Nýr vefur Vefurstofunnar

Ég ætla ekki að sinni að fjölyrða um nýjan vef Veðurstofunnar enda gert smáúttekt á hinum gamla  áður en þessi nýi er í meginatriðum eins og sá gamli. Eitt atriði vil ég þó gera að umtalsefni. Á forsíðu er hægt að sjá mesta úrkomu á landinu og mesta og minnsta hita. En það vantar alveg tímakvarða. Það er bara sagt: í dag. Það er allsendis ófullnægjandi.  Á öðrum stað á vefnum kemur freyndar ram að þetta sé fræa miðnætti en það þarf að koma fram við töflurnar sjálfar. Það er heldur ekki greint á milli mannaðra og sjálfvirkra stöðva. Einnig þyrfti að  vera hægt að smella á viðkomandi stöðvar til að komast beint inn á þær til frekari skoðunar. (Það er hins vegar gleðiefni að loksins er búið að útrýma þrálátustu villu í heimi sem var sú að lágmarkshiti sjálfvirkra stöðvar sem sýndur var á hverjum morgni var ekki neinn raunverulegur lágmarkshiti yfir marga klukkutíma heldur einungis hvað þær sýndu lægst við athugun kl. 9!).

Svona töflu þarf svo að útbúa fyrir allar stöðvar, ekki aðeins þær sem mæla mest og minnst. Eins og þetta hefur reyndar þegar verið sett upp á  elsta vef Veðurstofunnar (þetta er víst þriðji vefurinn og allir í gangi samtímis) er nú það allra besta hvað skeytastöðvarnar varðar. Vonandi verður því ekkki breytt eða það tekið niður. 

Viðbót: Mér finnst ótækt að hafa í þessum forsíðuskrám lágmarkshitann í einum graut frá stöðvum í byggð og á heiðum. Í dag (25.3.) eru það t.d. Holtavörðuheiði og Kleyfaheiði sem eru efstar á blaði en engin byggðastöð kemst á blað. Auk þess eru þetta aðeins sjálfvirku stöðvarnar sem sjást á þessum listum. En vonandi koma seinna svona listar fyrir allar stöðvar, vélrænar sem mannaðar. 

Athugasemdir

[Malína (IP-tala skráð) 23.3.2009 kl. 15:58]

Ekki aðeins nýr vefur - líka ný stofnun:  Vefurstofan!

[EE elle (IP-tala skráð) 23.3.2009 kl. 16:57]

Vefst fyrir manni þessi vefurstofa. 

[Sigurður Þór Guðjónsson, 23.3.2009 kl. 17:02]

Eruð þið nokkuð systur?

[EE elle (IP-tala skráð) 23.3.2009 kl. 17:47]

Kannski  og kannski bara svipaðir (1/2) vitar?    

[Sigurður Þór Guðjónsson, 23.3.2009 kl. 18:15]

Þið eruð sem sagt systur!

[Malína (IP-tala skráð) 23.3.2009 kl. 19:10]

[Lára Hanna Einarsdóttir, 23.3.2009 kl. 19:19]

Tvíburar?

[Emil Hannes Valgeirsson, 23.3.2009 kl. 22:25]

Góðir Landsmenn. Þetta voru umræður um hinn nýja vef Veðurstofunnar.

[Malína (IP-tala skráð) 23.3.2009 kl. 22:58]

Þökkum fyrir á meðan einhver setur ekki R í staðinn fyrir V í Veðurstofu!

Ýmislegt gerist nú hérna á þessari bloggsíðu!

[Sigurður Þór Guðjónsson, 23.3.2009 kl. 23:45]

[EE elle (IP-tala skráð) 24.3.2009 kl. 09:17]

Maður veltir því fyrir sér hvort það komi aldrei nein almennileg veðurfrétt úr þessari Vefurstofu.  Eins og stormur og svoleiðis!?

[Sigurður Þór Guðjónsson, 24.3.2009 kl. 09:38]

Maður veltir því fyrir sér hvers vegna eintómir veðurhálfvitar gera athugasemdir þegar ég blogga um veður en aldrei neinn sem hefur eitthvað til málefnalegt til veðurmálanna að leggja. 

[Malína (IP-tala skráð) 24.3.2009 kl. 16:18]

 

[EE elle (IP-tala skráð) 24.3.2009 kl. 16:37]

  

[Sigurbjörn Sveinsson, 24.3.2009 kl. 21:50]

Er þetta nú alveg sanngjarnt Sigurður? Þann 4. mars reyndi ég að gera gáfuleg athugasemd um veðurfar á júratímabilinu:

"Leikmaður stígur í stólinn:

Fyrir nokkrum árum var á Rás 1 þáttaröð, sem ég man ekki hvað hét með stjórnandanum X þar sem rætt var við íslenska vísindamenn um hugðarefni þeirra og viðfangsefni. Síðdegis á sunnudegi ef mig minnir rétt. Þá var rætt við vísindamann sem unnið hafði að veðurfarsathugunum sögunnar með borkjörnum vítt og breytt um jarðir m.a. í Síberíu. Tengdist að ég held ekki dansk-íslenska verkefninu á Grænlandsjökli. Það sem mér þótti athyglisvert í máli hans var hve gríðarlegar hitasveiflur höfðu átt sér stað í lofthjúpi jarðar í gegnum jarðsöguna og voru sveiflur á meðalhita allt að 14° ef mig minnir rétt. Þetta er auðvitað langt umfram það, sem verið er að ræða núna af mannavöldum.

Mér er ljóst að þetta snertir ekki beint kjarna þess, sem rætt hefur verið hér að framan, en það opnar augu okkar fyrir því, hve siðmenningin er brothætt í höndum náttúrunnar, þegar litið er til meintra áhrifa mannsins á hitafarið."

Þú leist ekki við henni frekar en ýmsu öðru.

[Emil Hannes Valgeirsson, 24.3.2009 kl. 22:44]

Svo maður falli í ekki í flokk veðurhálfvita þá ætla ég að reyna að vera málefnalegur. En eins og ég hef einhvern tíma sagt áður þá sakna ég mikið í veðurkortum nútímans að sýnt séu gömlu góðu skilin, þ.e. kuldaskil, hitaskil og samskil en þau ásamt þrýstilínum segja svo mikið hvaða loftmassar eru á ferðinni hverju sinni, og bara yfirleitt hvað er að gerast í veðrinu. Þetta er þó auðvitað háð því að fólk kunni að lesa úr svoleiðis enda þarf til þess lágmarksþekkingu á veðri. Kortin á vef veðurstofunnar sýna engin svona skil, bara klessur og litatilbrigði sem segja vissulega sína sögu en það vantar alveg forsendurnar þegar ekki eru sýnd skilin.

Þess vegna held ég mikið uppá veðurkort eins og þau sem birtast t.d. á Metoffice:

http://www.metoffice.gov.uk/weather/europe/surface_pressure.html

[Steingrímur Helgason, 24.3.2009 kl. 23:33]

Ég er dáldið kátur með nákvæmnizspána hjá Belgíngi.

Enda nægjusamur í tíma, rúmi & nágrenni.

[Sigurður Þór Guðjónsson, 24.3.2009 kl. 23:57]

Og nú eru allir orðnir málefnalegir!

[Malína (IP-tala skráð) 25.3.2009 kl. 00:16]

Það var nú samt einhvern tíma þannig að fólk mátti djóka og ærslast og fíflast á þessari bloggsíðu.  Maður þurfti ekki alltaf að vera svo málefnalegur í tætlur og drep.

Hvenær hætti það??

[Sigurður Þór Guðjónsson, 25.3.2009 kl. 00:24]

Ég hefi nú ákveðið að gjörast stífur og streit í hverri grein á þessari rafrænu dagbók.

[EE elle (IP-tala skráð) 25.3.2009 kl. 00:35]

Nú

[Sigurbjörn Sveinsson, 25.3.2009 kl. 09:12]

Menn kvarta um að enn sé kalt og komið jafndægur á vori. Gaman væri að rifja upp veðrið á lamdinu síðustu vikuna fyrir kosningarnar í apríl 1983.  Þá var kafaldsbilur og ófærð um allt norðanvert landið fram að kjördag og tafði m.a. annars talningu á Vestfjörðum ef ég man rétt.

Hefurðu e-ð í handraðanum um þetta SÞG?

[EE elle (IP-tala skráð) 25.3.2009 kl. 10:22]

Stöku sinnum sést fjöldi snjóbolta, sem vindur hefur búið til, á dreif um sléttar snævi þakktar grundir.  Stærstu boltar af þessu tagi, sem getið er um í gögnum Vefurstofunnar, eru þeir sem Guðmundur Kjartansson jarðfræðingur lýsir í pistli í tímaritinu Veðrinu, 1957.     Vefurstofa Íslands, 2009.

[Sigurður Þór Guðjónsson, 25.3.2009 kl. 11:20]

Sigurbjörn: Árið 1983 var á kuldaskeiði miklu, einhverju því mesta síðan á 19. öld. Það veðurfar sem við höfum vanist síðustu ár, svona tíu til fimmtán, er miklu mildara og þess vegna finnum við meira fyrir því þegar veðrið sýnir á sér ómildari blæ. En það mun það gera annað slagið hvað sem líður hlýnandi veðurfari.