífuryrðin" krúttin mín?    

[Sveinn Atli Gunnarsson, 25.1.2008 kl. 22:22]

Það væri gott ef við gætum fengið að kjósa núna, þó ekki væri til annars en að fá afgerandi meirihluta í borgarstjórn. En okkur verður líklega ekki að þeirri ósk okkar. Við skulum muna eftir okkar lýðræðislega rétti að kjósa eftir eigin samvisku við næstu kosningar. Annars vil ég benda á eigin hugleiðingu um þessi mál.

[Viðar Jónsson, 26.1.2008 kl. 00:52]

Gott að heyra í þér Sigurður.  Ég fyrir mína parta sé ekki mikinn mun á rauðu byltingunni og þeirri bláu núna.  Þessi sirkus allur hefur mjög dregið úr áliti fólks á þessu stjórnmálaliði, og var það ekki mikið fyrir.  Ef til vill er munurinn sá, að sagt er að sú rauða hafi verið gerð vegna orkuveituruglsins sem enginn botnar í, en sú bláa út af engu.

[Lára Hanna Einarsdóttir, 26.1.2008 kl. 01:18]

"Ef til vill er munurinn sá, að sagt er að sú rauða hafi verið gerð vegna orkuveituruglsins sem enginn botnar í, en sú bláa út af engu." segir Viðar Jónsson.

Ég bið bara landslýð allan og þó einkum Reykvíkinga eins og er, að hafa auga og eyra með því sem gerist á næstunni með mál Orkuveitu Reykjavíkur í ljósi þess sem gerðist með Orkuveitu Suðurnesja.

Sjálf hef ég þá kenningu að þetta síðasta valdarán hafi beinlínis verið gert að undirlagi aðila sem vilja selja og/eða einkavæða orkuauðlindir okkar Íslendinga og hagnast á því sjálfir. Hvað var ekki gert við fiskinn í sjónum án þess að fólk áttaði sig á því fyrr en löngu seinna? Nú ætlar liðið sem græðir á daginn og grillar á kvöldin að selja frá okkur orkuauðlindina.

Það held ég nú.