Fordómar gegn föngum

Í þessari frétt finnst mér koma fram sömu fordómar fangelsismálastjórans Páls Winkels gegn föngum og oft koma fram gegn útlendingum. Einhverjir útlendingar komast í kast við lögin og þá eru þær ávirðingar fluttir yfir á alla þá þjóð sem hann tilheyrir. Litháar eru ekkert nema glæpamenn segja menn til dæmis ef einhverjir Litháar fremja glæpi. Svo segir í fréttinni:

''Eins og frægt er orðið sendi refsifangi á Litla-Hrauni tilkynningu um andlát samfanga síns í Morgunblaðið í gegnum netið nú fyrr í vikunni. Þetta brot fanganna gæti leitt til endurskoðunar á tölvunotkun refsifanga, en vonast er til að leysa megi málið með því að útiloka „bakdyrainngang“ að netinu með hjálp tækninnar, án þess að svipta alla fanga réttinum að tölvunotkun.

„En ef þetta gengur ekki eftir, þá þurfum við að skoða þann möguleika að takmarka hreinlega tölvuaðgengi fanga yfirhöfuð, ef þeir halda áfram að misnota þennan aukabúnað,“ segir Páll.''

Hér alhæfir Páll Winkel fangelsamálastjóri um alla fanga með því að segja án aðgreiningar  að þeir séu að misnota netið. Hann segir ekki ef þeir kynnu að halda áfram heldur ef þeir halda áfram eins og það sé regla. Má ekki setja stjórann í einangrun hjá fjölmiðlum fyrir þessi orð?

Það sem ýmsir bloggarar hafa skrifað um þetta mál er hrollvekjandi að lesa fyrir þá harðýðgi sem þar kemur fram.

Þó standa þessir bloggarar líklega mörgum föngum í engu framar  þó þeir hafi ekki komist í kast við lögin. Ýmislegt getur stuðlað að því að menn fremji afbrot. Það er síður en svo að allir sem það gera séu vondir og ómerkilegir. Ég hef kynnst þó nokkuð mörgum sem setið hafa inni en náð sér síðar á strik og orðið fyrirmyndarfólk.

Lokað fyrir netaðgang fanga

Athugasemdir

[Brjánn Guðjónsson, 13.12.2008 kl. 15:02]

án þess ég hafi lagalegu þekkingu á fangelsisreglum þá tel ég að takmörk séu á samskiptum fanga við umheiminn. einhverjar heimsóknar- og símatímareglur. hinsvegar veit ég ekki hvot til eru reglur um netnotkun. kannski reglurnar séu úreltar.

sé það hinsvegar tilfellið að fangar, sem gjarnan hafa sínar eigin tölvur, megi ekki nettengjast verða menn að leita leiða til að framfylgja reglunum.

svokallaðir netpungar gera mönnum kleift að nettengjast þráðlaust. þeir nota svokallaða 3G tækni. lítið mál er að setja upp búnað sem truflar öll fjarskipti á því tíðnisviði og gerir þannig þráðlausa netnotkun illmögulega.

ef hinsvegar einhverjir mega tengjast neti, má útvega þeim nettengingu sem ekki er þráðlaus. þannig má loka á þráðlaus netsambönd en leyfa netsambönd sem ekki eru þráðlaus.

ég ætti kannsi að senda fangelsisstofnun tilboð um ráðgjöf. ég tæki ekki nema einhverja svimandi fjárhæð fyrir. það er líka tískan, að rukka sem mest fyrir sem minnst.