Ekki víst að veturinn sé kominn til að vera

Þó nú sé snjór fyrir norðan er ekki þar með sagt að veturinn sé kominn til að vera næstu mánuði. Þær spár sem ég hef séð, að vísu nokkuð misvísandi, benda til að mjög hlýtt loft muni koma til landsins um mánaðamótin. Gangi það eftir mun verða brátt um snjóinn.

En ef veturinn er kominn til að vera verður hann með lengsta móti því enn er nú ekki nema október. Sumir vilja víst óðir fá slíkan vetur - svona rétt til að létta landsmönnum lundina. 

Ég hef samt enga trú á því að þeim veðri að ósk sinni.   

Veturinn kominn fyrir alvöru

Athugasemdir

[Lára Hanna Einarsdóttir, 21.10.2008 kl. 16:17]

Ég vil ekki fá vetur strax - sama og þegið... 

[S.H. (IP-tala skráð) 21.10.2008 kl. 19:24]

Veðrið er hvorki vont né gott
varla kalt og ekki heitt.
Það er hvorki þurrt né vott.
Það er svo sem ekki neitt.          

 Nú, leiðist manni slík lognmolla þá má demba sér í Shakespeares “The Tempest”Ágætis allegóría yfir ástandið á Íslandi um þessar mundir. Ég er á kafi við að finna réttar persónur í hlutverkin. Tók loftandann Ariel frá fyrir mig:)

  

[Jenný Anna Baldursdóttir, 21.10.2008 kl. 23:09]

Æi ég elska veturinn, hvað get ég sagt?

Fyrirgefðu Sigurður.

En hvaða tiktúrur eru þetta að hætta að blogga nema um veður?

Hvað segir Mali við því?

[Brjánn Guðjónsson, 22.10.2008 kl. 13:08]

Ég hef bara eitt að segja um veturinn að þessu sinni:

Farðu burt þú fúli vetur.
Fjandans til, ef þú getur.
Ógeðslegur sem úldinn fretur
Æluþörf þú að mér setur.

[Brjánn Guðjónsson, 22.10.2008 kl. 17:26]

Jenný, Mali gegnir hlutverki veðurathugunarkattar

[Sigurður Þór Guðjónsson, 31.10.2008 kl. 20:56]

Og nú hefur það gengið eftir sem hér er sagt frá: mjög hlýtt loft er yfir landinu, sums staðar yfir 10 stig og snjórinn bráðnar.