Fall auðmannanna. Getraun.

Svo eru ágjörn augu

auðugs manns og brjóst

sem grimmt helvítis gin,

dofin sem drukkin í laugu

draga til leynt og ljóst 

auð, sinn æðsta vin.

Æ því heldur sem hann hefur gózið meira,

heit ágirndin þyrst er á enn fleira,

líkt sem sandur, sjór eða sprungin leira.

Sá eg ei nær, að honum skuli allvel eira.

 

Dergst af þessu drafli

dyggð á annan hátt 

og siðanna setning snjöll,

störf og stundlegur afli

styttir daginn sem nátt.

Svo fara óhóf öll.

Kemur þar skjótt, að skekinn mun vindur úr æðum,

skrokkur er kaldur og numinn úr fögrum klæðum,

valdi sviptur og veraldar öllum gæðum,

veltur í gröfina áta möðkum skæðum.

 

Veltur hann pall af palli,

er plægði fram um þörf

og tapaði tíma þrátt.

Hrapar hann fall af falli,

og fylgir rangleg störf

en gerði hið góða fátt,

hafandi sjaldan hjartað guði til handa,

hnígur því undir pínu ens neðsta fjanda.

Þar eru nógar nauðir illra anda.

Náðalaust mun þetta heimboð standa.  

 

Hver orti þessar tímabæru vísur og hvenær?

 

 

Athugasemdir

[Lára Hanna Einarsdóttir, 12.12.2008 kl. 01:46]

Pass - ekki hugmynd! 

[Flosi Kristjánsson, 12.12.2008 kl. 09:27]

Þetta skal vera eitt af heimsósómaskáldunum á 16. eða 17. öld. Þeirra viðkvæði var gjarnan: "Heimur er sorgarbæli". Eigum við að segja Skáld-Sveinn ?

[Ásgeir Kristinn Lárusson, 12.12.2008 kl. 09:41]

Þetta hlýtur að vera ort fyrir Siðbót hina meiri...

[S.H. (IP-tala skráð) 12.12.2008 kl. 11:07]

"Heimsósóma” las ég hjá einhverjum minna góðu lærimeistara, kannski hjá Óskari Halldórssyni eða Helga föður Egils (nánari ættfærsla óþörf ).

Eða las ég þetta í Menntaskólanum? ( nánari greinargerð óþörf)

Sýnir bara að sagan endurtekur sig. Jacques Brel syngur um ”anarkisterna” frá í gær sem eru í hópi broddborgara á morgun:

http://www.youtube.com/watch?v=dCHi5apc1lQ

Umhugsunarvert, ekki satt?

[Jenný Anna Baldursdóttir, 12.12.2008 kl. 16:53]

Passó.

[Ólafur Sigurvinsson (IP-tala skráð) 12.12.2008 kl. 18:27]

Heimsósómi eftir Skálda Svein!

[Máni Ragnar Svansson, 12.12.2008 kl. 23:28]

Veit ekki en skarpur er hann og skynugur "ens neðsta fjanda" minnir mann á dýpi hafsins og myrkur og djúpsjávarfiska með sín villuljós og steinbítslegu tannaraðir, ansi skemmtileg vísa Sigurður takk fyrir það

[Sigurður Þór Guðjónsson, 13.12.2008 kl. 18:43]

Þetta er úr Heisósóma eftir Skáld-Sveinn. Kvæðið er talið ort kringum 1500 en elsta varðveitta handrit er frá laust fyrir miðja 16. öld. Ekkert er vitað um skáldið nema nafnið eitt.