Kemur þægilega á óvart

Það hefur vakið mér undrun hvað margir nenna að lesa bloggið mitt eftir að það breyttist í vissa tegund af veðurbloggi og ég lagði niður allt ónytjungshjal og aumlegt þvaður.

Furðu margir af hysterískum aðdáendum mínum hafa því reynst vera vitsmunaverur eftir allt saman.

Það kemur mér þægilega á óvart!

Athugasemdir

[halkatla, 16.5.2008 kl. 15:16]

vitmunaverur er kannski over statement, en við erum að reyna

[halkatla, 16.5.2008 kl. 15:16]

og ég gleymdi s-inu bara til að sanna mál mitt ;)

[Sigurður Þór Guðjónsson, 16.5.2008 kl. 15:32]

Vissi að þú tækir við þér!!

[Bjarni Kjartansson, 16.5.2008 kl. 15:58]

Sigurður, það er ekki alveg víst, að allir geri sér grein fyrir því, að veðurfar er hápólitísk umræða.

ÞEgar gott er veðrið á kjördag, gengur okkur Íhaldsmönnum vel.

Sumir sem eru ,,vinstramegin" segja það vera vegna þess, að þá nenni okkar fólk á kjörstað en við Íhaldsmenn af Guðsnáð vitum, að það er vegna þess, að þá er OKKAR veðurfar.

Gaman að lesa þig, bæði í pólitíkk svona venjulegri og veðurfarslega

Miðbæjaríhaldið

[Lára Hanna Einarsdóttir, 16.5.2008 kl. 17:27]

Eins og ég hef áður sagt er ég hysterískur veðuraðdáandi - en ég krefst þess engu að síður að fá aftur ónytjungshjalið og aumlega þvaðrið! 

[Jenný Anna Baldursdóttir, 16.5.2008 kl. 19:29]

Sem hýsterískur aðdáandi þá verð ég að játa að ég kem vongóð inn á þessa síðu nánast daglega í von um eitthvað bitastætt.  Eins og t.a.m. slúður um Þórberg og annað skemmtilegt.

Er ekki mjög í veðrinu en ég læt mig hafa það.

Aðdáunin á síðueiganda hefur rænt mig allri skynsemi.

Takk fyrir mig.

[Þráinn Bertelsson (IP-tala skráð) 16.5.2008 kl. 19:33]

Það er alltaf jafngaman að sjá þig og kattarafmánina á Netinu - hvað svo sem veðrinu líður. Bestu kveðjur.

[Sigurður Þór Guðjónsson, 16.5.2008 kl. 19:39]

Aumingja Míó Krítarköttur, er nú líklega dauður, fyrsti kötturinn í lífi mínu og enginn afmán!

[Yngvi Högnason, 16.5.2008 kl. 20:49]

Kveðja af botninum.

[Sigurður Þór Guðjónsson, 16.5.2008 kl. 20:54]

Meðtekið Yngvi úr hæstu hæðunum!

[Júlíus Valsson, 16.5.2008 kl. 22:49]

Það eru heilmiklir vitsmunir fólgnir í einföldu veðri.

[halkatla, 16.5.2008 kl. 23:17]

ætli þetta endi ekki í veðurofsa?

[Sigurður Þór Guðjónsson, 16.5.2008 kl. 23:22]

Kannski í gjörningaveðri.

[Sæmundur Bjarnason, 16.5.2008 kl. 23:35]

Ég er alltaf að bíða eftir meiru af ónytjungshjali og aumlegu þvaðri. Ég veit að þú byrjar einhvern tíma á því aftur. Þangað til læt ég mér veðurbloggið nægja, en er mjög fljótur að lesa það.

[Bumba, 16.5.2008 kl. 23:43]

Mikið er ég feginn að heyra og sjá að þú ert farinn að taka þátt í vitsmunagreinignunni aftur. Láttu ljós þitt skína sem aldrei fyrr og láttu okkur auma bloggara heyra það. Með beztu kveðju.

[Ágúst H Bjarnason, 16.5.2008 kl. 23:46]

Allir geta talað um veðrið ...

[Sigurður Þór Guðjónsson, 16.5.2008 kl. 23:49]

En engir af viti nema þessar fáu vitsmunaverur!

[Marta B Helgadóttir, 16.5.2008 kl. 23:59]

Ég kann ónytjungshjalinu afskaplega vel.

[Heiða B. Heiðars, 17.5.2008 kl. 10:49]

Ég er bara hysterísk og þoli ekki vitsmunalegt blaður um veður!

[Jón H. Eiríksson (IP-tala skráð) 17.5.2008 kl. 11:24]

Jæja.. ég réði við ruslpóstvörnina. .-) Annars er góða veðrið í dag.

[Júlíus Valsson, 17.5.2008 kl. 13:28]

Maður getur jú orðið hysteriskur í gjörnungaveðri

[Sigurður Þór Guðjónsson, 17.5.2008 kl. 18:57]

Heiða, var einhver að segja að þú værir vitsmunavera?!

[Heiða B. Heiðars, 17.5.2008 kl. 20:21]

Nei það segir aldrei nokkur kjaftur að ég sé vitsmunavera!! Hvernig stendur eiginlega á þessu?!

[halkatla, 17.5.2008 kl. 20:25]

ég er illa svikin, þið eruð ekkert að tala um veðrið og ég fer jafn ógáfuð héðan og ég kom :(

[Sigurður Þór Guðjónsson, 17.5.2008 kl. 20:49]

Anna Karen, þetta er lognið á undan vitsmunastorminum!

[Lára Hanna Einarsdóttir, 17.5.2008 kl. 20:56]

Verður varað við vitsmunastorminum svo við vanvitarnir getum vafrað í var?

(Hvað eru mörg vöff í því...?)

[Páll Bjarnason (IP-tala skráð) 18.5.2008 kl. 14:20]

Ég er sammála henni Jenný Önnu og Sæmundi.