Barnsmorð lögreglu í Aþenu

Eins og sést af þessari frétt ber vitnum ekki sama um atburðarásina sem leiddi til dauða drengsins. Það er því ekki hægt að taka skýringar lögreglunnar gildar einar og sér eins og sumir gera þó óhikað sem gert hafa athugasemdir við síður sem hafa bloggað um þessa frétt. Fyrsta viðbragð manna af því tagi eru allt að því ósjálfráð viðbrögð að verja lögregluna ef eitthvað kemur upp á. Það er hins vegar óumdeilt að 16 ára drengur var skotinn til bana.

Á Íslandi er það venjan að skýringar lögreglu á atburðum eru teknar góðar og gildar af fjölmiðlum án nokkurra spurninga.

Takið svo eftir því hvernig fyrirsögnin í þessari frétt segir líka sögu: ''Óöld í Aþenu'' en ekki til dæmis  ''Barnsmorð lögreglu í Aþenu''. Fréttir fjölmiðla eru aldrei hlutlausar. Þær lýsa alltaf ákveðinni hugmyndafræði, viðhorfi til umheimsins.  

Auðvelt er að skilja að ''óöld'' brjótist út þegar 16 ára barn er drepið af lögreglu.   

Mér finnst líklegt að lögreglan muni verja athæfið fullum fetum og án minnstu iðrunar. Ekki mun hún lýsa yfir harmi sínum eða samúð í garð aðstandenda drengsins. Stjórnvöld munu standa með lögreglunni og fordæma ''skrílinn''.

Lögregla og stjórnvöld eru söm við sig í öllum löndum.

Óöld í Aþenu

Athugasemdir

[Sigurður Þór Guðjónsson, 7.12.2008 kl. 16:28]

Í útvarpsfréttum kl. 16 var sagt sð kastað hafi verið steinum að lögreglunni. Er slíkt nægjanlegt tilefni fyrir að skjóta?

[molta, 7.12.2008 kl. 18:26]

Þetta er nokkuð merkilegt, nú hefur mbl ("kyndill sannleikanns") sagt rétt frá, loksins, en frá upphafi var öll fréttamennska mbl miðuð við að bjaga sannleikann yfir í að "skríllinn" hafi átt sökina, meðan jafnvel reuters (sem er ekki mikið merkilegri sannleikskyndill en mbl) gaf augljóslega í skyn að lögreglan væri sek um að hella bensíni á eldinn.

Í Grikklandi hundskaðist þó ráðherra til að vilja segja af sér, axla ábyrgð á þessu, þó erfitt sé að sjá að hann sé persónulega ábyrgur.  Við búum við hræðilegt siðleysi hér á íslandi, og það mengar fréttamiðla og stjórnmál, og jafnvel fólkið sem bloggar.