Tímaspursmál

Nýlega las ég viðtal við lögreglumann sem sagði að það væri tímaspursmál hvenær lögreglumaður léti lífið við störf sín. Hann skýrði ekki orð sín frekar. 

En lögreglumenn eru alltaf að klifa á þessu. Og þetta er svo sem ekkert út í hött. Lögreglustarfið er eðli síns vegna hættulegt. Svo hættulegt að eftir því sem tímar líða verður mjög líklegt að einhver lögreglumaður láti lífið við störf sín.

Það er bara einfaldur líkindareikningur. Alveg eins og það er líka tímaspursmál  hvenær slökkviliðsmaður lætur lífið við störf sín.

Lögreglumenn nota þetta hins vegar miskunnarlaust til að afla stéttinni samúðar í þjóðfélaginu en fyrst og fremst sem vopn í kjarabaráttu sinni.

Annað vofir líka yfir að miklum líkindum.

Það er tímaspursmál hvenær lögreglan verður í störfum sínum einhverjum borgara að bana.

Og þegar það gerist mun lögreglan og stjórnvöld- og fjöldi bloggara -verja það athæfi með öllum hugsanlegum ráðum.

Það verður jafnvel líka notað til að afla lögreglunni samúðar.

 

Athugasemdir

[DoctorE (IP-tala skráð) 24.8.2009 kl. 12:58]

Er þetta ekki eitt öruggasta starfið á íslandi í dag.. Svo er ágætt að nefna að Geir Jón hefur sagt opinberlega, í fullum skrúða og alles, að trúboðar séu vænlegri til árangurs en lögreglumenn...
Þannig að það er líklega best að virkja Hallgrímskirkjuturn sem útsýnisstað fyrir trúboða... þeir renna sér svo niður súlu þegar eitthver synd er í gangi, stökkva upp í krosslaga bíl sem spilar passíusálma á leið til hins synduga...
Þar verður hinum synduga sagt að Sússi vilji helst ekki pynta hann.. það eina sem þurfi að gera er að játa trú á hann BANG enginn synd eða glæpur, allir saklausir og í góðum fíling... lögreglan komin í önnur og hættuminni störf...

[Jón Steinar Ragnarsson, 4.9.2009 kl. 04:40]

Mikil og djúp er viska þín Sigurður. Það er öfundsvert hversu nett þú kemst oft að kjarna málsins.